For Quick Alerts
ALLOW NOTIFICATIONS  
For Daily Alerts

12 രാശിക്കാരുടേയും സമ്പൂര്‍ണ വിഷുഫലം അറിയാം

|

നമ്മള്‍ കഴിഞ്ഞ ഒരു വര്‍ഷത്തിലേറെയായി വളരെയധികം ദുരിതത്തിലൂടെയും മഹാമാരിയിലൂടേയും ആണ് കടന്നു പോവുന്നത്. അതുകൊണ്ട് തന്നെ ഇതില്‍ നിന്നെല്ലാമുള്ള പെട്ടെന്നൊരു മോചനമാണ് എല്ലാവരും ആഗ്രഹിക്കുന്നത്. ഇത്തരം അവസ്ഥയില്‍ ഒരു പുതുവര്‍ഷത്തെ വരവേല്‍ക്കുമ്പോള്‍ 12 രാശിക്കാര്‍ക്കും ഇതെങ്ങനെ ആയിരിക്കണം എന്നുള്ളത് അറിഞ്ഞിരിക്കേണ്ടതാണ്. 12 രാശിക്കാരുടേയും സമ്പൂര്‍ണഫലം എന്താണെന്ന് അറിയുന്നതിന് വേണ്ടി വായിക്കൂ.

ഈ വര്‍ഷത്തെ വിഷുഫലം; 27 നക്ഷത്രത്തിനും ഫലങ്ങള്‍ ഇതെല്ലാം

ഒരു രാശിയില്‍ നിന്ന് അടുത്ത രാശിയിലേക്ക് സൂര്യന്‍ സഞ്ചരിക്കുന്നതിനെയാണ് സംക്രാന്തി എന്ന് പറയുന്നത്. സംക്രാന്തികളിലെ പ്രധാനപ്പെട്ട ദിനമാണ് വിഷുസക്രാന്തി എന്ന് പറയുന്നത്. നിങ്ങളുടെ ഓരോ രാശിക്കാരേയും അടിസ്ഥാനമാക്കി ഉള്ള പൂര്‍ണ പ്രവചനം എന്താണെന്ന് നമുക്ക് നോക്കാവുന്നതാണ്. ഓരോ രാശിക്കാരും അറിഞ്ഞിരിക്കേണ്ട സമ്പൂര്‍ണ വിഷുഫലം ഇതാണ്.

മേടം രാശി

മേടം രാശി

ആത്മാര്‍ത്ഥതയോടെ ഇവര്‍ ഏത് കാര്യത്തേയും സമീപിക്കുന്നു. മനസാന്നിധ്യത്തോടെയും പ്രവര്‍ത്തിക്കാന്‍ ഇവര്‍ ശ്രമിച്ച് കൊണ്ടിരിക്കും. ഉയര്‍ന്ന സാമ്പത്തിക സ്ഥിതിയായിരിക്കും ഇവര്‍ക്ക്. ഉപരിപഠനത്തിന് വിദേശത്ത് പോവുന്നതിനുള്ള യോഗം കാണുന്നുണ്ട്. മനപ്രയാസങ്ങള്‍ ഉണ്ടാവുമെങ്കിലും അത് താല്‍ക്കാലികമായി മാത്രമുള്ളതായിരിക്കും. ജീവിതത്തില്‍ പല വിധത്തിലുള്ള പോസിറ്റീവ് മാറ്റങ്ങള്‍ ഉണ്ടാവുന്നതിനുള്ള സാധ്യതയുണ്ട്. ജനുവരി, ഫെബ്രുവരി, മാര്‍ച്ച് മാസങ്ങളില്‍ ഇവരെ കാത്ത് അലസത, മനസമാധാനക്കുറവ് എന്നിവ ഉണ്ടാവുന്നുണ്ട്. ഏപ്രില്‍, മെയ്, ജൂണ്‍ മാസങ്ങളിലാവട്ടെ സന്താനഭാഗ്യം, കാര്‍ഷിക ലാഭം എന്നിവയുണ്ടാവുന്നുണ്ട്. ജൂലൈ, ആഗസ്റ്റ്, സെപ്റ്റംബര്‍ മാസങ്ങളില്‍ ആഗ്രഹസാഫല്യം ഉണ്ടാവുന്നു. ഒക്ടോബര്‍, നവംബര്‍, ഡിസംബര്‍ മാസങ്ങളില്‍ മനക്ലേശം, സാമ്പത്തിക പ്രതിസന്ധി എന്നിവയുണ്ടാവുന്നുണ്ട്.

