ക്ഷേത്രത്തില്‍ നൈവേദ്യ സമയത്ത് പുറത്തിറങ്ങണം,കാരണം

തിടപ്പള്ളിയ്ക്കും ശ്രീകോവിലിനും ഇടയില്‍

തിടപ്പള്ളിയ്ക്കും ശ്രീകോവിലിനും ഇടയില്‍ ഭക്തര്‍ ഉണ്ടാകരുതെന്ന സങ്കല്‍പ്പത്തിലാണ് ഭക്തര്‍ ഈ സമയത്തു പുറത്തിറങ്ങി നില്‍ക്കുന്നത്. നിവേദ്യം ഭഗവാന്റെ ഭക്ഷണമായതു കൊണ്ടു തന്നെ ഈ സമയത്ത് ഭഗവാന്റെ നാവ് തിടപ്പള്ളിയ്ക്കും ശ്രീകോവിലിനും ഇടയ്ക്കു നീണ്ടു കിടക്കുമെന്നാണ് സങ്കല്‍പം. ഇതു കൊണ്ടാണ് ഇതിനു നടുവില്‍ ആരും നില്‍ക്കരുതെന്ന ആചാരവും.

ശിവ ക്ഷേത്രത്തിലെ

സാധാരണ ശിവ ക്ഷേത്രത്തിലെ നിവേദ്യ സമയത്തു ഭക്തര്‍ പുറത്തിറങ്ങി നില്‍ക്കുന്നതിന് മറ്റൊരു കാരണം കൂടിയുണ്ട്. ശിവ ഭഗവാന്‍ അപസ്മാരം എന്ന ഭൂതത്തെ വലതു കാല്‍പാദത്തിനടിയില്‍ ചവിട്ടി ബന്ധനസ്ഥനാക്കി വച്ചിരിയ്ക്കുന്നുവെന്നാണ് വിശ്വാസം. ഈ ഭൂതം നിവേദ്യ സമയത്തു സ്വതന്ത്രമാക്കപ്പെടുന്നു. ഇതിന്റെ ബാധ ഭക്തരില്‍ ഏല്‍ക്കാതിരിയ്ക്കാന്‍ കൂടിയാണ് ഭക്തര്‍ പുറത്തിറങ്ങി നില്‍ക്കുന്നത്.

ഈ പ്രത്യേക സമയത്ത്

ഈ പ്രത്യേക സമയത്ത് ഭക്തര്‍ വിഗ്രഹത്തിനു നേരെ നിന്നു തൊഴരുതെന്നും വിശ്വാസമുണ്ട്. കാരണം ഭൂതം ഓവിലൂടെയും നേര്‍ നടയിലൂടെയും രക്ഷപ്പെടാന്‍ ശ്രമിയ്ക്കുമെന്നും വിശ്വാസമുണ്ട്. ഇതാണ് ഇതിനു കാരണം.

പണ്ടു കാലങ്ങളില്‍

പണ്ടു കാലങ്ങളില്‍ നിവേദ്യം തയ്യാറാക്കുന്നയാള്‍ വായയും മൂക്കുമെല്ലാം മൂടിക്കെട്ടി ഇതിന്റെ ഗന്ധം അനുഭവിയ്ക്കാതിരിയ്ക്കാന്‍ തക്ക രീതിയിലാണ് നൈവേദ്യം തയ്യാറാക്കിയിരുന്നത്. ഭഗവാനാകണം, ആദ്യത്തെ ഗന്ധം എന്ന വിശ്വാസം തന്നെ കാരണം.