കൊവിഡ് വാക്‌സിന് ശേഷം ഹൃദയാരോഗ്യം ഇങ്ങനെയെല്ലാം

Published: Thursday, September 9, 2021, 15:10 [IST]

കൊവിഡ് വാക്‌സിന്‍ എടുക്കേണ്ടതിന്റെ ആവശ്യകതയെപ്പറ്റി നാമെല്ലാവരും പറഞ്ഞു കേട്ടു. എന്നാല്‍ വാക്‌സിന്‍ എടുക്കുമ്പോള്‍ നമ്മള്‍ ശ്രദ്ധിക്കേണ്ടതായ ചില കാര്യങ്ങള്‍ ഉണ്ട്. അതിലുപരി ആരെല്ലാം വാക്‌സിന്‍ എടുക്കണം, ആരെല്ലാം വാക്‌സിന്‍ എടുക്കരുത്, വാക്‌സിന്‍ എടുക്കുമ്പോള്‍ എന്തൊക്കെ മുന്‍കരുതലുകള്‍ ഉണ്ടായിരിക്കണം എന്നുള്ളത് പ്രധാനപ്പെട്ടതാണ്. കൊവിഡ് ഒരു പ്രദേശത്തെ മാത്രമല്ല ലോകത്തെയാകെയാണ് ബാധിച്ചിരിക്കുന്നത്. എന്നാല്‍ അതിസങ്കീര്‍ണമാകുന്നത് പലപ്പോഴും ഗുരുതരമായ രോഗാവസ്ഥകള്‍ ഉള്ളവരിലാണ്. അതുകൊണ്ട് തന്നെ വളരെയധികം ശ്രദ്ധിക്കേണ്ടതാണ്. വിട്ടുമാറാത്ത രോഗങ്ങളുള്ള ആളുകള്‍ക്ക് വൈറസ് കൂടുതല്‍ കഠിനവും അപകടകരവുമാണ്. കൂടാതെ, കോവിഡ് -19, ഹൃദയസംബന്ധമായ പ്രശ്‌നങ്ങള്‍ കൂടിച്ചേരുന്നത് കൂടുതല്‍ അപകടകരമാണെന്ന് തെളിയിക്കപ്പെട്ടിട്ടുണ്ട്.

പാന്‍ഡെമിക് സമയത്ത് ഹൃദയ സംബന്ധമായ അസുഖങ്ങളാല്‍ ബുദ്ധിമുട്ടുന്ന ആളുകള്‍ക്ക് ഇത് കൂടുതല്‍ അപകടമാണ് ഉണ്ടാക്കിയത്. അതുകൊണ്ട് തന്നെ വളരെയധികം ശ്രദ്ധിക്കേണ്ടതായി വരുന്നുണ്ട്. ഇത് പലപ്പോഴും മരണ നിരക്ക് വര്‍ദ്ധിപ്പിക്കുകയും മരണ നിരക്കില്‍ വര്‍ദ്ധനവ് ഉണ്ടാക്കുകയും ചെയ്തു. പെട്ടെന്നുള്ള മരണങ്ങളുടെയും കടുത്ത അണുബാധകളുടെയും ഭീതിയിലാണ് ഹൃദ്രോഗികള്‍ ജീവിക്കുന്നത്. കഴിഞ്ഞ ഒരു വര്‍ഷത്തിനിടയില്‍, കോവിഡ് അണുബാധയ്ക്ക് ശേഷം ഹൃദയാഘാതം മൂലമുള്ള മരണങ്ങളുടെ എണ്ണത്തില്‍ വര്‍ദ്ധനവ് ഉണ്ടായി. രണ്ടാം തരംഗത്തിനിടയില്‍, ഏറ്റവും സാധാരണമായ അനന്തരഫലങ്ങളിലൊന്ന് കോവിഡിന് ശേഷമുള്ള ഹൃദയസ്തംഭനം മൂലമുണ്ടായ പെട്ടെന്നുള്ള മരണങ്ങള്‍. അതിനാല്‍, ഹൃദ്രോഗങ്ങളുടെ ചരിത്രമുള്ള ആളുകള്‍ സ്വയം പ്രതിരോധ കുത്തിവയ്പ്പ് എടുക്കാന്‍ ശ്രദ്ധിക്കേണ്ടതാണ്.

