വണ്ണം കുറയാനും നിറം വയ്ക്കാനും ഈ പ്രത്യേക ജ്യൂസ്

നെല്ലിക്കാ ജ്യൂസും മഞ്ഞളും

നെല്ലിക്കാ ജ്യൂസും മഞ്ഞളും കലര്‍ത്തിയാണ് തടിയും വയറും കുറയാനും നിറം വര്‍ദ്ധിയ്ക്കാനുമുള്ള ഈ പ്രത്യേക മിശ്രിതം തയ്യാറാക്കുന്നത്. നാലോ അഞ്ചോ നെല്ലിക്ക ചെറിയ കഷ്ണങ്ങളാക്കി കുരു കളഞ്ഞ് മിക്‌സിയില്‍ അല്‍പം വെള്ളം ചേര്‍ത്ത് ജ്യൂസാക്കി അടിച്ചെടുക്കുക. പച്ചമഞ്ഞള്‍ ആണ് ഉപയോഗിയ്ക്കുന്നതെങ്കില്‍ ഇതിനൊപ്പം ഒരു കഷ്ണം ചേര്‍ത്ത് അരയ്ക്കാം. ഇത് പീന്നീട് ഊറ്റിയെടുത്തു കുടിയ്ക്കാം.

നെല്ലിക്ക

നെല്ലിക്ക തനിയെ ജ്യൂസാക്കി അടിച്ചെടുത്താന്‍ ഇതില്‍ 3-4 ടേബിള്‍ സ്പൂണ്‍ എടുത്ത് അര ഗ്ലാസ് ഇളംചൂടുവെള്ളമോ സാധാരണ വെള്ളമോ കലര്‍ത്തി ഇതില്‍ അര ടീസ്പൂണ്‍ നല്ല ശുദ്ധമായ മഞ്ഞള്‍പ്പൊടി ചേര്‍ത്തിളക്കി കുടിയ്ക്കാം. വെറും നെല്ലിക്കാജ്യൂസിന് ചവര്‍പ്പു കൂടുതലായിരിയ്ക്കും. ഇതുകൊണ്ടാണ് വെള്ളം ചേര്‍ക്കാന്‍ പറയുന്നത്. വെറുതെ കുടിയ്ക്കാന്‍ മടിയില്ലാത്തവര്‍ക്ക് ഇതില്‍ വെളളം ചേര്‍ക്കാതെയും മഞ്ഞള്‍പ്പൊടി ചേര്‍ത്തു കുടിയ്ക്കാം.

ഈ മിശ്രിതം

ഈ മിശ്രിതം രാവിലെ വെറുംവയറ്റില്‍ കുടിയ്ക്കുന്നതാണ് നല്ലത്. ഫ്രഷായി തയ്യാറാക്കിയതാണ് കൂടുതല്‍ നല്ലത്. അല്ലെങ്കില്‍ 2-3 ദിവസങ്ങള്‍ക്കു വേണ്ടി ഒരുമിച്ചു തയ്യാറാക്കാം. ഇത് കുടിച്ച ശേഷം 1 മണിക്കൂറെങ്കിലും കഴിഞ്ഞു മാത്രം ഭക്ഷണം കഴിയ്ക്കുക. ഇത് അടുപ്പിച്ച് ഒന്നു രണ്ടു മാസം ചെയ്താലാണ് ഗുണം ലഭിയ്ക്കുക.

തടിയും വയറും

തടിയും വയറും കുറയ്ക്കാന്‍ സഹായിക്കുന്ന നല്ലൊരു ചേരുവയാണ് ഇത്. നെല്ലിക്കയിലെ വൈറ്റമിന്‍ സി ആണ് ഈ ഗുണം നല്‍കുന്നത്. മഞ്ഞള്‍ ശരീരത്തിലെ കൊഴുപ്പുകോശങ്ങളെ തടയാന്‍ നല്ലതാണ്. ശരീരത്തില്‍ ആവശ്യമില്ലാതെ അടിഞ്ഞു കൂടിക്കിടക്കുന്ന കൊഴുപ്പു നീക്കാനും മഞ്ഞള്‍പ്പൊടി ഏറെ ഗുണകരമാണ്. ഇവ രണ്ടും തടിയും വയറിനു ചുറ്റും അടിഞ്ഞു കൂടുന്ന കൊഴുപ്പും കളയുന്നു

ചര്‍മത്തിനും മുടിയ്ക്കും

ചര്‍മത്തിനും മുടിയ്ക്കും ചേരുന്ന നല്ലൊരു മിശ്രിതമാണ് മഞ്ഞള്‍പ്പൊടിയും നെല്ലിക്കാനീരും. നെല്ലിക്ക ചര്‍മത്തില്‍ പ്രായാധിക്യം കാരണമുള്ള കുത്തുകള്‍ക്കു പരിഹാരമാണ്. ഇതിലെ വൈറ്റമിന്‍ സിയാണ് ഇതിനു സഹായിക്കുന്നത്. ടോകസിനുകള്‍ നീക്കി ചര്‍മത്തിനു തിളക്കം നല്‍കാനും മുഖക്കുരു പോലുളള രോഗങ്ങള്‍ തടയാനും മഞ്ഞള്‍ സഹായിക്കും.

ഗ്യാസും അസിഡിറ്റിയുമെല്ലാം മാറാന്‍

ദഹനപ്രശ്‌നങ്ങള്‍ക്കുള്ള നല്ലൊരു പരിഹാരമാണിത്. വയറ്റിലെ ഗ്യാസും അസിഡിറ്റിയുമെല്ലാം മാറാന്‍ സഹായകമായ ഒരു മിശ്രിതം. ആസിഡ് ഉല്‍പാദനം തടയാന്‍ ഇത് സഹായിക്കും. നല്ല ശോധനയ്ക്കും ഇത് ഏറെ സഹായകമാണ്. കുടലിലെ ദോഷകരമായ ബാക്ടീരിയകളെ തടയാന്‍ മഞ്ഞള്‍ അത്യുത്തമമാണ്.

