Click it and Unblock the Notifications
Just In
Don't Miss
-
കരിമ്പത്ത് ഒന്നേകാല് കിലോ കഞ്ചാവുമായി യുവതിയും യുവാവും അറസ്റ്റില് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
അച്ഛന്റെ കൂടെ സംസാരിക്കാനോ പുറത്ത് പോകാനോ അനുവാദമില്ലായിരുന്നു; ബ്രേക്കപ്പിന്റെ സമയത്ത് മരണം; സൗഭാഗ്യ -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ഭഗവാന്‍ വിഷ്ണുവിനെയും ഭൂമീദേവിയെയും ആരാധിക്കുന്ന മിഥുന സംക്രാന്തി
വര്‍ഷത്തില്‍ 12 സംക്രാന്തികളുണ്ട്, അതില്‍ സൂര്യന്‍ വിവിധ രാശികളില്‍ സഞ്ചരിക്കുന്നു. ഈ സംക്രാന്തികളില്‍ ദാനം, ദക്ഷിണ, സ്‌നാനം, ശുദ്ധി എന്നിവ വളരെ പ്രധാനമാണ്. അതിലൊന്നാണ് മിഥുന സംക്രാന്തി. മിഥുന സംക്രാന്തി സൗരയൂഥത്തില്‍ വലിയ മാറ്റം കൊണ്ടുവരുന്നു. ഇക്കാലത്താണ് മഴക്കാലം ആരംഭിക്കുന്നത്. ഈ വര്‍ഷത്തെ മിഥുന സംക്രാന്തി ജൂണ്‍ 15 ബുധനാഴ്ചയാണ്. ഈ ദിവസം സൂര്യന്‍ രാശിചക്രം മാറ്റുന്നു. സൂര്യന്‍ മിഥുന രാശിയില്‍ പ്രവേശിക്കുന്ന ദിവസത്തെ മിഥുന സംക്രാന്തി എന്ന് വിളിക്കുന്നു. സൂര്യന്‍ മിഥുന രാശിയില്‍ പ്രവേശിക്കുമ്പോള്‍ മറ്റ് രാശിക്കാരെയും അത് ബാധിക്കുന്നു.
സൂര്യന്റെ രാശിമാറ്റം മൂലം ജ്യോതിഷ പ്രകാരം, നക്ഷത്രരാശികളിലും വലിയ മാറ്റം സംഭവിക്കുന്നു. മിഥുന രാശിയില്‍ സൂര്യന്‍ പ്രവേശിക്കുന്നത് മഴക്കാലത്തിന്റെ തുടക്കത്തിന്റെ സൂചനയായി കണക്കാക്കപ്പെടുന്നു എന്ന് നമുക്ക് പറയാം. സൂര്യന്റെ മിഥുനം രാശി മാറ്റം ആരോഗ്യത്തെയും ബാധിക്കുന്നു. ഈ സമയത്ത്, വൈറല്‍ രോഗങ്ങളുടെ സാധ്യത ഗണ്യമായി വര്‍ദ്ധിക്കുന്നു. അതിനാല്‍, നിങ്ങളെയും നിങ്ങളുടെ കുട്ടികളെയും പ്രത്യേകം ശ്രദ്ധിക്കുക. മിഥുന സംക്രാന്തിയുടെ മംഗളകരമായ സമയവും ആരാധനാ രീതിയും എങ്ങനെയെന്ന് നമുക്ക് നോക്കാം.
മിഥുന സംക്രാന്തി 2022
ഒരു രാശിചക്രത്തില്‍ നിന്ന് മറ്റൊന്നിലേക്കുള്ള സൂര്യന്റെ പ്രവേശനത്തെ അല്ലെങ്കില്‍ സംക്രമണത്തെ സംക്രാന്തി എന്ന് വിളിക്കുന്നു. ഏത് രാശിചക്രത്തിലേക്ക് പ്രവേശിച്ചാലും ആ രാശിചക്രത്തിന്റെ പേരിലാണ് ആ സംക്രാന്തി അറിയപ്പെടുന്നത്. സൂര്യന്‍ മിഥുനം രാശിയിലേക്ക് പ്രവേശിക്കുന്ന സന്ദര്‍ഭത്തെ മിഥുന സംക്രാന്തി എന്ന് വിളിക്കുന്നു. മതപരമായും ജ്യോതിഷപരമായും ഈ സംക്രാന്തി വളരെ പ്രത്യേകതയുള്ളതായി കണക്കാക്കപ്പെടുന്നു. ഈ ദിവസം സൂര്യന്‍ ഇടവം രാശി വിട്ട് മിഥുനത്തിലേക്ക് പ്രവേശിക്കും.
മിഥുന സംക്രാന്തിയുടെ ശുഭസമയം
അമൃതകാലം- രാവിലെ 09:57 മുതല്‍ ആരംഭിച്ച് 11.21 വരെ നീണ്ടുനില്‍ക്കും.
വിജയ മുഹൂര്‍ത്തം- ഉച്ചയ്ക്ക് 02:16 മുതല്‍ ആരംഭിച്ച് 03:10 വരെ നീണ്ടുനില്‍ക്കും.
സന്ധ്യാ മുഹൂര്‍ത്തം- വൈകുന്നേരം 06:36 മുതല്‍ 7 വരെ.