ഇടവം രാശി

ഇടവം രാശി

സമ്പാദ്യം ഉണ്ടാവുന്നുണ്ട്, നിക്ഷേപവും ഇവര്‍ക്ക് ധാരാളം ഉണ്ടാവുന്നുണ്ട്. അനാവശ്യ ചെലവുകളും അലങ്കാരവും പലപ്പോഴും ഇവരെ കാത്ത് ഉണ്ടാവുന്നുണ്ട്. ഉത്തരവാദിത്വത്തോടെ പല കാര്യങ്ങളും ചെയ്ത് തീര്‍ക്കുന്നവരായിരിക്കും ഇടവം രാശിക്കാര്‍, സന്തോഷപൂര്‍ണമായ പല കാര്യങ്ങളും ചെയ്ത് തീര്‍ക്കുന്നതിനും അതിന്റെ ഭാഗമാവുന്നതിനും ഇവര്‍ക്ക് സാധിക്കുന്നുണ്ട്. വിദ്യാഭ്യാസത്തിന്റെ കാര്യത്തില്‍ പല വിധത്തിലുള്ള നേട്ടങ്ങള്‍ ഉണ്ടായിരിക്കും. വ്യാപാരം, കൃഷി എന്നിവയില്‍ നേട്ടങ്ങള്‍ ഉണ്ടാവുന്നു. ജനുവരി, ഫെബ്രുവരി, മാര്‍ച്ച് മാസങ്ങളില്‍ തൊഴിലില്‍ ഉന്നതിയുണ്ടാവുന്നു, എന്നാല്‍ പണം ചിലവാക്കുമ്പോള്‍ ശ്രദ്ധിക്കണം. ഏപ്രില്‍, മെയ്, ജൂണ്‍ മാസങ്ങളില്‍ പരീക്ഷകളില്‍ ഉന്നത വിജയവും, ആരോഗ്യകാര്യങ്ങളില്‍ ചെറിയ പ്രശ്‌നങ്ങളും ഉണ്ടാവുന്നതിനുള്ള സാധ്യതയുണ്ട്. ജൂലൈ, ആഗസ്റ്റ്, സെപ്റ്റംബര്‍ മാസങ്ങളില്‍ കാര്‍ഷികാദായവും, ഫലസിദ്ധിയും ഉണ്ടാവുന്നതിനുള്ള സാധ്യതയുണ്ട്. ഒക്ടോബര്‍, നവംബര്‍, ഡിസംബര്‍ മാസങ്ങളില്‍ തൊഴില്‍ രംഗത്ത് നേട്ടങ്ങളും, ഭൂമി ഇടപാടുകള്‍ക്ക് നേട്ടങ്ങളും ഉണ്ടാവുന്നുണ്ട്.

