താമരപ്പൂ കൊണ്ട് തുലാഭാരം നടത്തിയാല്‍

ശര്‍ക്കര

ശര്‍ക്കര കൊണ്ടുള്ള തുലാഭാരം വയറിന്റെ രോഗങ്ങള്‍ക്കായി നടത്തുന്നതാണ്.

പഞ്ചസാര

പഞ്ചസാര കൊണ്ടുള്ള തുലാഭാരവും സാധാരണ നടത്തുന്നതാണ്. ഇതു പ്രമേഹ രോഗത്തിന് പരിഹാരമായാണ്.

കദളിപ്പഴവും

കദളിപ്പഴവും ഉണ്ണിക്കണ്ണനുള്ള പ്രധാനപ്പെട്ട വഴിപാടാണ്. ഇത് രോഗ ശാന്തിയ്ക്കായാണ് നടത്തുന്നത്. വാത രോഗത്തിനായി പൂവന്‍ പഴം തുലാഭാരം പ്രധാനമാണ്.

താമരപ്പൂ

താമരപ്പൂ അത്ര സാധാരണമായ വഴിപാടല്ല. ഇത് കര്‍മം അഥവാ തൊഴില്‍ സംബന്ധമായ ഉയര്‍ച്ച, ആയുസ്, മനസിന് ശക്തി എന്നിവയെ സൂചിപ്പിയ്ക്കുന്നു.

നെല്ല്, അവില്‍

ദാരിദ്ര്യം മാറുവാനായി നെല്ല്, അവില്‍ എന്നിവ കൊണ്ടുള്ള തുലാഭാരം പ്രധാനമാണ്.

ഉപ്പ്

ചര്‍മ സംബന്ധമായ രോഗങ്ങള്‍ക്കായി ചേന, ഉപ്പ് എന്നിവ കൊണ്ട് തുലാഭാരം നടത്താറുണ്ട്. ഉപ്പു കൊണ്ടുള്ള വഴിപാട് ഐശ്വര്യം, ദൃഷ്ടിദോഷം എന്നിവയ്ക്കു പരിഹാരമായും ചെയ്യാറുണ്ട്. ചിക്കന്‍ പോക്‌സിനായി കുരുമുളകു തുലാഭാരം പ്രധാനമാണ്. പല്ലു വേദനയ്ക്ക് തേങ്ങ കൊണ്ടുള്ള തുലാഭാരം പ്രധാനമാണ്. മുഖത്തെ പാടുകള്‍ക്കും ഇത് പ്രധാന തുലാഭാരമാണ്.

വെണ്ണ

സര്‍വ്വാഭിവൃദ്ധിയ്ക്കായി വെണ്ണ കൊണ്ടുള്ള തുലാഭാരം നടത്താറുണ്ട്.

ലോഹ നാണയം

ബിസിനസ് സംബന്ധമായ ഉയര്‍ച്ചകള്‍ക്കായി ലോഹ നാണയം കൊണ്ടുള്ള തുലാഭാരം നടത്താറുണ്ട്.

എള്ളു കൊണ്ട്

ശനി ദോഷത്തിനും ആയുസിനുമായി എള്ളു കൊണ്ട് തുലാഭാരം നടത്താറുണ്ട്.

നെല്ലിക്ക, വാളന്‍ പുളി

നെല്ലിക്ക, വാളന്‍ പുളി എന്നിവ ബുദ്ധിയ്ക്കും മാനസിക രോഗ ശാന്തി എന്നിവയ്ക്ക് നടത്തുന്ന തുലാഭാരമാണ്.

മഞ്ചാടിക്കുരു

ഗുരുവായൂര്‍ കണ്ണന് പ്രധാനപ്പെട്ട ഒരു വഴിപാടാണ് മഞ്ചാടിക്കുരു. ഇത് മനസിന് ശാന്തി, ആയുസ് എന്നിവയ്ക്ക് അനുകൂലമായ തുലാഭാരമാണ്.