ശ്രാവണ മാസത്തിലെ തിങ്കഴാഴ്ച വ്രതം ശിവകുടുംബപ്രീതിക്ക് വര്‍ജ്ജിക്കേണ്ടതും കഴിക്കേണ്ടതും

കഴിക്കേണ്ട ഭക്ഷണങ്ങള്‍

തിങ്കളാഴ്ച വ്രതം എടുക്കുന്നവരെങ്കില്‍ അവര്‍ പഴങ്ങള്‍ കഴിക്കാവുന്നതാണ്. ഇത് നിങ്ങളുടെ ആരോഗ്യം നിലനിര്‍ത്തുന്നതോടൊപ്പം തന്നെ വ്രതത്തിന് അനുയോജ്യമായതുമാണ്. ധാരാളം പൊട്ടാസ്യവും നാരുകളും അടങ്ങിയ പഴങ്ങള്‍ കഴിക്കാവുന്നതാണ്. ഇത് കൂടാതെ ആപ്പിള്‍, മുന്തിരി, പീച്ച് മുതലായവ ധാരാളം കഴിക്കാം. സാത്വിക ഭക്ഷണങ്ങള്‍ കഴിക്കാന്‍ ശ്രദ്ധിക്കേണ്ടതാണ്. അതില്‍ വരുന്നതാണ് ഉപ്പ്. നിങ്ങളുടെ ഭക്ഷണത്തില്‍ ഉപ്പ് ചേര്‍ക്കുന്നതിന് ശ്രദ്ധിക്കുക.

ചൗവ്വരി

തിങ്കളാഴ്ച വ്രതമെടുക്കുന്നവര്‍ക്ക് ചൗവ്വരി ഉപയോഗിക്കുന്നത് നല്ലതാണ്. ഉപവാസ ഭക്ഷണമായി തന്നെയാണ് ഇത് കണക്കാക്കുന്നത്. ഇത് എപ്പോള്‍ വേണമെങ്കിലും കഴിക്കാവുന്നതാണ്. ഉപവാസത്തിന് തയ്യാറാക്കുന്ന ഭക്ഷണങ്ങളുടെ കൂട്ടത്തില്‍ ഏറ്റവും പ്രിയപ്പെട്ടത് തന്നെയാണ് ചൗവ്വരി. ഇത് വ്രതാനുഷ്ഠാനത്തിന് നിര്‍ബന്ധമായും ശീലമാക്കേണ്ടതാണ്.

പാലുല്‍പ്പന്നങ്ങള്‍

തൈര്, പനീര്‍, തൈര്, പാല്‍, മോര്‍ എന്നിവ ശ്രാവണ മാസത്തില്‍ കഴിക്കുന്നത് ആരോഗ്യകരമായ ഭക്ഷണ ശീലത്തിന് മികച്ചതാണ്. കാരണം ഈ ഭക്ഷണത്തില്‍ നിന്നെല്ലാം നമ്മുടെ ശരീരത്തിന് ആവശ്യമായ കാല്‍സ്യം ലഭിക്കുന്നുണ്ട്. ഇത് മാത്രമല്ല ഉപവാസസമയത്ത് നിങ്ങളുടെ ഭക്ഷണക്രമവും വിശപ്പും പൂര്‍ത്തീകരിക്കുന്നതിന് വേണ്ടി നമുക്ക് സാധിക്കുന്നു. ഇനി ഒഴിവാക്കേണ്ട ഭക്ഷണങ്ങള്‍ ഏതൊക്കെയെന്ന് നോക്കാം.

വിവിധ തരത്തിലുള്ള മാവുകള്‍

പല പലഹാരങ്ങളും മറ്റും തയ്യാറാക്കുന്നതിന് വേണ്ടി വിവിധ തരത്തിലുള്ള മാവുകള്‍ ഉപയോഗിക്കാറുണ്ട്. എന്നാല്‍ ശ്രാവണ്‍ മാസത്തില്‍ തിങ്കളാഴ്ച വ്രതം എടുക്കുന്നവര്‍ ഒരിക്കലും റവ, കടലമാവ്, മൈദ, ആട്ട എന്നിവ ഉപയോഗിക്കുന്നതിന് വിലക്കുണ്ട്. അരി ഭക്ഷണം കഴിക്കുന്നതിനും വിലക്കുണ്ട്. എന്നാല്‍ ഏറ്റവും പോഷകപ്രദമായ ഭക്ഷണങ്ങള്‍ കഴിക്കാന്‍ ശ്രദ്ധിക്കണം.

ഉള്ളിയും വെളുത്തുള്ളിയും

ഉള്ളിയും വെളുത്തുള്ളിയും വളരെയധികം നിഷിദ്ധമാണ് വ്രതമെടുക്കുന്നവര്‍ക്ക്. സാത്വിക ഭക്ഷണം കഴിക്കാന്‍ ആഗ്രഹിക്കുന്നവരാണ് എന്നുണ്ടെങ്കില്‍ ഇവര്‍ നിര്‍ബന്ധമായും ഉള്ളിയും വെളുത്തുള്ളിയും ഒഴിവാക്കണം. വ്രതമെടുക്കുന്നവര്‍ ഈ രണ്ട് പച്ചക്കറികളും കഴിക്കുന്നതിന് വിലക്കുണ്ട്.

സുഗന്ധവ്യഞ്ജനങ്ങള്‍

സുഗന്ധ വ്യഞ്ജനങ്ങള്‍ വ്രതമെടുക്കുന്നവര്‍ ഉപയോഗിക്കാതിരിക്കാന്‍ ശ്രദ്ധിക്കണം. അതില്‍ വരുന്നതാണ് മല്ലി, മുളക്, മഞ്ഞള്‍, മസാലകള്‍ തുടങ്ങിയവ. ഇവയൊക്കെ ഒഴിവാക്കി വേണം ഭക്ഷണം വ്രതസമയത്ത് തിരഞ്ഞെടുക്കുന്നതിന്. വ്രതത്തിന് അനുയോജ്യമായ ഭക്ഷണക്രമം തിരഞ്ഞെടുക്കേണ്ടതാണ്.

മാംസവും മുട്ടയും

ശ്രാവണ്‍ മാസത്തില്‍ നിര്‍ബന്ധമായും വര്‍ജ്ജിക്കേണ്ടതാണ് മാംസവും മുട്ടയും അടങ്ങിയ ഭക്ഷണങ്ങള്‍. ഇത് നിങ്ങളുടെ വ്രതത്തെ മുറിക്കുന്നതിന് കാരണമാകുന്നു. ശ്രാവണ മാസം എപ്പോഴും വളരെയധികം പ്രത്യേകതകളുള്ള ഒരു മാസം തന്നെയാണ്. അതുകൊണ്ട് തന്നെ അതേ ചടങ്ങുകള്‍ അനുസരിച്ച് രീതികള്‍ അനുസരിച്ച് മുന്നോട്ട് പോവേണ്ടതിന് ശ്രദ്ധിക്കേണ്ടതാണ്. ആരോഗ്യത്തോടെ ഇരിക്കുന്നതിന് തന്നെയാണ് ശ്രദ്ധിക്കേണ്ടത് എപ്പോഴും.