പഴത്തൊലി കൊണ്ട് വൃത്തി

സ്റ്റീല്‍, സില്‍വര്‍

സ്റ്റീല്‍, സില്‍വര്‍ എന്നിവ വൃത്തിയാക്കുവാന്‍ പഴത്തൊലി നല്ലപോലെ ഉരച്ചാല്‍ മതിയാകും.

ചെടി

ചെടികളുടെ ഇലകളില്‍ പറ്റിപ്പിടിച്ചിരിയ്ക്കുന്ന പൊടിയും ചെളിയും കളയണമെങ്കില്‍ പഴത്തൊലി കൊണ്ട് ഇത് തുടച്ചാല്‍ മതിയാകും.

ഷൂ പോളിഷ്

ഷൂ പോളിഷ് ചെയ്യാനും പഴത്തൊലി മതിയാകും. പൊടി കളഞ്ഞ ശേഷം പഴത്തൊലിയുടെ ഉള്‍ഭാഗം ഉപയോഗിച്ചു ഷൂ പോളിഷ് ചെയ്യാം.

വാട്ടര്‍ ടാങ്ക്

വാട്ടര്‍ ടാങ്ക് വൃത്തിയാക്കാനുള്ള ഒരു വഴിയാണ് പഴത്തിന്റെ തൊലി. പഴത്തൊലി ഇതിലെ വെള്ളത്തിലിടുക. അല്‍പം കഴിഞ്ഞ് എടുത്തു കളയാം. അഴുക്ക് പഴത്തൊലി വലിച്ചെടുക്കും.

മെഴുക്

മെഴുക് തറയിലോ ഗ്ലാസ് ടേബിളിലോ ആയാല്‍ ഇത് ഒഴിവാക്കാനുള്ള നല്ലൊരു വഴിയാണ് പഴത്തൊലി. പഴത്തൊലി ഉപയോഗിച്ച് മെഴുകായ പാടില്‍ ഉരയ്ക്കുക.

മരസാധനങ്ങള്‍

പഴത്തൊലി കൊണ്ട് മരസാമഗ്രികളില്‍ ഉരയ്ക്കുക. അല്‍പം കഴിഞ്ഞ് നനഞ്ഞ തുണി കൊണ്ടു തുടയ്ക്കാം. മരസാധനങ്ങള്‍ വൃത്തിയാകും.

മഷിക്കറ

മഷിക്കറ കളയാനും ഇത് നല്ലതാണ.് മഷിയായ ഭാഗത്ത് പഴത്തൊലി കൊണ്ട് ഉരയ്ക്കണം. പിന്നീട് വെള്ളം കൊണ്ട് കഴുകാം.

സിഡി

സിഡിയില്‍ വരകളോ പാടുകളോ വീണാല്‍ പഴത്തൊലി കൊണ്ട് വൃത്താകൃതിയില്‍ ഉരയ്ക്കുക. പിന്നീട് ഒരു ലിനന്‍ തുണി ഉപയോഗിച്ചു വൃത്തിയാക്കാം. സിഡിയിലെ പാടുകള്‍ പോകും.