വെള്ളത്തുള്ളിയില്‍ നിന്നു ബോധോദയം

| Updated: Saturday, February 9, 2013, 18:58 [IST]

ഒരിക്കല്‍ സെന്‍ ഗുരുവായ ഗിസാന്‍ തന്റെ ശിഷ്യരില്‍ ഒരാളോട് തനിയ്ക്ക് കുളിയ്ക്കാനായി ഒരു പാത്രം വെള്ളം കൊണ്ടുവരാന്‍ ആവശ്യപ്പെട്ടു. ഗുരുപറഞ്ഞതുപോലെ ചെയ്ത ശിഷ്യന്‍ ഗുരുവിന്റെ ആവശ്യം കഴിഞ്ഞ് പാത്രത്തില്‍ ബാക്കിവന്ന വെള്ളം നിലത്തേയ്ക്ക് ഒഴിച്ചു.

ഇതുകണ്ടയുടന്‍ ഗിസാന്‍ അതൃപ്തിയോട് ശിഷ്യനോട് ചോദിച്ചു - 'മഠയാ എന്തുകൊണ്ട് നിലത്തൊഴിച്ചുകളഞ്ഞ വെള്ളം നീ ചെടികള്‍ക്ക് ഒഴിച്ചില്ല, ഈ ക്ഷേത്രത്തിലെ വെള്ളം പാഴാക്കാന്‍ നിനക്കെന്താണ് അവകാശം?'

ഇതുകേട്ട ശിഷ്യന് ഗുരുപറഞ്ഞതിന്റെ അര്‍ത്ഥവ്യാപ്തി മനസ്സിലാവുകയും അയാള്‍ക്ക് ബോധോദയമുണ്ടാവുകയും ചെയ്തു. പിന്നീട് ഈ ശിഷ്യന്‍ ടെകിസൂയി എന്ന് പേരുമാറ്റി, വെള്ളത്തുള്ളിയെന്നാണ് ഈ വാക്കിനര്‍ത്ഥം.