Click it and Unblock the Notifications
Latest Updates
-
Rashiphalam: ഇന്ന് ഭാഗ്യയോഗങ്ങളില് മാറ്റങ്ങള് തേടി എത്തുന്ന രാശിക്കാര്: സമ്പൂര്ണഫലം ഇപ്രകാരം -
വ്യാഴം മിഥുനത്തില് നേര്ഗതിയില്: ഈ രാശിക്കാര് മാര്ച്ച് 11 മുതല് കരുതിയിരിക്കണം -
സ്ഥിരമായി ബീറ്റ്റൂട്ട് ജ്യൂസ് കുടിക്കുന്നോ? എങ്കില് ഇക്കാര്യങ്ങള് പരിഗണിക്കണം -
കാത്തിരുന്ന നക്ഷത്രമാറ്റം: രാജകീയ ജീവിതം നല്കുന്ന കേതു, മകം നക്ഷത്രത്തിലേക്ക് പ്രൗഡിയോടെ ഇവര് -
ശകുനം പറയും കണ്ണ് തുടിക്കുന്നതും ഉള്ളം കൈ ചൊറിയുന്നതും എന്തിനാണെന്ന്: ഭാവിയില് ഇത് സംഭവിക്കാം -
ആരോഗ്യത്തിന്റെ കലവറ ആയുസ്സിന് മുതല്ക്കൂട്ട്: പക്ഷേ മാതള നാരങ്ങ ഇവര് കഴിക്കരുത്, കാരണം ഇതാ -
മാര്ച്ച് 11-ന് ശനി അസ്തമയം: വിഷുവിന് ശേഷമുള്ള ഒരാഴ്ച വരെ മാറ്റങ്ങള് അതിഗംഭീരം ഈ രാശിക്കാര്ക്ക് -
ശനിയുടെ നക്ഷത്രത്തിലേക്ക് ചൊവ്വ: ഉത്രട്ടാതി നാളില് സംഭവിക്കുന്ന മാറ്റം നിസ്സാരമല്ല, ഭാഗ്യം കടാക്ഷിക്കും രാശി -
Rashiphalam: ഇന്ന് നിങ്ങള്ക്ക് എങ്ങനെ, അറിയണം 12 രാശിക്കാര്ക്കും ഗുണങ്ങളും ദോഷങ്ങളും ഇപ്രകാരമെന്ന് -
നെല്ലിക്ക ജ്യൂസില് ഒരു നുള്ള് മഞ്ഞള്പ്പൊടിയിട്ട് രാവിലെ കുടിക്കാം : ഗുണങ്ങള് ഇതെല്ലാം
December 2022 Vrat And Festivals: ഡിസംബര് മാസത്തിലെ പ്രധാന വ്രതങ്ങളും ഉത്സവങ്ങളും
2022ലെ അവസാന മാസമായ ഡിസംബറിലേക്ക് കടക്കുകയാണ് നാം. ഈ മാസം ഹിന്ദുമതത്തിനും ക്രിസ്തുമതത്തിനും വളരെ സവിശേഷമായ മാസമാണ്. കാരണം പല വലിയ വ്രതങ്ങളും ഉത്സവങ്ങളും ഈ മാസം ആഘോഷിക്കുന്നു. ക്രിസ്തുമത വിശ്വാസികളുടെ ഏറ്റവും വലിയ ആഘോഷമായ ക്രിസ്മസ് വരുന്നത് ഡിസംബറിലാണ്.
പഞ്ചാംഗമനുസരിച്ച് ഡിസംബര് മാസം ആരംഭിക്കുന്നത് മാര്ഗശീര്ഷ മാസത്തിലെ ശുക്ല പക്ഷത്തിലെ അഷ്ടമി തിഥിയിലാണ്. മോക്ഷദ ഏകാദശി, പ്രദോഷ വ്രതം, മാര്ഗശീര്ഷ പൂര്ണിമ, സഫല ഏകാദശി തുടങ്ങി നിരവധി വലിയ വ്രതാനുഷ്ഠാനങ്ങളും ഡിസംബര് മാസത്തില് ആഘോഷിക്കപ്പെടുന്നുണ്ട്. 2022 ഡിസംബര് മാസത്തില് വരുന്ന വ്രതാനുഷ്ഠാനങ്ങളെയും ഉത്സവങ്ങളെയും കുറിച്ച് വായിച്ചറിയാം.
