ലക്ഷ്മീദേവി കടാക്ഷിക്കും, സമ്പത്തും ഭാഗ്യവും; പുതുവര്‍ഷത്തില്‍ ഈ ഭാഗ്യവസ്തുക്കള്‍ വീട്ടിലെത്തിക്കൂ

പിരമിഡ്

വാസ്തു ശാസ്ത്രത്തില്‍ പിരമിഡിന് പ്രത്യേക പ്രാധാന്യമുണ്ട്. വാസ്തുദോഷമുള്ള വീടിന്റെ ദിശയില്‍ പിരമിഡ് സ്ഥാപിച്ചാല്‍ പുരോഗതി ഉണ്ടാകുമെന്നാണ് വിശ്വാസം. വെള്ളി, പിച്ചള അല്ലെങ്കില്‍ ചെമ്പ് എന്നിവയില്‍ തീര്‍ത്ത പിരമിഡ് സാമ്പത്തിക ബുദ്ധിമുട്ടുകള്‍ ഇല്ലാതാക്കാന്‍ സഹായിക്കും. പുതുവര്‍ഷത്തില്‍, തീര്‍ച്ചയായും നിങ്ങളുടെ വീട്ടിലേക്ക് ഒരു പിരമിഡ് കൊണ്ടുവരികയും വീട്ടിലെ എല്ലാ അംഗങ്ങളും ഒരുമിച്ച് ഇരിക്കുന്ന ഒരു സ്ഥലത്ത് ഇത് സൂക്ഷിക്കുകയും ചെയ്യുക.

ഹനുമാന്‍ വിഗ്രഹം

വീട്ടില്‍ പോസിറ്റീവ് എനര്‍ജി നിലനിര്‍ത്താനും സാമ്പത്തിക സ്ഥിതി ശക്തമായി നിലനിര്‍ത്താനുമായി പുതുവര്‍ഷത്തില്‍ നിങ്ങളുടെ വീട്ടില്‍ പഞ്ചമുഖ ഹനുമാന്റെ ഒരു വിഗ്രഹമോ ഫോട്ടോയോ സ്ഥാപിക്കുക. ഇത് വീടിന്റെ തെക്ക് പടിഞ്ഞാറ് ദിശയില്‍ സ്ഥാപിച്ച് എല്ലാ ദിവസവും പൂജിക്കുന്നത് നിങ്ങള്‍ക്ക് ആശ്വര്യം കൊണ്ടുവരും.

ലക്ഷ്മി-കുബേര ചിത്രം

ലക്ഷ്മി ദേവിയുടെ പത്മ ചിഹ്നവും കുബേരന്റെ ചിത്രവും നിങ്ങളുടെ പൂജാമുറിയില്‍ സൂക്ഷിക്കുക. ലക്ഷ്മി ദേവി സമ്പത്തിന്റെ ദേവതയാണ്, കുബേരന്‍ സമ്പത്തിന്റെയും ഐശ്വര്യത്തിന്റെയും ദേവനാണ്. വാസ്തു ശാസ്ത്രപ്രകാരം വീടിന്റെ പ്രവേശന കവാടത്തില്‍ ലക്ഷ്മി-കുബേരന്റെ ചിത്രം വയ്ക്കുന്നത് വീട്ടില്‍ ഐശ്വര്യവും സമ്പത്തും കൊണ്ടുവരും.

വെള്ളം നിറച്ച കുടം

വാസ്തു ശാസ്ത്ര പ്രകാരം വീട്ടില്‍ നിങ്ങള്‍ ഒരു വെള്ളം നിറച്ച കുടം നിര്‍ബന്ധമായും സൂക്ഷിക്കണം. ഇത് വീടിന്റെ വടക്ക് ദിശയിലാണ് സ്ഥാപിക്കേണ്ടത്.