തെറ്റിദ്ധാരണകള്‍ മാറ്റേണ്ടത്

കോവിഡ് -19 വാക്‌സിനുകളെ ചുറ്റിപ്പറ്റിയുള്ള കെട്ടുകഥകളിലും തെറ്റിദ്ധാരണകളിലും ആളുകള്‍ വിശ്വസിക്കുന്നുണ്ടെങ്കിലും, പ്രത്യേകിച്ച് ഹൃദ്രോഗികള്‍ വാക്‌സിന്‍ ഷോട്ട് എടുക്കേണ്ടത് പ്രധാനമാണ്. അതിലൂടെ അത് ആരോഗ്യത്തിന് വെല്ലുവിളി ഉയര്‍ത്തുന്ന അവസ്ഥകളെ പ്രതിരോധിക്കുന്നതിന് സഹായിക്കുന്നുണ്ട്. ആരോഗ്യ പ്രശ്‌നങ്ങള്‍ വര്‍ദ്ധിപ്പിക്കുന്ന അവസ്ഥയില്‍ കൊവിഡ് 19 വാക്‌സിന്‍ ഹൃദയ സംബന്ധമായ പ്രശ്‌നങ്ങള്‍ ഉള്ളവരില്‍ സുരക്ഷിതമാണോ എന്നുള്ളത് അറിഞ്ഞിരിക്കേണ്ടതാണ്. ഇതിനെക്കുറിച്ചും വാക്‌സിന്‍ എടുക്കാതിരുന്നാല്‍ ഉള്ള അപകടാവസ്ഥയെക്കുറിച്ചും നമുക്ക് നോക്കാവുന്നതാണ്. ഇതിനെക്കുറിച്ച് കൂടുതല്‍ അറിയുന്നതിന് ഈ ലേഖനം നിങ്ങളെ സഹായിക്കുന്നുണ്ട്.

പ്രതിരോധ കുത്തിവെയ്പ്പിന്റെ പാര്‍ശ്വഫലങ്ങള്‍വെയ്പ്പിന്റെ പാര്‍ശ്വഫലങ്ങള്‍

കോവിഡ് -19 പ്രതിരോധ കുത്തിവയ്പ്പുകളുടെ ചില സുരക്ഷാ ആശങ്കകള്‍ അല്ലെങ്കില്‍ പ്രതികൂല പ്രതികരണങ്ങള്‍ നിലനില്‍ക്കുന്നത് എന്തൊക്കെയെന്ന് നമുക്ക് നോക്കാവുന്നതാണ്. ഗില്ലന്‍-ബാരെ സിന്‍ഡ്രോം, വര്‍ദ്ധിച്ച രക്തം കട്ടപിടിക്കല്‍, മയോകാര്‍ഡിറ്റിസ് (ഹൃദയപേശികളുടെ വീക്കം) അല്ലെങ്കില്‍ അനാഫൈലക്‌സിസ് (ഒരു ആന്റിജനുമായുള്ള കടുത്ത അലര്‍ജി പ്രതികരണം) എന്നിവയാണ്. എന്നിരുന്നാലും മുകളില്‍ സൂചിപ്പിച്ച പാര്‍ശ്വഫലങ്ങളില്‍ ഭൂരിഭാഗവും വാക്‌സിനേഷന്‍ കഴിഞ്ഞ് ആഴ്ചകള്‍ക്കുള്ളില്‍ പ്രത്യക്ഷപ്പെടാറുണ്ട് എന്നതാണ്. ഇത്തരം കാര്യങ്ങള്‍ കൂടുതല്‍ ശ്രദ്ധിക്കണം. വാക്‌സിന്‍ എടുത്തതിന് ശേഷം എന്തെങ്കിലും തരത്തിലുള്ള അസ്വസ്ഥതകള്‍ തോന്നിയാല്‍ അതിന് കൃത്യസമയത്ത് രോഗനിര്‍ണയം നടത്തിയാല്‍ അവ നന്നായി കൈകാര്യം ചെയ്യാന്‍ കഴിയും എന്നതാണ് സത്യം.

