ഓണം 2019: ഓണക്കളികളുടെ ഗൃഹാതുരത

പുലിക്കളി

കൂട്ടത്തില്‍ പ്രധാനം പുലിക്കളി തന്നെ. എന്നാല്‍ നാട്ടിന്‍ പുറങ്ങളില്‍ ഓണക്കാലത്ത് സ്ഥിരമായി കാണാറുള്ളതാണ് പുലിക്കളി. എന്നാല്‍ ഇപ്പോള്‍ തൃശ്ശൂരില്‍ മാത്രമായി ഇതൊതുങ്ങി പോയി എന്നതും സങ്കടകരമാണ്. ഏതാണ്ട് 200 വര്‍ഷങ്ങളുടെ തുടര്‍ച്ചയുണ്ട് പുലിക്കളിക്ക്.

ഓണപ്പൊട്ടന്‍

ഇപ്പോള്‍ ചിലയിടങ്ങളില്‍ മാത്രം കാണാറുള്ള ഒരു കലാരൂപം. കോഴിക്കോട് ഭാഗങ്ങളില്‍ ആണ് അധികമായും ഓണപ്പൊട്ടന്‍മാരെ കാണുക. എന്നാല്‍ ഇവരും ഇപ്പോള്‍ കാണാമറയത്തേക്ക് പൊയ്‌ക്കൊണ്ടിരിക്കുന്നു.

കൈകൊട്ടിക്കളി

കൈകൊട്ടിക്കളിയുടെ പൊടി പോലും ഇപ്പോള്‍ കാണാനില്ല. തിരുവാതിരക്കളിയുടെ തന്നെ അല്‍പം നാടോടി രൂപമാണ് കൈകൊട്ടിക്കളി. എന്നാല്‍ ഇപ്പോള്‍ കൈകൊട്ടിക്കളിയും ഇല്ലാതെ മലയാളി ഓണമാഘോഷിക്കുന്നു.

പശുവും പുലിയും

പുലിക്കളിയില്‍ നിന്നും ഏറെ വ്യത്യസ്തമാര്‍ന്ന ഒരു കളിയാണ് പശുവും പുലിയും കളി. എന്നാല്‍ ഇന്ന് പലര്‍ക്കും അറിയില്ല എന്താണ് ഈ കളിയുടെ പ്രത്യേകതയെന്നൊന്നും. പണ്ട് കാലത്ത് പെണ്‍കുട്ടികള്‍ ആണ് ഈ കളി കളിക്കുന്നതെന്നും പ്രത്യേകതയാണ്.

വള്ളംകളി

ഓണത്തിന് ഒരു ഇമ്പം വരണമെങ്കില്‍ വള്ളം കളി പ്രധാനമാണ്. എന്നാല്‍ വള്ളം കളി ഇന്ന് പലസ്ഥലങ്ങളിലും നിലവിലുള്ള ഒന്നാണ്. ഉത്രട്ടാതി വള്ളം കളിയാണ് ഇതില്‍ ഏറ്റവും പ്രശസ്തവും.