വീഗനിസവും, വെജിറ്റേറിയനിസവും അറിഞ്ഞിരിക്കാം ഗുണങ്ങളും ദോഷങ്ങളും

എന്താണ് വീഗന്‍ ഡയറ്റ്

വീഗന്‍ സൊസൈറ്റി 1944-ല്‍ ആണ് സ്ഥാപിക്കപ്പെട്ടത്. 1944 ല്‍ ഒരു ചെറിയ കൂട്ടം സസ്യാഹാരികള്‍ ലെസ്റ്റര്‍ വെജിറ്റേറിയന്‍ സൊസൈറ്റിയില്‍ നിന്ന് പിരിഞ്ഞാണ് ഇംഗ്ലണ്ടില്‍ ഒരു വെഗന്‍ സൊസൈറ്റി രൂപീകരിച്ചത്. വെജിറ്റേറിയന്‍ ഭക്ഷണരീതിയില്‍ മൃഗങ്ങളില്‍ നിന്നും ലഭിക്കുന്ന ഉപോത്പ്പന്നങ്ങളായ പാല്‍, മുട്ട അല്ലെങ്കില്‍ മൃഗ ഉത്ഭവത്തിന്റെ മറ്റ് ഉല്‍പ്പന്നങ്ങള്‍ എന്നിവ ഉള്‍പ്പെടുത്താതെ ശീലിക്കുന്ന ഭക്ഷണ രീതിയാണ് വീഗനിസം എന്ന് പറയുന്നത്. വീഗനിസം എന്നത് കൊണ്ട് ഉദ്ദേശിക്കുന്നത് എല്ലാ മൃഗ ഉല്‍പ്പന്നങ്ങളെയും ഒഴിവാക്കുകയും മൃഗങ്ങളെ ചൂഷണം ചെയ്യുന്നത് പരമാവധി പരിമിതപ്പെടുത്താന്‍ ശ്രമിക്കുകയും ചെയ്യുന്ന ഒരു ജീവിതരീതിയാണ് വീഗനിസം.

ചരിത്രത്തില്‍ ഇങ്ങനെ

മുകളില്‍ പറഞ്ഞതുപോലെ വീഗന്‍ സൊസൈറ്റി 70 വര്‍ഷങ്ങള്‍ക്ക് മുമ്പാണ് സ്ഥാപിതമായതെങ്കിലും വീനിസത്തിന്റെ തെളിവുകള്‍ 2000 വര്‍ഷങ്ങള്‍ പഴക്കമുള്ളതാണെന്ന് കണ്ടെത്തിയിട്ടുണ്ട്. ബി സി 500-ല്‍ ഗ്രീക്ക് തത്ത്വചിന്തകനായ പൈതഗോറസ് മൃഗങ്ങളാല്‍ നിര്‍മ്മിച്ച ഭക്ഷണങ്ങള്‍ എല്ലാം തന്നെ പ്രോത്സാഹിപ്പിക്കുകയും സസ്യാഹാരം പിന്തുടരുന്നതിന് എല്ലാവരേയും പ്രേരിപ്പിക്കുകയും ചെയ്തിരുന്നു. 1806-ലാണ് ആദ്യമായി ഒരു വ്യക്തി മുട്ടയും പാലും ഉപയോഗിക്കുന്നതിനെ പരസ്യമായി എതിര്‍ത്തത്. ധാര്‍മ്മിക അടിസ്ഥാനത്തില്‍ മുട്ടയും പാലും ഉപയോഗിക്കുന്നതിനെ എതിര്‍ത്തവരാണ് ഡോ. വില്യം ലാംബെ, പെര്‍സി ഷെല്ലി.

സസ്യാഹാരത്തിന്റെ പ്രധാന കാരണം

എന്തൊക്കെ കാരണങ്ങള്‍ കൊണ്ടാണ് സസ്യാഹാരത്തിന് പ്രിയം കൂടുന്നത് എന്ന് പലര്‍ക്കും അറിയുന്നില്ല. എന്നാല്‍ വീഗനിസം എന്നതില്‍ പറയുന്നത് അനുസരിച്ച് എല്ലാ ജീവജാലങ്ങള്‍ക്കും ജീവിതത്തിനും സ്വാതന്ത്ര്യത്തിനും അവകാശമുണ്ടെന്ന ശക്തമായ വിശ്വാസമാണ് സസ്യാഹാരത്തിലേക്ക് ഒരു കൂട്ടം ആളുകളെ ആകര്‍ഷിച്ചത്. അതിനാല്‍ മൃഗങ്ങളെയും അവയുടെ ഉല്‍പ്പന്നങ്ങളെയും ഭക്ഷണത്തിന് വേണ്ടി ഉപയോഗിക്കുന്നത് അതിക്രൂരമാണെന്ന് ഒരു വിഭാഗം ആളുകള്‍ക്ക് തോന്നിയിരുന്നു.