പാര്‍ശ്വഫലങ്ങള്‍ കുറവ്

എന്നാല്‍ വാക്‌സിനുകളുമായി ബന്ധപ്പെട്ട ഗുരുതരമായ പാര്‍ശ്വഫലങ്ങള്‍ സാധാരണ ജനസംഖ്യയിലുടനീളം റിപ്പോര്‍ട്ട് ചെയ്യപ്പെട്ട ശരാശരിയേക്കാള്‍ കുറവാണ്. ഉദാഹരണത്തിന്, ഗുലിയന്‍-ബാരെ സിന്‍ഡ്രോം വികസിപ്പിക്കാനുള്ള സാധ്യത വാക്‌സിനുകളുമായി താരതമ്യപ്പെടുത്തുമ്പോള്‍ പൊതുവായ അണുബാധയേക്കാള്‍ 17 മടങ്ങ് കൂടുതലാണ്. എന്നാല്‍ ഇതെല്ലാം വളരെ അസാധാരണമായി മാത്രം സംഭവിക്കുന്ന ഒന്നാണ്. അതുകൊണ്ട് തന്നെ ഇത്തരം കാര്യങ്ങള്‍ എന്തെങ്കിലും തരത്തിലുള്ള പ്രശ്‌നങ്ങള്‍ ഉണ്ടാക്കുന്നുണ്ടെങ്കില്‍ കൂടുതല്‍ ശ്രദ്ധിക്കണം.

കൊവിഡ് വാക്‌സിന്‍ സുരക്ഷിതമോ?

കോവിഡ് -19 വാക്‌സിനുകള്‍ ഹൃദ്രോഗമുള്ള ആളുകള്‍ക്ക് മാത്രമല്ല, അവ വളരെ പ്രധാനപ്പെട്ടതാണെന്നും റിപ്പോര്‍ട്ടുകള്‍ സൂചിപ്പിക്കുന്നു. വളര്‍ന്നുവരുന്ന വേരിയന്റുകളുടെ അപകടസാധ്യത വര്‍ദ്ധിക്കുന്ന ഒരു ഘട്ടത്തിലാണ് ഇപ്പോള്‍ നമ്മളുള്ളത്. നമുക്കിടയില്‍ രോഗപ്രതിരോധ ശേഷി കുറഞ്ഞ ഒരാളാണെങ്കില്‍ അവര്‍ എത്രയും വേഗം വാക്‌സിന്‍ ഷോട്ടുകള്‍ പൂര്‍ത്തിയാക്കേണ്ടതാണ്. അല്ലാത്ത പക്ഷം അത് കൂടുതല്‍ അപകടത്തിലേക്കും മരണത്തിലേക്കും അയാളെ തള്ളിവിടും എന്ന കാര്യത്തില്‍ സംശയം വേണ്ട. ഇത്തരം അവസ്ഥയില്‍ കൂടുതല്‍ ശ്രദ്ധിക്കേണ്ടതാണ്. വാക്‌സിന്‍ ലഭ്യത അനുസരിച്ച് ഉടനേ തന്നെ വാക്‌സിന്‍ എടുക്കുന്നതിന് ശ്രദ്ധിക്കണം.

