Maha Shivratri 2022: ശിവരാത്രി ദുഷ്‌കര്‍മ്മങ്ങളില്‍ നിന്ന് മുക്തി നല്‍കും ശ്രേഷ്ഠവ്രതം

മഹാശിവരാത്രി 2022 തീയതിയും സമയവും

ഹിന്ദു കലണ്ടര്‍ പ്രകാരം. എല്ലാ മാസവും 14-ാം ദിവസം അതായത് അമാവാസിക്ക് ഒരു ദിവസം മുമ്പാണ് ശിവരാത്രി ആഘോഷിക്കുന്നത്. യഥാര്‍ത്ഥത്തില്‍ ഒരു വര്‍ഷത്തില്‍ 12 ശിവരാത്രികളുണ്ട്. ഈ ശിവരാത്രികളില്‍ ഏറ്റവും പ്രധാനപ്പെട്ടത് മഹാ ശിവരാത്രിയാണ്. പൊതുവെ ഫെബ്രുവരി, മാര്‍ച്ച് മാസങ്ങളിലാണ് മഹാ ശിവരാത്രി ആഘോഷിക്കുന്നത്. മഹാശിവരാത്രിയില്‍ ശുഭ മുഹൂര്‍ത്തത്തില്‍ മാത്രമേ ഭക്തര്‍ ഭഗവാനെ ആരാധിക്കാവൂ എന്ന് പറയാറുണ്ട്. 2022-ല്‍ മഹാശിവരാത്രി ആഘോഷിക്കുന്ന തീയതിയും സമയവും ചുവടെ പറയുന്നു.

മഹാശിവരാത്രി സമയം

മഹാ ശിവരാത്രി 2022 മാര്‍ച്ച് 1, 2022 ദിവസം ചൊവ്വാഴ്ച നിഷിത കാല പൂജ സമയം മാര്‍ച്ച് 2, 2022 (12: 08 AM മുതല്‍ 12: 58 AM വരെ) ദൈര്‍ഘ്യം 50 മിനിറ്റ് മഹാ ശിവരാത്രി പൂജ സമയം 2022

ശിവരാത്രി പാരണ സമയം: 2022 മാര്‍ച്ച് 2-ന് 06: 45 AM

രാത്രി ഒന്നാം പ്രഹാര്‍ പൂജ സമയം - 06: 21 PM മുതല്‍ 09: 27 PM വരെ

രാത്രി രണ്ടാം പ്രഹാര്‍ പൂജ സമയം - 09: 27 PM മുതല്‍ 12: 33 AM വരെ, 2022 മാര്‍ച്ച് 2-ന്

രാത്രി മൂന്നാം പ്രഹാര്‍ പൂജ സമയം - 12: 33 AM മുതല്‍ 03: 39 AM വരെ, 2022 മാര്‍ച്ച് 2-ന്

രാത്രി നാലാമത്തെ പ്രഹാര്‍ പൂജ സമയം - 03: 39 AM മുതല്‍ 06: 45 AM വരെ, 2022 മാര്‍ച്ച് 2-ന്

ചതുര്‍ദശി തിഥിയുടെ ആരംഭം - 2022 മാര്‍ച്ച് 1-ന് 03: 16 AM

ചതുര്‍ദശി തിഥിയുടെ അവസാനം - 2022 മാര്‍ച്ച് 2-ന് 01:00 AM

മഹാ ശിവരാത്രി 2022-ലെ പ്രാധാന്യം

മഹാശിവരാത്രി ദിനത്തിലാണ് പാര്‍വതി ദേവി ശിവനെ വിവാഹം കഴിച്ചതെന്ന് വിശ്വസിക്കപ്പെടുന്നു. ഈ ദിവസം ശിവനെയും പാര്‍വതി ദേവിയെയും ആരാധിക്കുന്നവര്‍ക്ക് ദാമ്പത്യ ജീവിതത്തിലെ എല്ലാ പ്രശ്‌നങ്ങളും ഇല്ലാതായി ജീവിതത്തില്‍ ഐശ്വര്യവും ദാമ്പത്യ പ്രശ്‌നങ്ങള്‍ ഇല്ലാതാവുന്നതിനും സഹായിക്കുന്നുണ്ട് എന്നാണ് വിശ്വാസം. അതിനായി ഭാര്യാഭര്‍ത്താക്കന്മാര്‍ മഹാശിവരാത്രി വ്രതം അനുഷ്ഠിക്കണം. ഹൈന്ദവ ആചാരപ്രകാരം മഹാശിവരാത്രിയില്‍ വ്രതം അനുഷ്ഠിക്കുന്ന പെണ്‍കുട്ടികള്‍ക്ക് ആഗ്രഹിച്ച ഭര്‍ത്താവിനെ ലഭിക്കുമെന്നും വിശ്വസിക്കപ്പെടുന്നു. ഒരു പെണ്‍കുട്ടിയുടെ വിവാഹത്തില്‍ പ്രശ്‌നങ്ങള്‍ ഉണ്ടാകുകയാണെങ്കില്‍ ശിവരാത്രി വ്രതം ആചരിക്കുന്നത് നല്ലതാണ്.