മിഥുന സംക്രാന്തിയുടെ ആചാരങ്ങള്‍
വ്യത്യസ്ത സംസ്ഥാനങ്ങള്‍ക്ക് മിഥുന സംക്രാന്തിക്ക് വ്യത്യസ്ത പേരുകളുണ്ട്. വിവിധ പശ്ചാത്തലങ്ങളില്‍ നിന്നുള്ള ആളുകള്‍ വ്യത്യസ്ത പാരമ്പര്യങ്ങളോടെ അതിനെ അനുസ്മരിക്കുന്നു. കിഴക്കന്‍ ഇന്ത്യയിലും ഒഡീഷയിലും മിഥുന സംക്രാന്തി അറിയപ്പെടുന്നത് രാജ പര്‍ബ എന്നാണ്. മിഥുന സംക്രാന്തിയില്‍, സൂര്യന്റെ സ്ഥാനം ഇടവം രാശിയില്‍ നിന്ന് മിഥുനം രാശിയിലേക്ക് മാറുന്നു. ഈ ദിവസം ആളുകള്‍ സൂര്യഭഗവാനോട് നല്ല മഴയ്ക്കായി പ്രാര്‍ത്ഥിക്കുകയും ഉപവസിക്കുകയും ചെയ്യുന്നു.
ഒഡീഷയിലെ രാജ പര്‍ബ
ഈ ദിവസം മഹാവിഷ്ണുവിനെയും ഭൂമി ദേവിയെയും ആരാധിക്കുന്നു. ഒഡീഷയിലെ ജനങ്ങള്‍ പരമ്പരാഗത വസ്ത്രങ്ങള്‍ ധരിക്കുന്നു, ഭൂമി മാതാവിനെ ചിത്രീകരിക്കുന്ന അരകല്ലിന് പ്രത്യേക പൂജ നടത്തുന്നു. അരകല്ല് പൂക്കളും കുങ്കുമവും കൊണ്ട് അലങ്കരിക്കുന്നു. ഈ സീസണിലെ മറ്റൊരു ആഘോഷമാണ് രാജ പര്‍ബ. അതിലെ ഒരു ആചാരമാണ് ആല്‍മരത്തില്‍ ഊഞ്ഞാല്‍ കെട്ടുന്നതും പെണ്‍കുട്ടികള്‍ അതില്‍ ആടിയും പാടിയും ആസ്വദിക്കുന്നതും. മിഥുന സംക്രാന്തിയില്‍ വസ്ത്രങ്ങള്‍ ദാനം ചെയ്യുന്നതും വളരെ ശ്രേഷ്ഠമാണെന്ന് പറയപ്പെടുന്നു.
പുണ്യ പ്രവൃത്തികള്‍
ഈ ദിവസം ഭക്തര്‍ നല്ല വസ്ത്രങ്ങള്‍ ധരിക്കുകയും ഭൂമി മാതാവിനെ ആരാധിക്കുകയും ചെയ്യുന്നു. ഭൂമിയുടെ പ്രതീകമായി അവര്‍ അരകല്ലിനെ ആരാധിക്കുന്നു. ഇതുകൂടാതെ മഹാവിഷ്ണുവിനെയും ആരാധിക്കുന്നു. സൂര്യനെ പ്രീതിപ്പെടുത്താന്‍ ആളുകള്‍ ദരിദ്രര്‍ക്കും ബ്രാഹ്‌മണര്‍ക്കും ദാനം നല്‍കുന്നു. ഇതുകൂടാതെ, പെണ്‍കുട്ടികള്‍ മനോഹരമായ വസ്ത്രങ്ങള്‍ ധരിക്കുകയും ആല്‍മരത്തില്‍ ഊഞ്ഞാല്‍ കെട്ടി അതില്‍ ആടി രസിക്കുകയും ചെയ്യുന്നു. ഈ ദിവസം ആളുകള്‍ അരിയും ധാന്യങ്ങളും കഴിക്കുന്നത് ഒഴിവാക്കുന്നു.
മിഥുന സംക്രാന്തി ആരാധനയുടെ നേട്ടങ്ങള്‍
മിഥുന സംക്രാന്തിയില്‍ ഭഗവാന്‍ വിഷ്ണുവിനെയും ഭൂമീദേവിയെയും ആരാധിക്കുന്നതിലൂടെ ഭക്തര്‍ക്ക് നിരവധി ഗുണങ്ങള്‍ ലഭിക്കുന്നു. ജീവിതത്തില്‍ സമ്പത്തും സമൃദ്ധിയും കൈവരുന്നു. ചുമ, ജലദോഷം, പനി തുടങ്ങിയ പ്രശ്‌നങ്ങളാല്‍ ബുദ്ധിമുട്ടുന്ന ആളുകള്‍ക്ക് മിഥുന സംക്രാന്തിയില്‍ പ്രാര്‍ത്ഥന നടത്തിയാല്‍ ആശ്വാസം ലഭിക്കും. ഈ ദിവസത്തെ ആരാധന, ഭക്ഷണവും കൃഷിയില്‍ നല്ല വിളവും നല്‍കിത്തരുന്നു. വിദ്യാര്‍ത്ഥികള്‍ക്ക് അറിവും ഏകാഗ്രതയും ലഭിക്കുന്നു.