സുരക്ഷിതം പ്രതിരോധ കുത്തിവെപ്പ്

സുരക്ഷയെക്കുറിച്ച് ഇപ്പോഴും ആശങ്കയുണ്ടെങ്കില്‍, ആരോഗ്യവകുപ്പ് നിര്‍ദ്ദേശിച്ച എല്ലാ പ്രായക്കാര്‍ക്കും പ്രതിരോധ കുത്തിവയ്പ്പുകള്‍ സുരക്ഷിതമാണെത് അറിഞ്ഞിരിക്കണം. യോഗ്യതാ മാനദണ്ഡങ്ങള്‍ പാലിക്കുന്ന എല്ലാവരും അവരുടെ പ്രതിരോധ കുത്തിവയ്പ്പുകള്‍ എടുക്കണമെന്ന് അഭ്യര്‍ത്ഥിച്ചു. ഹൃദയ സംബന്ധമായ അപകട ഘടകങ്ങള്‍, ഹൃദ്രോഗങ്ങള്‍, ഹൃദയാഘാതം, പക്ഷാഘാതത്തെ അതിജീവിച്ചവര്‍ എന്നിവര്‍ക്ക് വാക്‌സിനേക്കാള്‍ വൈറസില്‍ നിന്ന് കൂടുതല്‍ അപകടസാധ്യതയുള്ളതിനാല്‍ എത്രയും വേഗം പ്രതിരോധ കുത്തിവയ്പ്പ് എടുക്കാന്‍ ഈ അടുത്തിറക്കിയ പ്രസ്താവനയില്‍ പറയുന്നുണ്ട്. ഇത്തരം കാര്യങ്ങള്‍ എല്ലാം തന്നെ അതുകൊണ്ട് വളരെയധികം ശ്രദ്ധിക്കണം.

പൊതുവായ പാര്‍ശ്വഫലങ്ങള്‍

എന്ത് തന്നെയായാലും വാക്‌സിനേഷനുശേഷം ശ്രദ്ധിക്കേണ്ട ചില പൊതുവായ ഫലങ്ങള്‍ ഉണ്ട്. ഇവയില്‍ പനി, ക്ഷീണം, തലവേദന, സന്ധി വേദന എന്നിവയാണ് പ്രധാനമായിട്ട് ഉള്ളത്. കൂടാതെ, ഇഞ്ചക്ഷന്‍ എടുത്ത സ്ഥലത്ത് വേദനയും കണ്ടേക്കാം. ഒരു വ്യക്തി ആരോഗ്യവാനാണെങ്കിലും അല്ലെങ്കില്‍ മുമ്പുണ്ടായിരുന്ന ഹൃദയ സംബന്ധമായ അസുഖമുള്ള ആളാണെങ്കിലും, വാക്‌സിനില്‍ നിന്നുള്ള ഈ പാര്‍ശ്വഫലങ്ങള്‍ എല്ലാവരിലും ഒരുപോലെയായിരിക്കും. ഒരു ഹൃദ്രോഗിയെന്ന നിലയില്‍, ലക്ഷണങ്ങള്‍ മറ്റുള്ളവരില്‍ നിന്ന് വ്യത്യസ്തമാകില്ല. എന്നിരുന്നാലും, എല്ലായ്‌പ്പോഴും നിങ്ങളുടെ ഡോക്ടറെ സമീപിക്കുന്നതിനും തുടര്‍ച്ചയായ ചെക്ക് പോസ്റ്റ് വാക്‌സിനേഷന്‍ നടത്തുന്നതിനും ശ്രദ്ധിക്കേണ്ടതാണ്.

രോഗവും ഹൃദ്രോഗവും

എന്നാല്‍ ആരോഗ്യവാനായ വ്യക്തിയാണെങ്കിലും ഹൃദയ സംബന്ധമായ പ്രശ്‌നങ്ങള്‍ ഉള്ള വ്യക്തിയാണെങ്കിലും അയാള്‍ വാക്‌സിന്‍ എടുക്കുന്നത് വൈറസില്‍ നിന്ന് പ്രതിരോധം തീര്‍ക്കുന്നു. ഇത് കൂടാതെ ഇടക്കിടെയുള്ള ആശുപത്രി സന്ദര്‍ശനത്തില്‍ നിന്ന് അയാളെ പ്രതിരോധിക്കുന്നതിനും ഇതിലൂടെ സാധിക്കുന്നുണ്ട്. എന്നിരുന്നാലും, പുതിയ വേരിയന്റുകളുടെ ആവിര്‍ഭാവത്തോടെ നിലവിലെ കാലഘട്ടത്തില്‍ രോഗബാധ ഒരു ഭീഷണയായി തന്നെ തുടരുകയാണ്. അതിനാല്‍, ശാരീരിക അകലം, മാസ്‌ക് ധരിക്കുക, കൈ ശുചിത്വം പാലിക്കുക, വീട്ടില്‍ തുടരുക എന്നിവ വളരെ പ്രധാനമാണ്.