ബുധപ്രദോഷ വ്രതം; ശിവഭജനത്താല്‍ നേടാം ദുരിതമോചനവും അളവറ്റ ഐശ്വര്യവും

സാമ്പത്തിക പ്രതിസന്ധി മറികടക്കാന്‍

ഈ വര്‍ഷത്തിലെ ആദ്യത്തെ പ്രദോഷ വ്രതം ഒരു ബുധനാഴ്ചയാണ്. അതിനാല്‍ ഈ ദിവസം വ്രതം അനുഷ്ഠിക്കുന്നത് ശിവനോടൊപ്പം ഗണപതിയുടെ അനുഗ്രഹവും നല്‍കും. അത്തരമൊരു സാഹചര്യത്തില്‍, ബുധപ്രദോഷ വ്രതം ദിവസം രാവിലെ വ്രതാനുഷ്ഠാനം ചെയ്ത ശേഷം ആദ്യം ഗണപതിയെ ആരാധിക്കുക. ചുവന്ന ചെമ്പരത്തിപ്പൂവ് അദ്ദേഹത്തിനു സമര്‍പ്പിച്ച് 'ഓം ഗണ്‍ ഗണപതയേ നമഃ' എന്ന മന്ത്രം 108 തവണ ജപിക്കുക. ഇത് സാമ്പത്തിക പ്രതിസന്ധിയില്‍ നിന്ന് മോചനം നല്‍കുകയും നിങ്ങളുടെ സാമ്പത്തിക സ്ഥിരത മെച്ചപ്പെടുത്തുകയും ചെയ്യുമെന്ന് വിശ്വസിക്കപ്പെടുന്നു.

സന്തോഷകരമായ ദാമ്പത്യ ജീവിതത്തിന്

സന്തോഷകരമായ ദാമ്പത്യ ജീവിതത്തിനും കുട്ടികളുടെ സന്തോഷത്തിനോ വേണ്ടി 27 തവണ 'ഓം നമഃ ശിവായ' മന്ത്രം ജപിച്ച് 27 ചുവന്ന റോസാപ്പൂക്കള്‍ ശിവന് സമര്‍പ്പിക്കുക. ഈ ദിവസം ചന്ദനത്തിന്റെ സുഗന്ധദ്രവ്യങ്ങളും സമര്‍പ്പിക്കുക. ഭാര്യയും ഭര്‍ത്താവും ഒരുമിച്ച് ഈ പ്രതിവിധി ചെയ്യണം. ഇതിലൂടെ നിങ്ങള്‍ക്ക് ശിവന്റെയും പാര്‍വതിയുടെയും അനുഗ്രഹത്താല്‍ ദാമ്പത്യ ജീവിതത്തില്‍ സന്തോഷമുണ്ടാകും.

പണം നേടാന്‍

ബുധപ്രദോഷ നാളില്‍ പ്രദോഷകാലത്ത് ശിവക്ഷേത്രത്തില്‍ പോയി ഒരു ചെമ്പ് പാത്രത്തില്‍ വെള്ളമെടുത്ത് അതില്‍ രക്തചന്ദനം പുരട്ടി ഭഗവാന് സമര്‍പ്പിക്കുക. കൂടാതെ 'ഓം നമഃ ശിവായ' എന്ന മന്ത്രവും ജപിക്കുക. ഇങ്ങനെ ചെയ്താല്‍ നിങ്ങള്‍ക്കായി പണം വരാനുള്ള വഴികള്‍ തുറന്നുകിട്ടും.

രോഗങ്ങളില്‍ നിന്ന് മുക്തിക്ക്

നിങ്ങളുടെ കുടുംബത്തില്‍ ആര്‍ക്കെങ്കിലും അസുഖമുണ്ടെങ്കില്‍, പ്രദോഷകാലത്ത് ശിവന് നെല്ലിക്ക കലക്കിയ ജലം കൊണ്ട് അഭിഷേകം ചെയ്യുക. രോഗിയുടെ പേര് പറഞ്ഞ്, അവര്‍ക്ക് സുഖം പ്രാപിക്കാനായി പ്രാര്‍ത്ഥിക്കുക. ഈ നടപടികള്‍ സ്വീകരിക്കുന്നതിലൂടെ രോഗി ഉടന്‍ സുഖം പ്രാപിക്കാന്‍ തുടങ്ങുമെന്ന് വിശ്വസിക്കപ്പെടുന്നു.

ബുധപ്രദോഷം ശുഭമുഹൂര്‍ത്തം

ജ്യോതിഷ പ്രകാരം, എല്ലാ മാസത്തെയും ശുക്ല പക്ഷത്തിന്റെയും കൃഷ്ണപക്ഷത്തിന്റെയും ത്രയോദശി തീയതിയിലാണ് പ്രദോഷ വ്രതം വരുന്നത്. ഇപ്രാവശ്യത്തെ ത്രയോദശി തിഥി ജനുവരി 3ന് രാത്രി 10:01ന് ആരംഭിച്ച് ജനുവരി 4ന് ഉച്ചയ്ക്ക് 12:01ന് അവസാനിക്കും. പഞ്ചാംഗം അനുസരിച്ച്, ജനുവരി 4ന് പ്രദോഷ വ്രതം ആചരിക്കും.

ബുധപ്രദോഷ വ്രതത്തിന്റെ പ്രാധാന്യം

ജ്യോതിഷ പ്രകാരം സൂര്യോദയം മുതല്‍ സൂര്യാസ്തമയം വരെയാണ് ഈ വ്രതാനുഷ്ഠാനം. ഈ വ്രതകാലത്ത് ഭക്തര്‍ ശിവകുടുംബത്തെ ആരാധിക്കണം. ഈ ദിവസം വ്രതമനുഷ്ഠിക്കുകയും ശിവനെ ആരാധിക്കുകയും ചെയ്യുന്നതിലൂടെ ഭക്തരുടെ ബുദ്ധിമുട്ടുകളില്‍ നിന്ന് മോചനം ലഭിക്കുമെന്നും ആഗ്രഹങ്ങള്‍ സഫലമാകുമെന്നും വിശ്വസിക്കപ്പെടുന്നു. ഈ വ്രതാനുഷ്ഠാനത്തിന്റെ പ്രാധാന്യം പല വേദങ്ങളിലും പറഞ്ഞിട്ടുണ്ട്.

ബുധപ്രദോഷ പൂജാരീതി

സൂര്യോദയത്തിന് മുമ്പ് ഉണരുക, കുളി കഴിഞ്ഞ് വൃത്തിയുള്ള വസ്ത്രം ധരിക്കുക. പൂജാമുറി വൃത്തിയാക്കി ഗംഗാജലം കൊണ്ട് ശുദ്ധീകരിക്കുക. ഗംഗാജലം, പാല്‍, തൈര്, പഞ്ചാമൃതം എന്നിവകൊണ്ട് ശിവനെ അഭിഷേകം ചെയ്യുക. ചന്ദനത്തിരി, വിളക്ക്, കൂവള ഇല, പൂക്കള്‍, മാലകള്‍ എന്നിവ ഉപയോഗിച്ച് ശിവനെ പൂജിക്കുക. ശിവ ചാലിസയും ശിവ ആരതിയും ചൊല്ലുക. മഹാമൃത്യുഞ്ജയ മന്ത്രം 108 തവണ ജപിക്കുക. പാല്‍ അല്ലെങ്കില്‍ ഗംഗാജലം കൊണ്ട് ശിവനെ അഭിഷേകം ചെയ്യുക.