ഈ ഓണാഘോഷം അല്‍പം വെറൈറ്റിയാണ്: വീഡിയോ കാണാം

ഓണം എന്നത് ആഘോഷങ്ങളുടെ കലവറയാണ്. എന്ത് ആഘോഷിക്കണം, എങ്ങനെ ആഘോഷിക്കണം എന്നതിന് വേണ്ടി കൃത്യമായ തയ്യാറെടുപ്പുകളാണ് എല്ലാവരും എടുക്കുന്നത്. ട്വിറ്ററില്‍ ഇപ്പോള്‍ വൈറലായിക്കൊണ്ടിരിക്കുന്ന ഒരു ഓണാഘോഷത്തെക്കുറിച്ചാണ് ഈ ലേഖനത്തില്‍ പറയുന്നത്. ബാങ്കിലെ ഓണാഘോഷമാണ് ഇപ്പോള്‍ വൈറലായിക്കൊണ്ടിരിക്കുന്നത്. തനതായ രീതിയില്‍ ആണ് ഇവര്‍ ഓണം ആഘോഷിച്ചത്. ബാങ്കിലെത്തിയ ഉപയോക്താവ് ഷെയര്‍ ചെയ്ത വീഡിയോ ആണ് ഇപ്പോള്‍ വൈറലായിക്കൊണ്ടിരിക്കുന്നത്. മഹാബലിയുടെ വേഷത്തിലാണ് ജീവനക്കാന്‍ ബാങ്കിലെത്തിയത്. കണ്ണൂര്‍ തലശ്ശേരിയില്‍ ആണ് സംഭവം.

നിരവധി ഷെയറുകളും ലൈക്കുകളുമാണ് ഇതിന് ലഭിച്ച് കൊണ്ടിരിക്കുന്നത്. നിരവധി പേരാണ് അഭിനന്ദന പ്രവാഹവുമായി എത്തിയിരിക്കുന്നത്. ഇത്തരം ആഘോഷങ്ങള്‍ നമ്മുടെ സംസ്‌കാരത്തിന്റെ മാറ്റ് കൂട്ടുന്നവയാണ് എന്നതാണ് എല്ലാവരും ഒരേ സ്വരത്തില്‍ പറയുന്നത്. ആഘോഷമേതായാലും അതില്‍ സന്തോഷം നിറക്കുക എന്നതാണ് നാം ഓരോരുത്തരും ആഗ്രഹിക്കുന്നത്. ഇപ്പോള്‍ തന്നെ മൂന്ന് ലക്ഷത്തില്‍ കൂടുതലാണ് വീഡിയോക്ക് ലഭിച്ച വ്യൂസ്. ബാങ്കിലെ ജീവനക്കാരുടെ ഈ കഴിവിനെ അഭിനന്ദിച്ച് കൊണ്ട് നിരവധി പേരാണ് രംഗത്ത് വന്നിരിക്കുന്നത്. ജോലിയെ നമ്മുടെ സംസ്‌കാരവുമായി ബന്ധപ്പെട്ട് നിലനില്‍ക്കുന്ന രീതികള്‍ എന്തുകൊണ്ടും തുടര്‍ന്ന് പോരുന്നത് നല്ലതാണ് എന്നാണ് പലരും വീഡിയോക്ക് താഴെ അഭിപ്രായപ്പെടുന്നത്.

മികച്ചതും അഭിനന്ദനാര്‍ഹവുമായ ഒരു അറ്റംപ്റ്റ് തന്നെയാണ് ഇത്തരത്തില്‍ ഒരു ഓണാഘോഷം എന്നതില്‍ സംശയിക്കാനില്ല. എന്നാല്‍ ഇതിനെതിരെ വിമര്‍ശനവുമായി എത്തുന്നവരും ഒട്ടും കുറവല്ല. ആഘോഷങ്ങളുടെ ഭാഗമായി ഇത്തരം വസ്ത്രം ധരിച്ചതും ഔദ്യോഗിക വസ്ത്രങ്ങള്‍ ധരിക്കാത്തതിനും ജീവനക്കാരനെ വിമര്‍ശിക്കുന്നവരും സമൂഹമാധ്യമത്തില്‍ നിരവധിയാണ്. വസ്ത്രധാരണത്തിന്റെ നിയമത്തെ ചോദ്യം ചെയ്യുന്ന തരത്തിലുള്ളതാണ് ബാങ്ക് ജീവനക്കാരുടെ ആഘോഷം എന്ന തരത്തിലും നിരവധി കമന്റുകള്‍ വരുന്നുണ്ട്.

ഓണം സാധാരണയായി ചിങ്ങമാസത്തിലാണ് ആഘോഷിക്കപ്പെടുന്നത്. മഹാബലി തമ്പുരാന്‍ കേരളത്തില്‍ തന്റെ പ്രജകളെ കാണാന്‍ എത്തുന്നു എന്നതാണ് ഐതിഹ്യം. പത്ത് ദിവസം നീണ്ട് നില്‍ക്കുന്ന ഈ ഉത്സവത്തിന്റെ അവസാനം എന്ന് പറയുന്നത് തിരുവോണ നാളിലാണ്. തിരുവോണത്തെ വരവേല്‍ക്കുന്നതിന് വേണ്ടി ഈ ദിനത്തില്‍ ആളുകള്‍ അവരുടെ വീടുകള്‍ വൃത്തിയാക്കുകയും അലങ്കരിക്കുകയും ചെയ്യുന്നു. പൂക്കളങ്ങളും ഓണക്കോടിയും ഓണസദ്യയും തയ്യാറാക്കി മാവേലി മന്നനെ വരവേല്‍ക്കുന്നതിന് വേണ്ടി ഈ ദിനം എല്ലാ മലയാളികളും കാത്തിരിക്കുന്നു. ഈ വര്‍ഷത്തെ തിരുവോണ ദിനം സെപ്റ്റംബര്‍ 8 വ്യാഴാഴ്ചയാണ്.