എയ്ഡ്സ് പകരാത്ത വഴികള്‍ ഇതെല്ലാമാണ്,അറിഞ്ഞിരിക്കാം

ചുംബനവും സ്പര്‍ശനവും

പലപ്പോഴും നമുക്കിടയിൽ ഇന്നും നിലനിൽക്കുന്ന ഒരു തെറ്റിദ്ധാരണയാണ് ഇത്. ചുംബനത്തിലൂടെയും സ്പർശനത്തിലൂടേയും ഒരു കാരണവശാലും എയ്ഡ്സ് രോഗബാധിതനായ ഒരാളിൽ നിന്ന് മറ്റൊരാളിലേക്ക് പകരുകയില്ല. ഒന്ന് കെട്ടിപ്പിടിച്ചെന്നോ ഒരു ചുംബനം നൽകിയെന്നോ വെച്ച് എയ്ഡ്സ് പകരുന്നതിനുള്ള സാധ്യത വളരെ കുറവാണ്. എന്നാൽ രോഗബാധിതനായ ഒരാൾളെ ചുംബിക്കുമ്പോൾ ചുംബിക്കുന്ന വ്യക്തിയുടെ വായിലോ മറ്റോ അൾസർ പോലുള്ള അസ്വസ്ഥതകൾ ഉണ്ടെങ്കിൽ ചുംബിക്കുന്നത് ഒഴിവാക്കാൻ ശ്രദ്ധിക്കണം. എന്നാൽ തൊടുന്നതിലൂടെയോ കെട്ടിപ്പിടിക്കുന്നതിലൂടെയോ ഒരു കാരണവശാലും ഇത്തരം രോഗങ്ങൾ പകരുന്നില്ല.

റൂമിൽ ഒരുമിച്ച് താമസിക്കുന്നത്

പലപ്പോഴും എച്ച് ഐ വി പോസിറ്റീവ് ആയിട്ടുള്ളവരെ അകറ്റി നിർത്തുന്നതിനാണ് സമൂഹം ശ്രമിക്കുന്നത്. എന്നാൽ അവരോടൊപ്പം ഒരു റൂമിൽ കിടക്കുന്നത് കൊണ്ടോ ഒരേ ബാത്ത്റൂം തന്നെ ഉപയോഗിക്കുന്നത് കൊണ്ടോ ഒരിക്കലും നിങ്ങൾക്ക് രോഗം പിടിപെടണം എന്നില്ല. എന്നാൽ ശ്രദ്ധിക്കേണ്ടത് രോഗബാധിതരായവർ ഉപയോഗിക്കുന്ന ഷേവിംങ് റേസര്‍, ബ്ലേഡ് എന്നിവ ഉപയോഗിക്കാതിരിക്കുന്നതിനാണ്. ഇത്തരം കാര്യങ്ങളിൽ ശ്രദ്ധിച്ചാൽ മതി. അതുകൊണ്ട് ഒരു റൂമില്‍ താമസിക്കുന്നവർക്ക് എയ്ഡ്സ് വരുന്നതിനുള്ള സാധ്യതയില്ല.

ഭക്ഷണം പങ്ക് വെക്കുന്നത്

ഭക്ഷണം പങ്ക് വെക്കുന്നതിലൂടെ ഒരു കാരണവശാലും നിങ്ങള്‍ക്ക് രോഗം ബാധിക്കുന്നതിനുള്ള സാധ്യതയില്ല. മാത്രമല്ല അവർ ഉപയോഗിച്ച പാത്രം ഉപയോഗിച്ചാലോ ടവ്വൽ ഉപയോഗിച്ചാലോ ഒരു കാരണവശാലും നിങ്ങൾക്ക് രോഗം പിടികൂടുകയില്ല. എന്നാൽ രോഗബാധിതയായ അമ്മ കുഞ്ഞിന് ഭക്ഷണം കൊടുക്കാൻ നോക്കുമ്പോള്‍ അൽപം ശ്രദ്ധിക്കേണ്ടതാണ്. ശ്രദ്ധിക്കേണ്ടത് എന്താണെന്ന് വെച്ചാൽ അമ്മ ചവച്ച ഭക്ഷണം കുഞ്ഞിന് കൊടുക്കുമ്പോഴാണ് കൂടുതൽ ശ്രദ്ധ വേണ്ടത്.

കണ്ണീരും വിയർപ്പും

കണ്ണീരും വിയർപ്പും ഒരിക്കലും രോഗവാഹകരല്ല. രോഗബാധിതനായ വ്യക്തിയുടെ കണ്ണീരും വിയർപ്പും മറ്റൊരാളിലേക്ക് ഒരു കാരണവശാലും രോഗം പരത്തുന്നില്ല. എന്ന് മാത്രമല്ല ഇത് ഒരു തരത്തിലുള്ള പ്രശ്നങ്ങളും രോഗബാധിതരായവരിൽ ഉണ്ടാക്കുന്നുമില്ല. ഉമിനീര് രോഗം പരത്തുന്നുണ്ട് എന്നൊരു വിശ്വാസവും ഉണ്ട്. നിങ്ങളുടെ ഉമിനീർ വായിലെ മുറിവിലെ രക്തവുമായി ചേരുന്നുണ്ടെങ്കിൽ അത് അൽപം ശ്രദ്ധിക്കേണ്ടതാണ്. ഇത്തരം കാര്യങ്ങൾ വളരെയധികം ശ്രദ്ധിക്കണം.

കൊതുക് കടിക്കുന്നത്

കൊതുക് കടിക്കുന്നതിലൂടെ രോഗവാഹകരായ ആളുകളുടെ ശരീരത്തിൽ നിന്നുള്ള രക്തം മറ്റൊരാളുടെ ശരീരത്തിലേക്ക് കൊതുക് കടി വഴി പകരുന്നുണ്ട് എന്നാണ് വിചാരിക്കുന്നത്. എന്നാൽ കൊതുക് കടിക്കുന്നത് പലപ്പോഴും ഇത്തരം രോഗം പരത്തുന്നതിന് കാരണമാകുന്നില്ല. ഇത്തരം കാരണങ്ങൾ എല്ലാം തന്നെ ഒരു കാരണവശാലും നിങ്ങളിൽ എയ്ഡ്സ് പരത്തുന്നില്ല.