For Quick Alerts
ALLOW NOTIFICATIONS  
For Daily Alerts

ചില രോഗങ്ങൾ പുരുഷനില്‍ ഗുരുതരം;സ്ത്രീകളിൽ നിസ്സാരം

|

ആരോഗ്യ സംരക്ഷണത്തിന് വളരെയധികം പ്രാധാന്യം നൽകുന്നവരാണ് ഓരോരുത്തരും. രോഗങ്ങൾ വര്‍ദ്ധിച്ച് കൊണ്ടിരിക്കുന്ന അവസ്ഥയാണ് ഇന്നുള്ളത്. സ്ത്രീകളായാലും പുരുഷന്‍മാരായാലും ആരോഗ്യ കാര്യത്തിൽ വളരെയധികം ശ്രദ്ധ ചെലുത്തേണ്ട ഒരു കാലമാണ് ഇന്നുള്ളത്. എന്നാൽ പലപ്പോഴും അശ്രദ്ധ മൂലം ഉണ്ടാവുന്ന ആരോഗ്യ പ്രശ്നങ്ങൾ നിങ്ങളിൽ വളരെയധികം വെല്ലുവിളികൾ ഉയർത്തുന്നുണ്ട്. സ്ത്രീകളെ അപേക്ഷിച്ച് രോഗങ്ങൾ ബാധിക്കുന്നതിനുള്ള സാധ്യത പുരുഷന്‍മാരിലാണ് ഏറ്റവും കൂടുതലുള്ളത്. അതുകൊണ്ട് തന്നെ ഇത്തരം അവസ്ഥകളെ ഇല്ലാതാക്കുന്നതിന് വേണ്ടിയാണ് ആദ്യം ശ്രദ്ധിക്കേണ്ടത്.

Most read:മല്ലിയില രാത്രി വെള്ളത്തിലിട്ട് രാവിലെ കുടിക്കാം

പുരുഷനും സ്ത്രീക്കും പല വിധത്തിലുള്ള ആരോഗ്യ അസ്വസ്ഥതകൾ ഉണ്ടാവുന്നുണ്ട്. എന്നാൽ സ്ത്രീകളേയും പുരുഷൻമാരേയും ആരോഗ്യപ്രശ്നങ്ങൾ എങ്ങനെ ബാധിക്കുന്നുണ്ട് എന്ന് നോക്കാവുന്നതാണ്. ആരോഗ്യ സംരക്ഷണത്തിന്‍റെ കാര്യത്തില്‍ അല്പ‍ം ശ്രദ്ധിച്ചാൽ മതി. ഇത് നിങ്ങളെ എങ്ങനെയെല്ലാം ബാധിക്കുന്നുണ്ട് എന്ന് നോക്കാം. സ്ത്രീകളേയും പുരുഷൻമാരേയും വ്യത്യസ്ത തരത്തിൽ ബാധിക്കുന്ന ആരോഗ്യാവസ്ഥകൾ എന്തൊക്കെയെന്ന് നമുക്ക് നോക്കാം

മുടി കൊഴിച്ചിൽ

മുടി കൊഴിച്ചിൽ

പ്രായമാകുമ്പോൾ സ്ത്രീകളേക്കാൾ പുരുഷന്മാർക്ക് മുടി കൊഴിയാനുള്ള സാധ്യത കൂടുതലാണ്. പുരുഷന്മാർക്ക് ഒരേ രീതിയിൽ ആണ് മുടി നഷ്ടപ്പെടുന്നത്. ഇത് പിന്നീട് കഷണ്ടിയായി മാറുന്നതിനുള്ള സാധ്യത വളരെ കൂടുതലാണ്. പുരുഷന്മാരുടെ ടെസ്റ്റോസ്റ്റിറോൺ അവരുടെ മുടിയിൽ വലിയ സ്വാധീനം ചെലുത്തുന്നതിനാൽ ആണ് ഇത്തരത്തിൽ സംഭവിക്കുന്നത്. ടെസ്റ്റോസ്റ്റിറോൺ ഡിഹൈഡ്രോട്ടെസ്റ്റോസ്റ്റിറോണായി പരിവർത്തനം ചെയ്യപ്പെടുന്നു ഇത് പുരുഷൻമാരിൽ മുടി ചെറുതും നേർത്തതുമാകാൻ കാരണമാകുന്നുണ്ട്. മാത്രമല്ല പുരുഷന്മാരുടെ മുടി കൊഴിച്ചിൽ അവരുടെ ഇരുപതുകളിൽ ആരംഭിക്കാം. സ്ത്രീകളെ സംബന്ധിച്ചിടത്തോളം, അവരുടെ 50 അല്ലെങ്കിൽ 60 വയസ് വരെ വലിയ തോതിൽ ഉള്ള പൂർണമായ മുടി കൊഴിച്ചിലിനുള്ള സാധ്യത കുറവാണ്.