ഡിസംബര് 3, ശനി - ഗീതാ ജയന്തി, മോക്ഷദ ഏകാദശി
മാര്ഗശീര്ഷ മാസത്തിലെ ശുക്ല പക്ഷത്തിലെ ഏകാദശി തിഥിയില് മോക്ഷദ ഏകാദശിയും ഗീതാ ജയന്തിയും ആഘോഷിക്കുന്നു. ഈ ദിവസം മഹാവിഷ്ണുവിനെയും ലക്ഷ്മി ദേവിയെയും ആചാരങ്ങളോടെ ആരാധിക്കുകയും വ്രതം അനുഷ്ഠിക്കുകയും ചെയ്യുന്നു. ഇങ്ങനെ ചെയ്യുന്നതിലൂടെ ഭക്തരുടെ എല്ലാ പാപങ്ങളും നശിക്കുകയും മോക്ഷം ലഭിക്കുകയും ചെയ്യുമെന്നാണ് വിശ്വാസം. ഗീതാജയന്തിയും മോക്ഷദ ഏകാദശിയും ഒരേ ദിവസമായതിനാല് ഈ തിയ്യതി വളരെ പ്രാധാന്യമുള്ളതാണ്.
ഡിസംബര് 5, തിങ്കള് - ശുക്ലപക്ഷ പ്രദോഷ വ്രതം
ഹിന്ദു കലണ്ടര് അനുസരിച്ച് ഓരോ മാസത്തിന്റെയും ഇരുവശത്തുമുള്ള ത്രയോദശി ദിവസങ്ങളില് പ്രദോഷ വ്രതം ആചരിക്കുന്നു. ഈ വ്രതം പരമശിവന് വളരെ പ്രിയപ്പെട്ടതാണെന്ന് ശിവപുരാണത്തില് പറഞ്ഞിട്ടുണ്ട്. പ്രദോഷ വ്രതം അനുഷ്ഠിക്കുന്ന ഭക്തരില് പരമേശ്വരന് വളരെ വേഗം പ്രസാദിക്കുകയും അവരുടെ എല്ലാ ആഗ്രഹങ്ങളും നിറവേറ്റി ഭക്തരെ അനുഗ്രഹിക്കുകയും ചെയ്യുന്നു. ഡിസംബര് മാസത്തില് ശുക്ലപക്ഷ പ്രദോഷ വ്രതം വരുന്നത് 5 ആം തീയതി തിങ്കളാഴ്ചയാണ്.
ഡിസംബര് 7, ബുധന് - ദത്താത്രേയ ജയന്തി
മാര്ഗശീര്ഷ ശുക്ല പക്ഷ പൗര്ണ്ണമി ദിനത്തിലാണ് ദത്താത്രേയ ജയന്തി ആഘോഷിക്കുന്നത്. ഇത്തവണ ഇത് ഡിസംബര് 7 ബുധനാഴ്ചയാണ് വരുന്നത്. മഹായോഗീശ്വരനായ ദത്താത്രേയ ബ്രഹ്മാവിന്റെയും വിഷ്ണുവിന്റെയും ശിവന്റെയും അവതാരമാണെന്ന് കണക്കാക്കപ്പെടുന്നു. മാര്ഗശീര്ഷ മാസത്തിലെ പൗര്ണ്ണമി തിയതിയിലാണ് അദ്ദേഹം ജനിച്ചതെന്നും 24 ഗുരുക്കന്മാരില് നിന്ന് വിദ്യാഭ്യാസം നേടിയതെന്നും വിശ്വസിക്കപ്പെടുന്നു. ദത്താത്രേയ ഭഗവാന്റെ നാമത്തിലാണ് ദത്ത വിഭാഗം ജനിച്ചത്. ദക്ഷിണേന്ത്യയില് നിരവധി ദത്താത്രേയ ക്ഷേത്രങ്ങളുണ്ട്.
