ഓണം 2020: മാവേലിക്കും ന്യൂ ജനറേഷന്‍ വ്യത്യാസം?

അന്ന് വീട്ടുകാര്‍ക്കൊപ്പം ഇന്ന് ?

പണ്ട് ഓണമാഘോഷിക്കുന്നത് എല്ലാവരും വീട്ടുകാര്‍ക്കൊപ്പമായിരുന്നു എന്നാല്‍ ഇന്ന് ജോലി സ്ഥലത്തെ തിരക്കുകളും മറ്റും കാരണം ഓണത്തിന് വീട്ടില്‍ പോവാന്‍ കഴിയാത്തവര്‍ കൂട്ടുകാര്‍ക്കൊപ്പം ഓണമാഘോഷിക്കുന്നു

തിരക്കിനു പിന്നാലെ ജീവിതം

മെട്രോ നഗരത്തിലെ കാഴ്ചകളില്‍ മതി മറന്ന് ഓണമാഘോഷിക്കുന്നതിനു പോലും മാറ്റങ്ങള്‍ വന്നു കഴിഞ്ഞു. ഓണം എല്ലാ ദിവസത്തേയും പോലെ ഒരു ദിവസം.

പഴയ കാര്യങ്ങളുടെ പിറകേ വീണ്ടും

എങ്കിലും എത്ര തിരക്കാണെങ്കിലും പലരും ഇന്നും ഓണദിവസമെങ്കിലും തനി കേരളീയനാകുന്നു. ഒരിക്കലും നമുക്ക് മറക്കാന്‍ പറ്റാത്ത കാലത്തിലേക്ക് നമ്മെ ഓര്‍മ്മകളിലൂടെയെങ്കിലും കൂട്ടിക്കൊണ്ടു പോകുന്നു.

ജോലിസ്ഥലത്തും ഓണം

ഓണമാഘോഷിക്കുന്നത് എവിടെയാണെങ്കിലും അവിടെ ഞാനുണ്ടാകും എന്നതാണ് മലയാളി. പ്രത്യേകിച്ച് ഓണക്കാലത്ത്. അതുകൊണ്ടു തന്നെ ജോലിസ്ഥലങ്ങളിലെ ഓണാഘോഷം മലയാളിക്ക് എത്ര ന്യൂജനറേഷന്‍ ആയാലും നല്ലൊരു ഓര്‍മ്മയാണ്.

റെസ്‌റ്റോറന്റില്‍ ഒതുങ്ങിപ്പോയോ?

ന്യൂ ജനറേഷന്റെ ഓണാഘോഷം റെസ്‌റ്റോറന്റുകളില്‍ ഒതുങ്ങിപ്പോയി എന്നതാണ് മറ്റൊരു പ്രത്യേകത. പലര്‍ക്കും പാചകം ചെയ്യാനും അതിന് മിനക്കെടാനും വയ്യാത്തതിനാലാണ് ഓണസദ്യ തന്നെ റെസ്‌റ്റോറന്റകളില്‍ ഒതുങ്ങിപ്പോയത്.

ആഘോഷങ്ങളില്‍ മുന്നില്‍

തലമുറ ഏതായാലും ആഘോഷങ്ങളില്‍ ഇരു കൂട്ടരും മുന്നില്‍ തന്നെയാണ്. അതാണ് ഏറ്റവും വലിയ ഒത്തൊരുമയും. എല്ലാ ആഘോഷങ്ങളിലും മുന്നില്‍ നില്‍ക്കുന്നത് പുതുതലമുറ തന്നെയാണ് എങ്കിലും പഴമയെ അവര്‍ തള്ളിക്കളയുന്നുമില്ല.

എത്രയായാലും ഓണം ഗൃഹാതുരതയുടെ കാലം

ഓണത്തെ എങ്ങനെയൊക്കെ തരം തിരിച്ചാലും അത് ഗൃഹാതുരതയുടെ ഓണക്കാലം തന്നെയാണ്. കാരണം ഓരോ മലയാളിയും പുതിയ തലമുറയ്ക്ക് പകര്‍ന്നു നല്‍കുന്നതാണ് അവര്‍ അടുത്ത തലമുറയ്ക്കായി കരുതി വെയ്ക്കുന്ന സമ്പാദ്യം.