Click it and Unblock the Notifications
Latest Updates
-
വിജയദശമി 2026: ഈ രാശിക്കാർക്ക് കരിയറിലും സാമ്പത്തിക രംഗത്തും വൻ നേട്ടം, അറിയാം നിങ്ങളുടെ രാശിഫലം -
പ്രായപൂർത്തിയായവരുടെ വിവാഹത്തിൽ ഇടപെടരുത്; നിർണ്ണായക ഉത്തരവുമായി കേരള ഹൈക്കോടതി -
ഒക്ടോബർ 19 നക്ഷത്രഫലം: ഉത്രാടം മാറി തിരുവോണം, ഈ നക്ഷത്രക്കാർക്ക് ഇന്ന് ഭാഗ്യദിനം! -
സിംബാബ്വെയെ തകർത്തെറിഞ്ഞ് ഇന്ത്യ; ടി-20 പരമ്പര സ്വന്തമാക്കി മന്ദാനപ്പട, ഷഫാലിയുടെ വെടിക്കെട്ട് പ്രകടനം -
വിദ്യാരംഭം 2026: ഒക്ടോബർ 20-ന് കുഞ്ഞുങ്ങളെ എഴുത്തിനിരുത്താൻ ഏറ്റവും അനുയോജ്യമായ സമയം ഏത്? -
ജിയോ, പരസ് ഐപിഒ: നിക്ഷേപകർക്ക് വൻ അവസരം; അപേക്ഷിക്കും മുൻപ് അറിയേണ്ട നിർണായക കാര്യങ്ങൾ -
ഇന്ന് സർവ്വാർത്ഥ സിദ്ധി യോഗം: പുതിയ കാര്യങ്ങൾ തുടങ്ങാൻ ഏറ്റവും അനുയോജ്യമായ സമയം ഇതാണ്‌ -
സിന്ദൂർ ഖേല ആഘോഷം കളറാക്കാം; ചർമ്മത്തിന് അലർജിയുണ്ടാകാതിരിക്കാൻ ഈ മുൻകരുതലുകൾ മറക്കരുത് -
വിദ്യാരംഭത്തിന് കുട്ടികളുടെ പഠനമുറി ഒരുക്കുന്നുണ്ടോ? വാസ്തു പ്രകാരം ഈ മാറ്റങ്ങൾ വരുത്തിയാൽ ഏകാഗ്രത കൂടും -
ഹോർലിക്സ്, നെസ്കഫേ വാങ്ങുന്നവർ ശ്രദ്ധിക്കുക; തെറ്റിദ്ധരിപ്പിക്കുന്ന പരസ്യങ്ങൾക്ക് കമ്പനികൾക്ക് എഫ്എസ്എസ്എഐ നോട്ടീസ്
ഞങ്ങള്‍ക്കും ശംബളം വേണം: വീട്ടമ്മമാര്‍
എന്നാല്‍ വീട്ടുജോലിയും ശംബളം കിട്ടേണ്ടുന്ന ഒരു ജോലിതന്നെയാണെന്നാണ്‌ വീട്ടമ്മമാരുടെ പക്ഷം. വീട്ടുജോലിയ്‌ക്ക്‌ വേതനമാവശ്യപ്പെട്ട്‌ ഇവര്‍ അവകാശപ്രഖ്യാപനത്തിന്‌ തയ്യാറെടുക്കുകയാണ്‌. വനിതാ ദിനമായ മാര്‍ച്ച്‌ എട്ടിനാണ്‌ പ്രഖ്യാപനം നടക്കുക.
വീട്ടമ്മമാരുടെ സേവനം കൂലിയില്ലാത്ത പ്രവൃത്തിയല്ലെന്ന്‌ ഭരണകൂടം പ്രഖ്യാപിക്കണമെന്നും അതിന്‌ മിനിമം കൂലി നല്‍കാന്‍ നിയമനിര്‍മാണം വേണമെന്നും ആവശ്യപ്പെട്ട്‌ എട്ടോളം സ്‌ത്രീസംഘടനകളുടെ പ്രവര്‍ത്തകരാണ്‌ പ്രഖ്യാപനം നടത്തുക.
വയനാട്‌ ജില്ലയിലെ കല്‍പറ്റയിലാണ്‌ പ്രഖ്യാപനപരിപാടികള്‍ നടക്കുക. കേരള സ്‌ത്രീവേദി, വോയ്‌സ്‌, വിമന്‍സ്‌ വെല്‍ഫേര്‍ അസോസിയേഷന്‍, ജ്വാല, ജീവന, സര്‍വസേവാമണ്ഡലം, നീതിവേദി, സീഡ്‌ തുടങ്ങിയ സംഘടനകളുടെ പ്രവര്‍ത്തകരാണ്‌ വീട്ടമ്മമാരുടെ യൂണിയന് പിന്നിലുള്ളത്‌.
സ്‌ത്രീ ശാക്തീകരണത്തിന്റെ പുത്തന്‍ ചുവടുവെയ്‌പ്‌ എന്ന നിലയിലാണ്‌ യൂണിയന് രൂപീകരിക്കുന്നതെന്ന്‌ സംഘടനാ ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
രാഷ്ട്രനിര്‍മാണത്തിലേര്‍പ്പെടുന്ന ഏവര്‍ക്കും സേവനത്തിനുള്ള പ്രതിഫലം ലഭിക്കണം. വീട്ടമ്മമാര്‍ അവധിപോലുമില്ലാതെ രാഷ്ട്രപുനര്‍നിര്‍മാണത്തിന്‌ നിരന്തരമായി സംഭാവന നല്‍കിവരുന്ന സാഹചര്യത്തില്‍ മിനിമം കൂലി അവരുടെ അവകാശമാണ്‌. വീട്ടമ്മമാരുടെ സേവനത്തിന്റെ മൂല്യം കണക്കാക്കിയാല്‍ അത്‌ ഭാരതത്തിന്റെ മൊത്തം ആഭ്യന്തര ഉല്‍പാദനത്തിന്റെ പകുതിയിലധികം വരും.
പ്രതിദിനം മൂന്നുമുതല്‍ അഞ്ചുവരെ മണിക്കൂര്‍ അധികം ജോലിചെയ്യുന്നവരാണ്‌ ഓരോ വീട്ടമ്മയും. വീട്ടമ്മമാര്‍ ഇത്തരം ജോലികള്‍ ചെയ്യുന്നത്‌ കൊണ്ടാണ്‌ ഉല്‍പാദന പ്രകൃയയില്‍ ക്രിയാത്മകമായി പങ്കുവഹിക്കാന്‍ പുരുഷന്‌ കഴിയുന്നത്‌. ഈ സാഹചര്യത്തില്‍ വീട്ടമ്മമാരുടെ സേവനങ്‌ള്‍ രാജ്യം അംഗീകരിക്കണം- ഇതാണ്‌ വനിതാ പ്രവര്‍ത്തകരുടെ വാദം.
അവകാശപ്രഖ്യാപനത്തിന്റെ ഭാഗമായി ശനിയാഴ്‌ച പത്തുമണിയ്‌ക്ക്‌ കല്‍പറ്റയിലെ കളക്ടറേറ്റ്‌ പടിക്കല്‍ നിന്നാരംഭിക്കുന്ന റാലി കൊച്ചി സര്‍വ്വകലാശാലയിലെ പ്രൊഫസര്‍ ശാരദാ സജീവന്‍ ഉത്‌ഘാടനം ചെയ്യും.
Continue with Google