വിളര്‍ച്ച

രക്തക്കുറവുള്ളവര്‍ക്കുള്ള നല്ലൊരു പരിഹാരമാണിത്. പ്രത്യേകിച്ചും നെല്ലിക്ക. നെല്ലിക്കയില്‍ ധാരാളം അയേണ്‍ അടങ്ങിയിട്ടുണ്ട്. ഇത് രക്തത്തിലെ ആര്‍ബിസി അഥവാ രക്താണുക്കളുടെ അളവു വര്‍ദ്ധിപ്പിയ്ക്കുന്നു. വിളര്‍ച്ചയുള്ളവര്‍ ഈ വഴി പരീക്ഷിയ്ക്കുന്നത് ഏറെ നല്ലതാണ്. മഞ്ഞള്‍ രക്തധമനികളിലെ തടസങ്ങള്‍ നീക്കാന്‍ ഏറെ നല്ലതാണ്.ഇവ രണ്ടും കലര്‍ത്തിയ ജ്യൂസ് ശരീരത്തില്‍ രക്തയോട്ടം വര്‍ദ്ധിപ്പിയ്ക്കും. ഹൃദയത്തിനും ചര്‍മത്തിനും മുടിയ്ക്കുമെല്ലാം ഇത് ഏറെ ഗുണകരമാണ്.

ഡയബറ്റിസ്

പ്രമേഹത്തിനുള്ള തികച്ചും പ്രകൃതിദത്ത പരിഹാരമാണ് മഞ്ഞള്‍പ്പൊടി, നെല്ലിക്കാജ്യൂസ് കോമ്പിനേഷന്‍. ഇവ രണ്ടിലേയും ഘടകങ്ങള്‍ കൂടിക്കലരുന്നത് നല്ലൊരു പരിഹാരമാണ്. പ്രത്യേകിച്ചും ടൈപ്പ് 2 ഡയബറ്റിസ് ഉള്ളവര്‍ക്ക്.

കൊളസ്‌ട്രോള്‍

കൊളസ്‌ട്രോള്‍ കുറയ്ക്കാനുള്ള പ്രകൃതിദത്ത മരുന്നാണ് മഞ്ഞള്‍പ്പൊടിയും നെല്ലിക്കാനീരും കലര്‍ന്ന മിശ്രിതം. നെല്ലിക്കയിലെ വൈറ്റമിന്‍ സി കൊഴുപ്പുരുക്കി കളയുന്നു. മഞ്ഞളും രക്തധമനികളിലും ശരീരത്തിലും അടിഞ്ഞു കൂടുന്ന അമിതമായ കൊഴുപ്പു നീക്കാന്‍ നല്ലതാണ്. കൊളസ്‌ട്രോള്‍ പ്രശ്‌നങ്ങളുള്ളവര്‍ക്ക് പരീക്ഷിയ്ക്കാവുന്ന ഉത്തമമായ വഴിയാണിത്.

പ്രതിരോധശേഷി

നെല്ലിക്കയും മഞ്ഞളും ശരീരത്തിന് പ്രതിരോധശേഷി നല്‍കുന്ന ഘടകങ്ങളാണ്. ശരീരത്തിന് പ്രതിരോധശേഷി നല്‍കാന്‍ ഇത് ഏറെ നല്ലതാണ്. അല്‍പം ചൂടുവെള്ളത്തില്‍ ഈ രണ്ടു ജ്യൂസുകളും കലര്‍ത്തി കുടിയ്ക്കുന്നത് ഏറെ ഗുണകരമാണ്. കോള്‍ഡ്, ചുമ തുടങ്ങിയ പ്രശ്‌നങ്ങള്‍ക്കുള്ള നല്ലൊരു പരിഹാരം. ദിവസവും ഇത് കുടിയ്ക്കുന്നത് അലര്‍ജി, ആസ്തമ പോലുള്ള പ്രശ്‌നങ്ങള്‍ക്കും നല്ലൊരു പരിഹാരമാണെന്നു പറയാം.

യൂറിനറി സംബന്ധമായ പ്രശ്‌നങ്ങളും

യൂറിനറി സംബന്ധമായ പ്രശ്‌നങ്ങളും യൂറിനറി ഇന്‍ഫെക്ഷനുകളും തീര്‍ക്കാനുളള നല്ലൊരു പരിഹാരമാണ് നെല്ലിക്കാനീരും മഞ്ഞളും ചേര്‍ത്ത പാനീയം. ഇതില്‍ അല്‍പം തേന്‍ കൂടി കലര്‍ത്തുന്നത് ഏറെ ഗുണകരമാണ്.

ചര്‍മത്തിന് നിറം വയ്ക്കാനും

മഞ്ഞളും നെല്ലിക്കാജ്യൂസും ചേര്‍ത്ത മിശ്രിതം ചര്‍മത്തിന് നിറം വയ്ക്കാനും ഏറെ നല്ലതാണ്. നെല്ലിക്കയിലെ വൈറ്റമിന്‍ സി ഈ ഗുണം നല്‍കുന്നു. മഞ്ഞള്‍ ചര്‍മത്തിലെ ടോക്‌സിനുകള്‍ നീക്കാന്‍ നല്ലതാണ്. ഇത് ചര്‍മത്തിന് നിറം നല്‍കാനും നല്ലതാണ്.