മുഖക്കുരു

മുഖക്കുരു

സ്ത്രീകളിൽ ഹോർമോൺ അളവ് തകരാറിലായതിനാൽ അവരുടെ ആർത്തവ സമയത്തും ആർത്തവവിരാമത്തിലും കൂടുതൽ മുഖക്കുരു അനുഭവിക്കുന്നു. സ്ത്രീകൾക്കും പുരുഷൻമാർക്കും കുട്ടിക്കാലം മുതൽ പ്രായപൂർത്തിയാകും വരെ മുഖക്കുരു ഉണ്ടാകാം, എന്നാൽ പുരുഷന്മാരിൽ കൂടുതൽ സെബം ഉൽ‌പാദിപ്പിക്കപ്പെടുമ്പോൾ സാധാരണയായി നീണ്ടുനിൽക്കും. അതുകൊണ്ട് സ്ത്രീകളേക്കാൾ പലപ്പോഴും മുഖക്കുരു ബാധിക്കുന്നത് പുരുഷൻമാരെയാണ് എന്നുള്ളതാണ് സത്യം.

ഓസ്റ്റിയോപൊറോസിസ്

ഓസ്റ്റിയോപൊറോസിസ്

ഓസ്റ്റിയോപൊറോസിസ് സ്ത്രീകളേയും പുരുഷൻമാരേയും ഒരു പോലെ ബാധിക്കുന്നുണ്ട്. എന്നാൽ പുരുഷന്മാരേക്കാൾ സ്ത്രീകൾക്ക് ഓസ്റ്റിയോപൊറോസിസ് ഉണ്ടാകാനുള്ള സാധ്യത 4 മടങ്ങ് കൂടുതലാണ്. 50 വയസ്സിനു മുകളിലുള്ള സ്ത്രീകളിലാണ് ഈ അവസ്ഥ കൂടുതലായി കാണപ്പെടുന്നത്. സ്ത്രീകളുടെ അസ്ഥികൾ ഭാരം കുറഞ്ഞതും കനംകുറഞ്ഞതുമായതിനാലാണ് ഇത് സംഭവിക്കുന്നത്. അതുകൊണ്ട് പുരുഷൻമാരേക്കാൾ സ്ത്രീകളിലാണ് ഈ അവസ്ഥ കൂടുതലുള്ളത് എന്ന കാര്യം ആദ്യം തിരിച്ചറിയേണ്ടതാണ്.

 പക്ഷാഘാതം

പക്ഷാഘാതം

പുരുഷന്മാരേക്കാൾ 55,000-ല്‍ അധികം സ്ത്രീകൾക്ക് പക്ഷാഘാതം ഉണ്ടാവുന്നതിനുള്ള സാധ്യതയുണ്ട്. ഓരോ വർഷവും പുരുഷന്മാരേക്കാൾ കൂടുതൽ സ്ത്രീകൾ പക്ഷാഘാതം മൂലം മരിക്കുന്നു. പുരുഷന്മാർക്കും സ്ത്രീകൾക്കും ഒരേ സ്ട്രോക്ക് ലക്ഷണങ്ങൾ അനുഭവപ്പെടുന്നുണ്ടെങ്കിലും, സ്ത്രീകൾക്ക് അധികവും വ്യത്യസ്തവുമായ ലക്ഷണങ്ങൾ അനുഭവപ്പെടാം. അവയില്‍ശ്വസിക്കാൻ ബുദ്ധിമുട്ട്, ഓർമ്മ നഷ്ടപ്പെടുക, ബോധക്ഷയം, ഛർദ്ദി എന്നിവയാണ് പ്രധാന ലക്ഷണങ്ങൾ.

