കീമോതെറാപ്പി പാര്‍ശ്വഫലത്തിന് ചക്കപ്പൊടി പരിഹാരം

പ്രമേഹത്തിന്

പ്രമേഹത്തിന് പറ്റിയ നല്ലൊരു പരിഹാരമാണ് പച്ചച്ചക്ക. ഇതു പോലെ തടി കുറയ്ക്കാനും. പച്ചച്ചക്ക ഒരു കപ്പില്‍ 115 കലോറിയാണുളളത്. എന്നാല്‍ ഒരു കപ്പു ചോറില്‍ 185 കലോറിയാണ് ഉള്ളത്. ഇതിലെ സ്റ്റാര്‍ച്ച് തീരെ കുറവാണ്. ഏതാണ്ടു നാല്‍പതു ശതമാനത്തോളം. നാരുകളുടെ അളവ് ഇതില്‍ ഏറെ ഇരട്ടിയാണ്. ഗ്ലൈസമിക് ലോഡ്, അതായത് ഭക്ഷണം കഴിച്ചാല്‍ രണ്ടു മണിക്കൂറില്‍ ഷുഗര്‍ കൂടന്നത് ഇതില്‍ കുറവാണ്. ഇത് ഒരു കപ്പു ചോറില്‍ 28 ആണെങ്കില്‍ ഇത് ഒരു കപ്പു പച്ചച്ചക്കയില്‍ ഇത് 17 മാത്രമാണ്. ഇതെല്ലാം തന്നെ പ്രമേഹത്തിന് പച്ചച്ചക്ക നല്ല പരിഹാരമാണെന്നതിന്റെ തെളിവാണ്.

ചപ്പാത്തിയ്ക്കു പകരവും

ചോറിനു മാത്രമല്ല, ചപ്പാത്തിയ്ക്കു പകരവും ഇതുപയോഗിയ്ക്കാം. ചപ്പാത്തിയിലെ ഗ്ലൈസമിക് ഇന്‍ഡക്‌സിനേക്കാള്‍ കുറവാണ് പച്ചച്ചക്കയിലുള്ളത്. ഇതുപയോഗിച്ചാല്‍ 40 ശതമാനം കുറവാണ്

ചക്ക

ചക്ക ഒരു ഫലമല്ല, കായാണ്. ഇതിന്റെ പേരില്‍ തന്നെയുണ്ട്, ക എന്നത്. ഇതൊരു പച്ചക്കറിയുടെ ഗുണത്തില്‍ പെടുത്താം. അരിയ്ക്കും ഗോതമ്പിനും പകരം ഉപയോഗിയ്ക്കാവുന്ന നല്ലൊരു പച്ചക്കറിയാണിത്. മറ്റ് ഏതു പച്ചക്കറിയും ചോറിനോ ചപ്പാത്തിയ്‌ക്കോ പകരം ആകില്ല, എന്നാല്‍ ചക്കപ്പുഴുക്കു കഴിച്ചു നോക്കൂ. ചക്ക ഉപ്പേരിയാക്കി കഴിച്ചു നോക്കൂ. ചോറോ ചപ്പാത്തിയോ കഴിച്ചതു പോലെയുള്ള തോന്നലുണ്ടാകും. വയര്‍ നിറയും.

അരിപ്പൊടിയും ഗോതമ്പു പൊടിയും

അരിപ്പൊടിയും ഗോതമ്പു പൊടിയും പോലെയുളള ഒരു മാവാണ് പച്ചച്ചക്കപ്പൊടിയായി വരുന്നത്. ഇത് ദോശ, ഇഡ്ഢലി, ചപ്പാത്തി, പുട്ട്, ഓട്‌സ് എന്നിവയ്‌ക്കൊപ്പമെല്ലാം ഉപയോഗിയ്ക്കാം. രണ്ടു കപ്പില്‍ ഒരു കപ്പു ചേര്‍ത്ത് ഉപയോഗിയ്ക്കാം. അതായത് മാവ് രണ്ടു കപ്പുപയോഗിയ്ക്കുമ്പോള്‍ ഒരു കപ്പ് പച്ചക്കറിയാണ് ഉപയോഗിയ്ക്കുന്നത്.

കീമോതെറാപ്പിയുടെ സൈഡ് ഇഫക്ടുകള്‍

കീമോതെറാപ്പിയുടെ സൈഡ് ഇഫക്ടുകള്‍ കുറയ്ക്കാന്‍ സഹായിക്കുന്ന ഒന്നു കൂടിയാണ് പച്ചച്ചക്കപ്പൊടി അഥവാ പച്ചച്ചക്ക. ഇതു സ്ഥിരമായി കഴിയിക്കുന്നവര്‍ക്ക് ക്യാന്‍സര്‍ രോഗങ്ങള്‍ക്കുള്ള കീമോതെറാപ്പിയുടെ പാര്‍ശ്വഫലങ്ങള്‍ കുറയ്ക്കുവാന്‍ ഇത് സഹായിക്കുമെന്നാണ് ഇതു വരെയുള്ള ഗവേഷണങ്ങള്‍ പറയുന്നത്.

ക്യാന്‍സറിനെതിരെയുള്ള

മാത്രമല്ല, ക്യാന്‍സറിനെതിരെയുള്ള ഒന്നു കൂടിയാണ് പച്ചച്ചക്ക. ഇതിലെ ആന്റിഓക്‌സിഡന്റുകളാണ് ഈ ഗുണം നല്‍കുന്നത്. ഇതിലെ മഹാനിംബിന്‍ എന്ന ഘടകമാണ് ഈ പ്രത്യേക ഗുണം നല്‍കുന്നത്. ക്യാന്‍സറിനെ തടയാന്‍ നമ്മുടെ പച്ചച്ചക്ക ഫലപ്രദമാണെന്നു വേണം, പറയുവാന്‍