മിഥുനം രാശി

മിഥുനം രാശി

മിഥുനം രാശിക്കാര്‍ക്ക് ഗുണദോഷ സമ്മിശ്രമായ സമയമായിരിക്കും എന്നതാണ്. തൊഴില്‍ രംഗത്ത് ഇവര്‍ക്ക് പല വിധത്തിലുള്ള നേട്ടങ്ങള്‍ ഉണ്ടായിരിക്കും. ബന്ധം നല്ലരീതിയില്‍ മുന്നോട്ട് പോവുന്നതിന് ഇവര്‍ തന്നെ മുന്‍കൈയ്യെടുക്കേണ്ടതാണ്. പൊതുപ്രവര്‍ത്തകര്‍ക്ക് അപവാദം ഉണ്ടാവുന്നതിനുള്ള സാധ്യതയുണ്ട്. പല കോണില്‍ നിന്ന് വിമര്‍ശനം ഉന്നയിക്കുന്ന അവസ്ഥകള്‍ ജീവിതത്തില്‍ ഉണ്ടാവുന്നുണ്ട്. ജനുവരി, ഫെബ്രുവരി, മാര്‍ച്ച് മാസത്തില്‍ സാമ്പത്തിക പുരോഗതി, സന്താനഭാഗ്യം എന്നിവക്കുള്ള സാധ്യതയുണ്ട്.. ഏപ്രില്‍, മെയ്, ജൂണ്‍ മാസങ്ങളില്‍ പ്രശസ്തി, ആരോഗ്യപ്രശ്‌നങ്ങള്‍ എന്നിവ ഉണ്ടാവുന്നുണ്ട്. ജൂലൈ, ആഗസ്റ്റ്, സെപ്റ്റംബര്‍ മാസങ്ങളില്‍ സാമ്പത്തിക നേട്ടവും, വ്യാപാരത്തില്‍ പുരോഗതിയും ഉണ്ടാവുന്നുണ്ട്. ഒക്ടോബര്‍, നവംബര്‍, ഡിസംബര്‍ മാസങ്ങളില്‍ വിദ്യാഭ്യാസത്തിന്റെ കാര്യത്തില്‍ നേട്ടങ്ങള്‍ ഉണ്ടാവുന്നുണ്ട്.

കര്‍ക്കിടകം രാശി

കര്‍ക്കിടകം രാശി

കര്‍ക്കിടകം രാശിക്കാര്‍ കഠിനാധ്വാനം ചെയ്യുന്നവരായിരിക്കും. പലപ്പോഴും അനാവശ്യമായുണ്ടാവന്ന ചിലവുകളെ ഒഴിവാക്കി നല്ല രീതിയില്‍ സാമ്പത്തികം അറിഞ്ഞ് ജീവിക്കാന്‍ ശ്രദ്ധിക്കണം. കുടുംബ രംഗത്ത് ഉണ്ടാവുന്ന പല വിധത്തിലുള്ള തര്‍ക്കങ്ങള്‍ ഒഴിവാക്കാന്‍ ശ്രദ്ധിക്കണം. ഉപരിപഠനത്തിന് സാധ്യതയുണ്ട്. ജനുവരി, ഫെബ്രുവരി, മാര്‍ച്ച് മാസങ്ങളില്‍ ഇവര്‍ക്ക് സാമ്പത്തിക നേട്ടം ഉണ്ടാവുന്നുണ്ട്. ദേഹാസ്വാസ്ഥ്യം ഇല്ലാതിരിക്കുന്നതിന് ശ്രദ്ധിക്കേണ്ടതാണ്. ഏപ്രില്‍, മെയ്, ജൂണ്‍ മാസങ്ങളില്‍ മനസ്സിന് വിഷമം, കൃഷിയില്‍ നിന്ന് ലാഭം എന്നിവയെല്ലാം ഉണ്ടായിരിക്കേണ്ടതാണ്. ജൂലൈ, ആഗസ്റ്റ്, സെപ്റ്റംബര്‍ മാസങ്ങളില്‍ കാര്യവിജയം, പ്രതീക്ഷകള്‍ എന്നിവക്കുള്ളസാധ്യതയുണ്ട്. ഒക്ടോബര്‍, നവംബര്‍, ഡിസംബര്‍ മാസങ്ങളില്‍ അനാവശ്യ ചിലവുകള്‍, കര്‍മ്മരംഗത്ത് നേട്ടങ്ങള്‍ എന്നിവയുണ്ടാവുന്നുണ്ട്.

