മുന്‍കോപമുള്ള ചില നക്ഷത്രങ്ങള്‍

അശ്വതി

ഇത്തരത്തില്‍ ഒരു നക്ഷത്രമാണ് ആദ്യ നക്ഷത്രമായ അശ്വതി. ഇവര്‍ ദേഷ്യം വന്നു കുതിരയെ പോലെ ചാടുമെങ്കിലും നന്മ ഏറെ ഉള്ളവരും നന്മ ചെയ്യുന്നവരുമാണ്.

ഭരണി

രണ്ടാം നക്ഷത്രമായ ഭരണിയും മുന്‍കോപമുള്ള നക്ഷത്രം തന്നെയാണ്. പെട്ടെന്നു ദേഷ്യം വരും. പക്ഷേ ഏറെ നന്മ ചെയ്യും. ഇവര്‍ ചെയ്യുന്നതു മറ്റുള്ളവര്‍ അറിയില്ല. അതായത് മറ്റുള്ളവരെ അറിയിക്കാതെ സഹായിക്കുന്നവര്‍.

ആയില്യം

ആയില്യം നക്ഷത്രക്കാരും ഇത്തരക്കാരാണ്. പെട്ടെന്നു തന്നെ ദേഷ്യം വരും. ഇതുപോലെ മകവും

ചിത്തിര

ചിത്തിര നക്ഷത്രവും ഇങ്ങനെ തന്നെയാണ്. മനസില്‍ വച്ചു പെരുമാറുന്ന രീതിയിലെ നക്ഷത്രം കൂടിയാണ്. ദേഷ്യം പെട്ടെന്നു വരില്ലെങ്കിലും ദേഷ്യം വന്നാല്‍ പുലിയെപ്പോലെ ചാടി വരുന്നവര്‍.

ചോതി, മൂലവും

ചോതിയും ഇത്തരത്തില്‍ പെട്ടെന്നു ദേഷ്യം വരുന്നവരാണ്. ഇവര്‍ അഭിനയിക്കാന്‍ മിടുക്കരുമാണ്. ഇതു കൊണ്ടു തന്നെ അഭിനേതാക്കള്‍ ഈ നാളില്‍ കൂടുതലാണ്. സ്‌നേഹം അഭിനയിക്കാന്‍ കഴിയുന്നവര്‍. ഒളിച്ചു കാര്യം ചെയ്യുന്നവരും.

മൂലവും പെട്ടെന്നു ദേഷ്യം വരുന്നവരാണ്. എന്നാല്‍ വളരെ പാവങ്ങളാണ്. ഇതു പോലെയാണ് ഉത്രാടക്കാരും. ജാഡക്കാരെന്നു തോന്നുന്നുമെങ്കിലും പാവം സ്വഭാവമുള്ളവരും. ഇവരെല്ലാം മുന്‍കോപികളാണ്.

ചതയം

ചതയം നക്ഷത്രവും പെട്ടെന്നു ദേഷ്യപ്പെടുന്നവരാണ്. മുന്‍കോപികളെങ്കിലും സാഹചര്യങ്ങള്‍ അനുസരിച്ചു ജീവിച്ചു പോകാന്‍ കഴിവുള്ളവരുമാണ്. ഏതു സാഹചര്യത്തിലും പിടിച്ചു നില്‍ക്കും. മറ്റുള്ളവരെ തോല്‍പ്പിയ്ക്കുന്ന, മറ്റുള്ളവരെ വക വയ്ക്കാത്ത നക്ഷത്രമാണിത്. എന്നിരുന്നാലും മനസില്‍ നന്മയുള്ളവരുമാണ്.

പൂരോരുട്ടാതി

ഇതു പോലെയാണ് പൂരോരുട്ടാതി, ഉത്രട്ടാതിക്കാരും. മുന്‍കോപികളാണ്. പൂരോരുട്ടാതിക്കാര്‍ക്കു പെട്ടെന്നു ദേഷ്യം വരും. ഇവരെ മനസിലാക്കാന്‍ ബുദ്ധിമുട്ടുമാണ്. എന്നാല്‍ നന്മയുളളവരുമാണ്. ഉത്രട്ടാതിയും മുന്‍കോപികള്‍ തന്നെയാണ്.

നക്ഷത്രങ്ങള്‍

എന്തെല്ലാം പറഞ്ഞാലും മുന്‍കോപം നല്ല ശീലമല്ലെന്നു തന്നെ പറയാം. ഇതു വരുത്തി വയ്ക്കുന്ന പ്രശ്‌നങ്ങള്‍ പലതുണ്ട്.