മയില്‍പ്പീലി

ശ്രീകൃഷ്ണന് വളരെ പ്രിയപ്പെട്ടതാണ് മയില്‍പീലി. അത്തരമൊരു സാഹചര്യത്തില്‍ പുതുവര്‍ഷത്തില്‍ ഒരു മയില്‍പ്പീലി വീട്ടില്‍ സൂക്ഷിച്ചാല്‍, ലക്ഷ്മിദേവി വീട്ടിലെത്തും. പുതുവര്‍ഷത്തില്‍ നിങ്ങളുടെ ജീവിതത്തില്‍ സന്തോഷവും സമൃദ്ധിയും വേണമെങ്കില്‍, വീട്ടില്‍ ഒരു മയില്‍പ്പീലി സൂക്ഷിക്കുക.

തുളസി ചെടി

സനാതന ധര്‍മ്മത്തില്‍ തുളസി ചെടിയെ ഏറ്റവും പവിത്രമായ സസ്യമായി കണക്കാക്കുന്നു. തുളസി ചെടി ഉള്ള വീട്ടില്‍ ഒന്നിനും ഒരു കുറവും വരില്ലെന്നും വീട്ടില്‍ ഐശ്വര്യം നിറയുമെന്നും വിശ്വാസിക്കുന്നു. പുതുവര്‍ഷത്തില്‍ ഐശ്വര്യം വരാനായി നിങ്ങളുടെ വീട്ടിലൊരു തുളസി ചെടി കൊണ്ടുവരിക.

വെള്ളി ആന

പുതുവത്സരം ആരംഭിക്കുന്നതിന് മുമ്പ് നിങ്ങളുടെ വീട്ടില്‍ ഒരു വെള്ളി ആനയെ കൊണ്ടുവരിക. ജ്യോതിഷ പ്രകാരം വെള്ളി ആനയ്ക്ക് അത്ഭുതകരമായ ഫലമുണ്ട്. ഇത് വയ്ക്കുന്നതിലൂടെ രാഹു, കേതു എന്നിവയുടെ ദോഷഫലം അവസാനിക്കുകയും ബിസിനസ്സിലും ജോലിയിലും പുരോഗതി ഉണ്ടാവുകയും ചെയ്യും.

ലോഹ ആമ

പുതുവര്‍ഷത്തിന് മുമ്പ് തീര്‍ച്ചയായും ഒരു ലോഹ ആമയെ നിങ്ങളുടെ വീട്ടിലേക്ക് എത്തിക്കുക. പലപ്പോഴും ആളുകള്‍ കളിമണ്ണ് അല്ലെങ്കില്‍ മരം കൊണ്ടുള്ള ആമയെ വീട്ടില്‍ എവിടെയെങ്കിലും സൂക്ഷിക്കുന്നു. എന്നാല്‍ ഇതിനു പകരം വെള്ളിയോ പിച്ചളയോ വെങ്കലമോ കൊണ്ടുണ്ടാക്കിയ ആമയെ വീട്ടില്‍ സൂക്ഷിക്കുന്നത് ശുഭകരമാണ്. ഇത് വീടിന്റെ വടക്ക് ദിശയില്‍ സൂക്ഷിക്കുന്നതിലൂടെ നെഗറ്റീവ് എനര്‍ജി നീങ്ങുകയും ലക്ഷ്മി ദേവിയുടെ അനുഗ്രഹം ലഭിക്കുകയും ചെയ്യുന്നു.

ചിരിക്കുന്ന ബുദ്ധന്‍

പുതുവര്‍ഷത്തിന്റെ ശുഭവേളയില്‍ നിങ്ങള്‍ക്ക് വീട്ടില്‍ ഒരു ചിരിക്കുന്ന ബുദ്ധ പ്രതിമ എത്തിക്കാം. ഈ പ്രതിമ എല്ലായ്‌പ്പോഴും വടക്ക്-കിഴക്ക് ദിശയില്‍ വയ്ക്കുക. ഇത് വീട്ടില്‍ സൂക്ഷിച്ചാല്‍ പണത്തിന് ഒരിക്കലും കുറവുണ്ടാകില്ലെന്ന് പറയപ്പെടുന്നു.