ചിങ്ങം രാശി

ചിങ്ങം രാശി

ഗുണദോഷ സമ്മിശ്രമായിരിക്കും ചിങ്ങം രാശിക്കാര്‍ക്ക് വിഷുഫലം. ഇവര്‍ക്ക് മുന്‍കോപം ഉണ്ടായിരിക്കും. എല്ലാ കാര്യങ്ങളിലും ഭാഗ്യവും സൗഭാഗ്യവും ഉണ്ടായിരിക്കും. വിദേശ വാസം, മനസൗഖ്യം എന്നിവ കാണുന്നുണ്ട്. തൃപ്തികരമായ ജീവിതം നയിക്കുന്നതിനുള്ള ഭാഗ്യം ചിങ്ങം രാശിക്കാര്‍ക്ക് ഉണ്ട്. ജനുവരി, ഫെബ്രുവരി, മാര്‍ച്ച് മാസങ്ങളില്‍ ഐശ്വര്യം ഇവരെ തേടിയെത്തുന്നു. നേതൃത്വം ഇവരെ തേടിയെത്തും. ഏപ്രില്‍, മെയ്, ജൂണ്‍ മാസങ്ങളില്‍ കാര്യങ്ങള്‍ക്ക് തടസ്സം നേരിടുന്നു. ഇത് കൂടാതെ കാര്‍ഷികാദായം ഇല്ലാതിരിക്കുന്ന അവസ്ഥയുണ്ടാവുന്നു. ജൂലൈ, ആഗസ്റ്റ്, സെപ്റ്റംബര്‍ മാസങ്ങളില്‍ വിവാഹം, വരുമാനക്കുറവ് എന്നിവ സംഭവിക്കുന്നുണ്ട്. ഒക്ടോബര്‍, നവംബര്‍, ഡിസംബര്‍ എന്നീ മാസങ്ങളില്‍ ഭൂമിലാഭം, മത്സരവിജയം എന്നിവയുണ്ടാവുന്നുണ്ട്.

കന്നി രാശി

കന്നി രാശി

കന്നി രാശിക്കാര്‍ക്ക് മറ്റുള്ളവരുടെ കാര്യത്തില്‍ ഇടപെടുന്ന അവസ്ഥയിലേക്ക് കാര്യങ്ങള്‍ എത്തുന്നുണ്ട്. മറ്റുള്ളവരുടെ ആദരവ്, ഈശ്വരഭക്തി, ധര്‍മ്മനിഷ്ഠ എന്നിവ ഉണ്ടായിരിക്കും. എല്ലാ രംഗങ്ങളിലും ഇവര്‍ മുന്നോട്ട് കുതിക്കുന്ന വര്‍ഷമായിരിക്കും. ഉദ്യോഗാര്‍ത്ഥികള്‍ക്ക് നേട്ടങ്ങളും നിരവധി അവസരങ്ങളും ലഭിക്കുന്നുണ്ട്. ഗൗരവതരമായ ആരോഗ്യപ്രശ്‌നങ്ങള്‍ ഇവരെ തേടിയെത്തുന്നുണ്ട്. ജനുവരി, ഫെബ്രുവരി, മാര്‍ച്ച് എന്നീ മാസങ്ങളില്‍ ഇവര്‍ക്ക് അംഗീകാരം, സാമ്പത്തിക നേട്ടം എന്നിവക്കുള്ള സാധ്യതയുണ്ട്. ധനലാഭം, കുടുംബത്തില്‍ ഐശ്വര്യം എന്നിവ ഇവരെ തേടിയെത്തുന്നുണ്ട്. ഏപ്രില്‍, മെയ്, ജൂണ്‍ മാസങ്ങളില്‍ വിവാഹം നടക്കുന്നതിനും, ബന്ധുക്കളുടെ അംഗീകാരത്തിനും ഉള്ള സാധ്യതയുണ്ട്. ജൂലൈ, ആഗസ്റ്റ്, സെപ്റ്റംബര്‍ മാസങ്ങളില്‍ ഇവരെ തേടി പല വിധത്തിലുള്ള മനോവ്യഥകള്‍ എത്തുന്നു. ഒക്ടോബര്‍, നവംബര്‍, ഡിസംബര്‍ മാസങ്ങളില്‍ കര്‍മ്മലബ്ധി, ഔന്നത്യം, എന്നിവ ഇവരെ തേടിയെത്തുന്നു.