സസ്യാഹാരത്തിന്റെ പ്രധാന കാരണം

ഇത് കൂടാതെ ആരോഗ്യത്തിന്റെ കാര്യത്തിലും വളരെയധികം ശ്രദ്ധേയമാണ് വീഗനിസം എന്നത് തന്നെയാണ് പലരേയും ഇതിലേക്ക് ആകര്‍ഷിക്കുന്നത്. പലരും വെജിറ്റേറിയന്‍ ഡയറ്റ് തിരഞ്ഞെടുക്കുകയും ഇത് കൂടുതല്‍ ആരോഗ്യ പ്രശ്‌നങ്ങളെ പ്രതിരോധിക്കുന്നു എന്ന് പറയുകയും ചെയ്യുന്നുണ്ട്. ഹൃദ്രോഗം, ടൈപ്പ് 2 പ്രമേഹം, അര്‍ബുദം എന്നിവ കുറയ്ക്കുകയും ആരോഗ്യകരമായ ജീവിത ശൈലി പിന്തുടരുന്നതിന് സഹായിക്കുകയും ചെയ്യുന്നുണ്ട്. ഇത് കൂടാതെ മൃഗങ്ങളെ സംരക്ഷിക്കുന്നതിനും കാര്‍ഷികമേഖലയെ മെച്ചപ്പെടുത്തുന്നതിനും സഹായിക്കുന്നുണ്ട്.

കഴിക്കാന്‍ പാടില്ലാത്തത്

എന്നാല്‍ ഇനി പറയുന്ന അവസ്ഥയില്‍ വീഗനായ ഒരു വ്യക്തി ഇനി പറയുന്ന ഭക്ഷണങ്ങള്‍ ഒന്നും തന്നെ അവരുടെ പട്ടികയില്‍ ഉള്‍പ്പെടുത്താന്‍ പാടില്ല. എന്ന് മാത്രമല്ല ഇത് നിങ്ങളുടെ ആരോഗ്യത്തിനും മികച്ചതാണ് എന്നുള്ളതാണ്. എന്നാല്‍ ഇവര്‍ ഒഴിവാക്കുന്ന ഭക്ഷണങ്ങള്‍ക്ക് പകരം ആരോഗ്യം വര്‍ദ്ധിപ്പിക്കുന്ന തരത്തിലുള്ള ഭക്ഷണങ്ങള്‍ കഴിക്കാന്‍ വീഗന്‍ ഡയറ്റ് പിന്തുടരുന്നവര്‍ കഴിക്കേണ്ടതാണ്. ഏതൊക്കെ ഭക്ഷണങ്ങളാണ് കഴിക്കാന്‍ പാടില്ലാത്തത് എന്ന് നോക്കാവുന്നതാണ്. മാംസം, കോഴിയിറച്ചി, മത്സ്യം, കടല്‍ വിഭവങ്ങള്‍, മുട്ട, പാലുല്‍പ്പന്നങ്ങള്‍, തേന്‍ എന്നിവയെല്ലാം ഉപയോഗിക്കാന്‍ പാടില്ലാത്തതാണ്.

കഴിക്കേണ്ടത്

മൃഗ പ്രോട്ടീനോ ഉല്‍പ്പന്നങ്ങളോ ഇല്ലാതെ ആസ്വദിക്കാന്‍ കഴിയുന്ന ധാരാളം വെജിറ്റേറിയന്‍ വിഭവങ്ങള്‍ ഉണ്ട്. ഇവ സസ്യാഹാര ഭക്ഷണത്തില്‍ പെടുന്നു. എന്തൊക്കെ ഭക്ഷണങ്ങളാണ് കഴിക്കേണ്ടത് എന്തൊക്കെയാണ് കഴിക്കാന്‍ പാടില്ലാത്തത് എന്നതിനെക്കുറിച്ച് കൃത്യമായി മനസ്സിലാക്കേണ്ടതാണ്. കഴിക്കേണ്ട ഭക്ഷണങ്ങള്‍ ഇവയെല്ലാമാണ്. പയര്‍, ബീന്‍സ്, നട്‌സ്, വിത്തുകള്‍, പരിപ്പ് എന്നിവയെല്ലാം കഴിക്കേണ്ടതാണ്. ഇവയെല്ലാം പ്രോട്ടീന്‍ അടങ്ങിയതാണ്. അതുകൊണ്ട് തന്നെ ഇത്തരം അവസ്ഥകളില്‍ ആരോഗ്യ സംരക്ഷണത്തിന് മികച്ചതാണ് നിങ്ങളുടെ ഈ ഭക്ഷണ ശീലങ്ങള്‍. ധാരാളം സസ്യങ്ങള്‍, പച്ചക്കറികള്‍, ധാന്യങ്ങള്‍ എന്നിവ സസ്യാഹാര ഭക്ഷണത്തിലെ പ്രധാന ഭാഗമാണ്.