ശിവരാത്രി വ്രതത്തിന്റെ ഫലം

ശിവരാത്രി വ്രതം അനുഷ്ഠിക്കുന്നതിലൂടെ അത് ഈ ജന്മത്തിലെയും മുന്‍ ജന്മങ്ങളിലെയും പാപങ്ങളില്‍ നിന്ന് മുക്തി നേടുന്നതിന് സഹായിക്കുന്നുണ്ട്. മഹാശിവരാത്രി ദിനത്തില്‍ ഭക്തര്‍ പൂര്‍ണ്ണ സമര്‍പ്പണത്തോടെ ശിവനെ ആരാധിക്കേണ്ടതാണ്. എന്നാല്‍ ഭഗവാനെ എങ്ങനെ ആരാധിക്കണം എന്ന് നമുക്ക് നോക്കാവുന്നതാണ്. മഹാശിവരാത്രി ദിനത്തില്‍ ശിവനെ എങ്ങനെ ആരാധിക്കണം, എന്തൊക്കെയാണ് ശ്രദ്ധിക്കേണ്ടത്, ഭഗവാനെ ആരാധിക്കുന്ന രീതി എന്താണ് എന്നിങ്ങനെയുള്ള കാര്യങ്ങളെക്കുറിച്ച് ഈ ലേഖനത്തില്‍ വായിക്കേണ്ടതാണ്.

ഭഗവാനെ ആരാധിക്കേണ്ട രീതി

മഹാശിവരാത്രി ദിനത്തില്‍ നാം അറിഞ്ഞിരിക്കേണ്ട ചില കാര്യങ്ങള്‍ ഉണ്ട്. ഭഗവാനെ ആരാധിക്കേണ്ട രീതി എങ്ങനെയെന്ന് നമുക്ക് നോക്കാവുന്നതാണ്. അതിന് വേണ്ടി മഹാശിവരാത്രിയില്‍ ഭക്തര്‍ നേരത്തെ തന്നെ ഉണര്‍ന്ന് കുളിക്കണം, കുളികഴിഞ്ഞാല്‍ വൃത്തിയുള്ള വസ്ത്രം ധരിക്കുന്നതിന് ശ്രദ്ധിക്കണം, ഭഗവാനില്‍ നിന്ന് അനുഗ്രഹം ലഭിക്കുന്നതിന് വേണ്ടി നമുക്ക് ക്ഷേത്ര ദര്‍ശനം നടത്താവുന്നതാണ്. ഇതിനോടൊപ്പം തുളസി ഇലകള്‍, തെച്ചി, കൂവളം എന്നിവ മാലകെട്ടി ഭഗവാന് സമര്‍പ്പിക്കുക. ഇത് കൂടാതെ നിങ്ങളുടെ പ്രാര്‍ത്ഥനയുടെ അവസാനം ശിവന് ആരതി ചെയ്യുന്നതിനും ശ്രദ്ധിക്കുക.

ശിവരാത്രിയും മഹാശിവരാത്രിയും തമ്മിലുള്ള വ്യത്യാസം

മഹാശിവരാത്രിയില്‍ നിന്ന് തികച്ചും വ്യത്യസ്തമാണ് ശിവരാത്രി. ഇവ തമ്മിലുള്ള വ്യത്യാസം താഴെ പറയുന്നുണ്ട്. ഹിന്ദു ആചാരപ്രകാരം കൃഷ്ണപക്ഷത്തിന്റെ നാലാം ദിവസമാണ് ശിവരാത്രി ആഘോഷിക്കുന്നത്. ഇതിനെ പ്രദോഷം എന്നും വിളിക്കുന്നു. ഒരു വര്‍ഷത്തില്‍ ആകെ 12 ശിവരാത്രികളുണ്ട്. അതായത് 12 പ്രദോഷങ്ങളുണ്ട്. മറുവശത്ത്, മഹാശിവരാത്രി വര്‍ഷത്തില്‍ ഒരിക്കല്‍ മാത്രം ആഘോഷിക്കപ്പെടുന്നതാണ്. ഫാല്‍ഗുന മാസത്തിലെ കൃഷ്ണപക്ഷത്തിന്റെ നാലാം ദിവസമാണ് ഇത് ആഘോഷിക്കുന്നത്. മഹാശിവരാത്രിയില്‍ വ്രതമനുഷ്ഠിക്കുകയും ആരാധന നടത്തുകയും ചെയ്യുന്നവര്‍ക്ക് എല്ലാ ആഗ്രഹങ്ങളും സഫലമാകുമെന്നാണ് വിശ്വാസം.