തുലാം രാശി

തുലാം രാശി

തുലാം രാശിക്കാര്‍ക്ക് ഈ പുതുവര്‍ഷം വളരെയധികം അഭിവൃദ്ധി നല്‍കുന്നതായിരിക്കും. ഉചിതമായ തീരുമാനങ്ങള്‍ എടുക്കുന്നതില്‍ പലപ്പോഴും ഇവര്‍ക്ക് ആശയക്കുഴപ്പം ഉണ്ടാവുന്നു. സാഹിത്യ പ്രവര്‍ത്തകര്‍, കലാകാരന്‍മാര്‍ എന്നിവര്‍ക്ക് എല്ലാ വിധത്തിലുള്ള പിന്തുണകളും ഉണ്ടാവുന്നുണ്ട്. ശത്രുക്കളുടെ എതിര്‍പ്പുകള്‍ പലപ്പോഴും അഭിമുഖീകരിക്കേണ്ടി വരും. ജനുവരി, ഫെബ്രുവരി, മാര്‍ച്ച് മാസങ്ങളില്‍ അപ്രതീക്ഷിതമായ നേട്ടം ഉണ്ടാവുന്നുണ്ട്. ഏപ്രില്‍, മെയ്, ജൂണ്‍ മാസങ്ങളില്‍ സന്താനഭാഗ്യവും, ആഗ്രഹസാഫല്യവും ഇവര്‍ക്കുണ്ടാവുന്നുണ്ട്. ജൂലൈ, ആഗസ്റ്റ്, സെപ്റ്റംബര്‍ മാസങ്ങളില്‍ ഇവര്‍ക്ക് വിദേശയാത്രക്കുള്ള ഭാഗ്യമുണ്ട്. ഒക്ടോബര്‍, നവംബര്‍, ഡിസംബര്‍ മാസങ്ങളില്‍ വീട് പണി തുടങ്ങുന്നതിനുള്ള സാധ്യതയുണ്ട്.

വൃശ്ചികം രാശി

വൃശ്ചികം രാശി

പലപ്പോഴും നിലനിന്നിരുന്ന സാമ്പത്തിക പ്രയാസങ്ങള്‍ ഇല്ലാതിരിക്കുന്ന അവസ്ഥ നിങ്ങളില്‍ ഈ വര്‍ഷം മുതല്‍ ഉണ്ടാവുന്നുണ്ട്. ആരോഗ്യപരമായി നല്ല കാലം ആയിരിക്കുമെങ്കിലും അല്‍പം ശ്രദ്ധിക്കേണ്ടതാണ്. ഇവരെ പല രൂപത്തില്‍ ഭാഗ്യം കടാക്ഷിക്കുന്നുണ്ട്. ആഢംബരം ഒഴിവാക്കാന്‍ പരമാവധി ശ്രദ്ധിക്കേണ്ടതാണ്. ജനുവരി, ഫെബ്രുവരി, മാര്‍ച്ച് മാസങ്ങളില്‍ രാഷ്ട്രീയ നേട്ടങ്ങള്‍, അലസത എന്നിവ ഇവരെ തേടിയെത്തുന്നുണ്ട്. ഏപ്രില്‍, മെയ്, ജൂണ്‍ മാസങ്ങളില്‍ വിദേശ യാത്രകള്‍, പുതിയ സംരംഭങ്ങള്‍ എന്നിവ ആരംഭിക്കുന്നതിനുള്ള സാധ്യതയുണ്ട്. ജൂലൈ, ആഗസ്റ്റ്, സെപ്റ്റംബര്‍ മാസത്തില്‍ സന്താനസൗഭാഗ്യം ഉണ്ടാവുന്നതിനുള്ള ഭാഗ്യമുണ്ടായിരിക്കും. ഒക്ടോബര്‍, നവംബര്‍, ഡിസംബര്‍ മാസത്തില്‍ മുന്‍കോപം ഒഴിവാക്കി നല്ലതുപോലെ മുന്നോട്ട് പോവുന്നതിന് ശ്രദ്ധിക്കണം.