 ഹൃദയാഘാതം

ഹൃദയാഘാതം

സ്ത്രീകളിലും പുരുഷൻമാരിലും ഹൃദയാഘാതം ഉണ്ടാകുമ്പോൾ നെഞ്ചിൽ ഒരു വലിയ കനം ഇരിക്കുന്നതായി തോന്നും. നെഞ്ചിലെ സമ്മർദ്ദം ഇവർക്ക് വളരെയധികം തീവ്രമായി തന്നെ അനുഭവപ്പെടുന്നു. പക്ഷേ ഇത്തരം ലക്ഷണങ്ങൾ ഇല്ലാതേയും സ്ത്രീകൾക്ക് ഹൃദയാഘാതം ഉണ്ടാകാം. അതിന് പകരം, താഴത്തെ നെഞ്ചിലോ മുകളിലെ വയറിലോ സമ്മർദ്ദം അല്ലെങ്കിൽ വേദന, ശ്വാസം മുട്ടൽ, തലകറക്കം, ബോധക്ഷയം, കടുത്ത ക്ഷീണം എന്നിവ അവർക്ക് അനുഭവപ്പെടാം. എന്നാൽ പുരുഷൻമാരിൽ പെട്ടെന്ന് തോളിനോട് ചേർന്ന വേദനയായിരിക്കും ഉണ്ടാവുന്നത്.

ഉത്കണ്ഠയും സമ്മർദ്ദവും

ഉത്കണ്ഠയും സമ്മർദ്ദവും

പുരുഷന്മാരേക്കാൾ കൂടുതൽ സ്ത്രീകൾക്ക് വിഷാദവും ഉത്കണ്ഠയും ഉണ്ടാവുന്നുണ്ട്. എന്നാൽ ഒരു പരിധി വരെ ഇതിന് കാരണം പുരുഷൻമാർ തന്നെയായിരിക്കും. കാരണം പുരുഷന്മാർ പൊതുവെ ഇഷ്ടപ്പെടാത്ത കാര്യങ്ങൾ സ്ത്രീകൾ അനുഭവിക്കുന്നു, ഉദാഹരണത്തിന്: ലിംഗാധിഷ്ഠിത ലംഘനങ്ങൾ, സാമൂഹിക-സാമ്പത്തിക പോരായ്മകൾ, അസമത്വം, തുല്യത ഇല്ലാത്തത്. പുരുഷന്മാർക്ക് ഒരിക്കലും അനുഭവപ്പെടാത്ത തരത്തിലുള്ള വിഷാദരോഗവും സ്ത്രീകളിലുണ്ട്. ഉദാഹരണത്തിന്, ഗർഭാവസ്ഥയിൽ, പ്രസവാനന്തര കാലഘട്ടം, പെരിമെനോപോസ്, ആർത്തവചക്രം എന്നീ സമയങ്ങളിൽ ഉണ്ടാവുന്ന പ്രശ്നങ്ങൾ.

മൂത്രാശയ അണുബാധ

മൂത്രാശയ അണുബാധ

പുരുഷന്മാരേക്കാൾ സ്ത്രീകളിലാണ് മൂത്രാശയ അണുബാധ (യുടിഐ) കൂടുതലായി കാണപ്പെടുന്നത്, കാരണം സ്ത്രീകളുടെ മൂത്രനാളി ചെറുതും ബാക്ടീരിയകൾക്ക് വളരെ കുറച്ച് ദൂരം സഞ്ചരിക്കാൻ സാധിക്കുന്നതുമാണ്. എന്നാൽ പുരുഷന്മാരിൽ ഈ അവസ്ഥ കൂടുതൽ സങ്കീർണ്ണമാണ്, കാരണം അണുബാധ പലപ്പോഴും ബാക്ടീരിയയേക്കാൾ മൂത്രത്തിന്റെ ഒഴുക്കിനെ തടയുന്നു. അതുകൊണ്ട് തന്നെ പുരുഷൻമാരിൽ ഇത് ഗുരുതരമായാല്‍ അതുണ്ടാക്കുന്ന അസ്വസ്ഥതകൾ വളരെ കൂടുതലാണ്.

English summary

Diseases That Affect Men and Women Differently

Here in this article we are discussing about the disease that affect men and women differently. Take a look.
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more
X