വീഗന്‍സും വെജിറ്റേറിയന്‍സും

വെജിറ്റേറിയന്‍മാരും വീഗന്‍സും തമ്മിലുള്ള പ്രധാന വ്യത്യാസം പാല്‍ കഴിക്കാത്തതാണ്. വെജിറ്റേറിയന്‍മാര്‍ക്ക് തേന്‍, മുട്ട, മറ്റ് വെജിറ്റേറിയന്‍ ഭക്ഷണങ്ങള്‍ എല്ലാം തന്നെ കഴിക്കാന്‍ കഴിയും മാത്രമല്ല മാംസമോ കടല്‍ഭക്ഷണമോ കഴിക്കാന്‍ പാടില്ല എന്നുള്ളത് മാത്രമേ ഉള്ളൂ. മൃഗങ്ങളുടെ നിലനില്‍പ്പിന് ഭീഷണിയോ പരിസ്ഥിതിക്ക് അപകടകരമോ ആയ ഒന്നും സസ്യാഹാരികള്‍ കഴിക്കുന്നില്ല. എന്നാല്‍ വീഗനിസം പിന്തുടരുന്നവരാണെങ്കില്‍ ഇതൊന്നും കഴിക്കില്ല എന്നുള്ളത് തന്നെയാണ് കാര്യം.

വീഗന്‍ ഡയറ്റ് എങ്ങനെ ബാലന്‍സ് ചെയ്യാം?

വെജിറ്റേറിയന്‍ ഡയറ്റ് ഫോളോവേഴ്സിനെ അപേക്ഷിച്ച് ഇന്ത്യയില്‍ സസ്യാഹാരം എന്ന ആശയം പുതിയതാണ്. വിവിധ സര്‍വേകള്‍ പ്രകാരം ഏകദേശം 29% ഇന്ത്യക്കാരും സസ്യഭുക്കുകളാണ്, കൂടാതെ പോഷകാഹാരക്കുറവിന്റെ ലക്ഷണങ്ങള്‍ നമ്മുടെ രാജ്യത്തെ സസ്യാഹാരികളില്‍ കാണപ്പെടുന്നു. സസ്യങ്ങളെ അടിസ്ഥാനമാക്കിയുള്ള ഭക്ഷണം ആന്റി ഓക്‌സിഡന്റുകളും ഫൈറ്റോ പോഷകങ്ങളും നിറഞ്ഞതാണ്, അതേസമയം മൃഗങ്ങളില്‍ നിന്ന് ലഭിക്കുന്ന ഭക്ഷണത്തില്‍ പലപ്പോഴും ശരീരത്തില്‍ ഇന്‍ഫ്‌ളമേഷന്‍ അനുകൂലമായ കൊഴുപ്പുകള്‍ അടങ്ങിയിരിക്കുന്നു. വിറ്റാമിന്‍ ബി 12, വിറ്റാമിന്‍ ഡി, ഒമേഗ 3 ഫാറ്റി ആസിഡുകള്‍, അയോഡിന്‍, ഇരുമ്പ്, കാല്‍സ്യം, സിങ്ക് എന്നിവയുടെ അപര്യാപ്തത പലപ്പോഴും വീഗന്‍സില്‍ കാണപ്പെടുന്നുണ്ട്.

വീഗന്‍ ഡയറ്റ് എങ്ങനെ ബാലന്‍സ് ചെയ്യാം?

എന്നാല്‍ ഇവയെ പ്രതിരോധിക്കുന്നതിന് വേണ്ടി സസ്യാഹാരികള്‍ ഇരുമ്പിന്റെയും സിങ്കിന്റെയും അളവ് വര്‍ദ്ധിപ്പിക്കുന്നതിന് വേണ്ടി മുളപ്പിച്ച ഭക്ഷണവും ആവിയില്‍ വേവിച്ച ഭക്ഷണവും കഴിക്കാന്‍ ശ്രദ്ധിക്കണം. ചായയോ കാപ്പിയോ ഭക്ഷണത്തോടൊപ്പം ഒഴിവാക്കാം, ഇരുമ്പ് അടങ്ങിയ ഭക്ഷണങ്ങള്‍ വിറ്റാമിന്‍ സി ഉറവിടവുമായി സംയോജിപ്പിച്ച് കഴിക്കാന്‍ ശ്രദ്ധിക്കേണ്ടതാണ്. സസ്യാഹാരവും മുളപ്പിച്ച ബീന്‍സും അടങ്ങിയ ശരിയായ സമീകൃതാഹാരം ഒരു സസ്യാഹാരിയായിരിക്കുന്നതിന്റെ ആരോഗ്യഗുണങ്ങള്‍ നേടാന്‍ സഹായിക്കും.