ധനു രാശി

ധനു രാശി

ധനു രാശിക്കാര്‍ക്ക് പ്രായോഗിക ബുദ്ധിയോടെ ഓരോ കാര്യവും ചെയ്യാന്‍ ശ്രദ്ധിക്കണം. മേലധികാരികളുടെ ഇഷ്ടത്തിന് പാത്രമായിരിക്കും . ശുഭകാര്യങ്ങളില്‍ മുന്നോട്ട് പോവേണ്ടതാണ്. കച്ചവടം, കൃഷി എന്നിവയില്‍ സാമ്പത്തിക നേട്ടവും ലാഭവും ഉണ്ടായിരിക്കും. ജനുവരി, ഫെബ്രുവരി, മാര്‍ച്ച് മാസങ്ങളില്‍ ഇവര്‍ക്ക് സൗഭാഗ്യത്തോടെ ജീവിക്കുന്നതിനുള്ള സാധ്യതയുണ്ട്. ഏപ്രില്‍, മെയ്, ജൂണ്‍ മാസങ്ങളില്‍ മനസന്തോഷത്തിനുള്ള സാധ്യതയുണ്ട്. ജൂലൈ, ആഗസ്റ്റ്, സെപ്റ്റംബര്‍ എന്നീ മാസങ്ങളില്‍ കര്‍മ്മരംഗത്ത് നേട്ടങ്ങളും, വ്യാപാരരംഗത്ത് നേട്ടവും എന്നിവയാണ് ഈ മാസം ധനുരാശിക്കാര്‍ക്ക് ഉണ്ടാവുന്നത്. ഒക്ടോബര്‍, നവംബര്‍, ഡിസംബര്‍ മാസത്തില്‍ അഭിവൃദ്ധി, ദേഹാസ്വസ്ഥ്യതകള്‍, വീട് നവീകരിക്കുന്നതിനുള്ള സാധ്യതകള്‍ എന്നിവ കാണുന്നുണ്ട്.

മകരം രാശി

മകരം രാശി

ഏറ്റെടുത്ത ഏത് ഉത്തരവാദിത്വവും മികച്ച രീതിയില്‍ ചെയ്ത് തീര്‍ക്കുന്നുണ്ട്. കര്‍മ്മരംഗത്ത് പല വിധത്തിലുള്ള മാറ്റങ്ങള്‍ ഉണ്ടായിരിക്കും. പൂര്‍വ്വികരുടെ സ്വത്ത് നേടിയെടുക്കുന്നതിന് ഇവര്‍ക്ക് സാധിക്കുന്നു. വര്‍ഷാരംഭത്തില്‍ പല വിധത്തിലുള്ള പ്രയാസങ്ങള്‍ ഇവരെ തേടിയെത്തുന്നുണ്ട്. കലാരംഗത്ത് ഇവര്‍ക്ക് നേട്ടങ്ങള്‍ ഉണ്ടാവുന്നു. ജനുവരി, ഫെബ്രുവരി, മാര്‍ച്ച് മാസത്തില്‍ വിദ്യാഭ്യാസം, ഉയര്‍ന്ന ജീവിത സാഹചര്യങ്ങള്‍ എന്നിവയുണ്ടായിരിക്കും. ഏപ്രില്‍, മെയ്, ജൂണ്‍ മാസത്തില്‍ വഴക്ക്, പ്രവര്ത്തന വിജയം, തീര്‍ത്ഥാടനം എന്നിവക്കുള്ള സാധ്യതയുണ്ട്. ജൂലൈ, ആഗസ്റ്റ്, സെപ്റ്റംബര്‍ മാസത്തില്‍ ഇവര്‍ക്ക് പല വിധത്തിലുള്ള ആരോഗ്യപ്രശ്‌നങ്ങള്‍ ഉണ്ടായിരിക്കും. ഒക്ടോബര്‍, നവംബര്‍, ഡിസംബര്‍ മാസങ്ങളില്‍ ഇവരെ കാത്ത്ത അപ്രതീക്ഷിത ധനനേട്ടം, സന്താനസൗഭാഗ്യം എന്നിവ ഉണ്ടായിരിക്കും.