ഡിസംബര് 8, വ്യാഴാഴ്ച - മാര്ഗശീര്ഷ പൂര്ണിമ വ്രതം
പഞ്ചാംഗം അനുസരിച്ച് ഈ വര്ഷം ഡിസംബര് 8ന് മാര്ഷിഷ് പൂര്ണിമ വ്രതം ആചരിക്കും. ഹിന്ദുമതത്തില് മാര്ഗശീര്ഷ പൂര്ണിമയ്ക്ക് വലിയ പ്രാധാന്യമുണ്ട്. ഈ മാസം ശ്രീകൃഷ്ണന്റെ ഏറ്റവും പ്രിയപ്പെട്ട മാസമായി കണക്കാക്കപ്പെടുന്നു. മാര്ഗശീര്ഷ പൂര്ണ്ണിമയില് ഭഗവാന് കൃഷ്ണനെ ആരാധിക്കുന്നതിന് പ്രത്യേക പ്രാധാന്യമുണ്ട്. ഈ ദിവസത്തെ ആരാധനയും വ്രതവും ജീവിതത്തിലെ പ്രശ്നങ്ങളില് നിന്ന് നിങ്ങള്ക്ക് മുക്തി നല്കുന്നു.
ഡിസംബര് 11, ഞായര് - സങ്കഷ്ടി ചതുര്ത്ഥി
ഗണപതിയെ ആരാധിക്കാനും വ്രതം അനുഷ്ഠിക്കാനും ഉത്തമ ദിവസമാണ് ചതുര്ത്ഥി തിഥി. ഡിസംബര് മാസത്തില് സങ്കഷ്ടി ചതുര്ത്ഥി വരുന്നത് 11 ഞായറാഴ്ചയാണ്. ഈ ദിവസം സ്ത്രീകള് വ്രതമനുഷ്ഠിച്ച് ഗണപതിയെ ആരാധിക്കുകയും ചന്ദ്രനു ജലം സമര്പ്പിക്കുകയും ചെയ്യുന്നു. ഗണേശനെ ആരാധിച്ച ശേഷം രാത്രി ചന്ദ്രനെ ദര്ശിച്ചാണ് വ്രതം പൂര്ത്തിയാക്കുന്നത്.
ഡിസംബര് 16, വെള്ളി - രുക്മിണി അഷ്ടമി
പൗഷ മാസത്തിലെ കൃഷ്ണ മാസത്തിലെ അഷ്ടമി തിഥിയിലാണ് രുക്മിണി അഷ്ടമി ഉത്സവം ആഘോഷിക്കുന്നത്. ശ്രീകൃഷ്ണന്, രുക്മിണി, പ്രദ്യുമ്നന് എന്നിവരെ ഈ ദിവസം ആരാധിക്കുന്നത് ശുഭകരമാണ്. വിശ്വാസമനുസരിച്ച്, ഈ ദിവസം വ്രതമെടുക്കുകയും സ്ത്രീകള്ക്ക് ഭക്ഷണം നല്കിയ ശേഷം വസ്ത്രങ്ങള് ദാനം ചെയ്യുകയും ചെയ്യുന്ന ഭക്തരില് രുക്മിണി ദേവി സന്തുഷ്ടയാവുകയും ചെയ്യുന്നുവെന്ന് വിശ്വസിക്കപ്പെടുന്നു. ഇതിലൂടെ നിങ്ങളുടെ കുടുംബത്തില് സമാധാനവും സന്തോഷവും ഉണ്ടാകുന്നു.
ഡിസംബര് 16, വെള്ളിയാഴ്ച - ധനു സംക്രാന്തി
സൂര്യന്റെ രാശിചക്രം മാറുന്നത് സംക്രാന്തി ഉത്സവമായി ആഘോഷിക്കുന്നു. വിശ്വാസമനുസരിച്ച് സൂര്യന്റെ മാറ്റം എല്ലാ രാശികളേയും ഒരു തരത്തില് അല്ലെങ്കില് മറ്റൊന്നില് ബാധിക്കുന്നു. എല്ലാ വര്ഷവും സൂര്യന് രാശി മാറി ധനു രാശിയില് പ്രവേശിക്കുന്ന ദിവസം ധനു സംക്രാന്തിയായി ആഘോഷിക്കുന്നു. ധനു സംക്രാന്തിയെ ദക്ഷിണേന്ത്യയില് ധനുര്മാസം എന്നും വിളിക്കുന്നു.