കുംഭം രാശി

കുംഭം രാശി

കുടുംബ ജീവിതം വളരെയധികം സന്തോഷകരമായിരിക്കും. സാമ്പത്തിക നേട്ടങ്ങള്‍ ഇവരെ കാത്ത് പല വഴിയില്‍ ഉണ്ടായിരിക്കും. കലാരംഗത്ത് പ്രവര്‍ത്തിക്കുന്നവര്‍ക്ക് പ്രശസ്തിയും അംഗീകാരവും തേടിയെത്തുന്നു. ആരോഗ്യ കാര്യത്തില്‍ അല്‍പം പ്രതിസന്ധികള്‍ ഉണ്ടാവുന്നതിനുള്ള സാധ്യതയുണ്ട്. ജനുവരി, ഫെബ്രുവരി, മാര്‍ച്ച് മാസങ്ങളില്‍ മേലധികാരികളില്‍ നിന്ന് പ്രശംസ, ബഹുമാനം എന്നിവ ലഭിക്കുന്നുണ്ട്. ഏപ്രില്‍, മെയ്, ജൂണ്‍ മാസങ്ങളില്‍ ഇവര്‍ക്ക് ആരോഗ്യ പ്രശ്‌നങ്ങള്‍ക്കുള്ള സാധ്യതയുണ്ടാവുന്നു. ജൂലൈ, ആഗസ്റ്റ്, സെപ്റ്റംബര്‍ മാസത്തില്‍ ജനിച്ചവര്‍ക്ക് വ്യക്തിപരമായി പല കാര്യങ്ങളിലും നേട്ടങ്ങള്‍ ഉണ്ടാവുന്നുണ്ട്. ഒക്ടോബര്‍, നവംബര്‍, ഡിസംബര്‍ മാസത്തില്‍ ജനിച്ചവരെങ്കില്‍ ഇവര്‍ക്ക് വിദേശ യാത്രാ ഭാഗ്യം, കീര്‍ത്തി എന്നിവക്കുള്ള സാധ്യതയുണ്ട്.

മീനം രാശി

മീനം രാശി

മീനം രാശിക്കാര്‍ക്ക് സാമ്പത്തിക പ്രയാസങ്ങള്‍ പല വിധത്തിലാണ് ഇവരെ ബാധിക്കുന്നത്. സന്തോഷകരമായകുടുംബ ജീവിതം ഇവരെ തേടിയെത്തുന്നുണ്ട്. കച്ചവടത്തില്‍ ലാഭം, സാമ്പത്തിക നേട്ടം, വരുമാനം എന്നിവക്കുള്ള സാധ്യതയുണ്ട്. ആരോഗ്യരംഗത്ത് പല വിധത്തിലുള്ള പ്രശ്‌നങ്ങള്‍ ഉണ്ടായിരിക്കും.. ഭാഗ്യം ഇവരെ എപ്പോഴും തേടിയെത്തും. ജനുവരി, ഫെബ്രുവരി, മാര്‍ച്ച് മാസത്തില്‍ കാര്യവിജയം, ധനലാഭം എന്നിവ ഇവര്‍ക്കുണ്ടാവുന്നു. ഏപ്രില്‍, മെയ്, ജൂണ്‍ മാസത്തില്‍ ഇവരെ തേടി ഉയര്‍ന്ന പദവികള്‍ എത്തുന്നു. ഇത് കൂടാതെ സാമ്പത്തിക ലാഭവും ഉണ്ടായിരിക്കും. ജൂലൈ, ആഗസ്റ്റ്, സെപ്റ്റംബര്‍ മാസത്തില്‍ ഇവര്‍ക്ക് കാര്യവിജയം, ആരോഗ്യ പ്രശ്‌നങ്ങള്‍ എന്നിവ ഉണ്ടാവുന്നുണ്ട്. ഒക്ടോബര്‍, നവംബര്‍, ഡിസംബര്‍ മാസങ്ങളില്‍ ഇവര്‍ക്ക് വിവിധ കോണില്‍ നിന്ന് ഭാഗ്യാനുഭവങ്ങള്‍ ഉണ്ടാവുന്നു.

English summary

Vishu Phalam 2021: Astrology Predictions for 12 Zodiac Signs in Malayalam

Here is the vishu rashi phalam 2021 for 12 zodiac signs for the year 2021-22in malayalam. Read on.
X