ഡിസംബര് 19, തിങ്കള് - സഫല ഏകാദശി
പൗഷ മാസത്തിലെ കൃഷ്ണപക്ഷത്തിലെ ഏകാദശി തിഥിയിലാണ് സഫല ഏകാദശി ആഘോഷിക്കുന്നത്. ഇത് വര്ഷത്തിലെ അവസാന ഏകാദശി കൂടിയാണ്. ഈ ദിവസം ബ്രാഹ്മ മുഹൂര്ത്തത്തില് കുളിച്ച് ധ്യാനിച്ച് വ്രതമെടുക്കുക. കൂടാതെ ഈ ദിവസം വിഷ്ണുവിനെയും ലക്ഷ്മി ദേവിയെയും ആരാധിക്കുകയും ചെയ്യുന്നു. സഫല ഏകാദശിയിലെ വ്രതാനുഷ്ഠാനം ജീവിതത്തിലെ എല്ലാ വിഷമതകളും അകറ്റുകയും മോക്ഷം നല്കിത്തരികയും ചെയ്യുമെന്ന് വേദങ്ങള് പറയുന്നു.
ഡിസംബര് 25, ഞായര് - ക്രിസ്മസ്
ഡിസംബര് 25ന് ലോകമെമ്പാടും ക്രിസ്തുമസ് ആഘോഷിക്കുന്നു. ക്രിസ്തുമതത്തിലെ ഏറ്റവും വലിയ ആഘോഷമാണ് ഇത്. വിശ്വാസമനുസരിച്ച് ഡിസംബര് 25നാണ് യേശുക്രിസ്തു ജനിച്ചത്. റോമന് സാമ്രാജ്യത്തിലെ ആദ്യത്തെ ക്രിസ്ത്യന് ചക്രവര്ത്തിയായ കോണ്സ്റ്റന്റൈന്റെ കാലത്താണ് ഈ തീയതി അംഗീകരിക്കപ്പെട്ടത്. അതിനുശേഷം സെക്സ്റ്റസ് ജൂലിയസ് ആഫ്രിക്കാനസ് മാര്പാപ്പ ഡിസംബര് 25ന് പ്രശസ്തമായ തിരുനാള് ആഘോഷിച്ചു. അന്നുമുതല് യേശുക്രിസ്തുവിന്റെ ജന്മദിനം ഡിസംബര് 25ന് ആഘോഷിച്ചുവരുന്നു.
ഡിസംബര് 29, ചൊവ്വ - ഗുരു ഗോവിന്ദ് സിംഗ് ജയന്തി
സിഖുകാരുടെ പത്താമത്തെ ഗുരുവാണ് ഗോവിന്ദ് സിംഗ്. 1666ല് പൗഷമാസത്തിലെ ശുക്ലപക്ഷത്തിലെ ഏഴാം തിയ്യതിയാണ് അദ്ദേഹം ജനിച്ചത്. ഗുരു ഗോവിന്ദ് സിംഗ് ഒരു വിപ്ലവ സന്യാസിയായിരുന്നു. മനുഷ്യ സമൂഹത്തിന്റെ ഉന്നമനത്തിനും രാജ്യത്തിന്റെ ധാര്മ്മിക മൂല്യങ്ങള് സംരക്ഷിക്കുന്നതിനുമായി അദ്ദേഹം നിരവധി ത്യാഗങ്ങള് ചെയ്തിട്ടുണ്ട്. സിഖ് മതത്തിന് പുറമെ, മറ്റ് മതസ്ഥര്ക്കും ഗുരു ഗോവിന്ദ് സിംഗ് പ്രചോദനത്തിന്റെ ഉറവിടമാണ്.
Continue with Google