ബിപി കുറയ്ക്കാന്‍ തണ്ണിമത്തന്‍ കുരു മതി

മഞ്ഞള്‍

മഞ്ഞള്‍ ബിപി കുറയ്ക്കാന്‍ സഹായിക്കുന്ന നല്ലൊരു വഴിയാണ്. മഞ്ഞളും കൂവളത്തിലയും അരച്ച് രാവിലെ വെറുംവയറ്റില്‍ കഴിയ്ക്കുന്നതു ഗുണം ചെയ്യും. ഇതു ബിപി കുറയ്ക്കാന്‍ മാത്രമല്ല, കൊളസ്‌ട്രോള്‍ കുറയ്ക്കാനും നല്ലതാണ്.

നെല്ലിക്കാ നീര്

നെല്ലിക്കാ നീര് രാവിലെ ഒരു ഗ്ലാസ് വെള്ളത്തില്‍ കലക്കി കുടിയ്ക്കുന്നതു പല രോഗങ്ങള്‍ക്കുമെന്ന പോലെ ബിപിയ്ക്കും ഏറെ നല്ലതാണ്. നെല്ലിക്കയിലെ വൈറ്റമിന്‍ സി ആണ് ഈ ഗുണം നല്‍കുന്നത്. കൊളസ്‌ട്രോള്‍ തടയാനും ഇത് ഏറെ നല്ലതാണ്.

നാലില്‍ ഒരു കപ്പ് വീറ്റ് ഗ്രാസ്, 4 വെളുത്തുളളി അല്ലി, 12 തുളസിയില

നാലില്‍ ഒരു കപ്പ് വീറ്റ് ഗ്രാസ്, 4 വെളുത്തുളളി അല്ലി, 12 തുളസിയില എന്നിവ ചേര്‍ത്ത് ജ്യൂസുണ്ടാക്കുക. ഇത് ദിവസവും ഒരു തവണ കുടിയ്ക്കുന്നത് ബിപി കുറയ്ക്കാന്‍ സഹായിക്കുന്നു.

സവാള

1 ടീസ്പൂണ്‍ സവാള നീര് 1 ടീസ്പൂണ്‍ തേനുമായി കലര്‍ത്തി 7 ദിവസം ദിവസത്തില്‍ ഒരിക്കല്‍ വീതം കുടിയ്ക്കുക. ഇത് ബിപി കുറയാന്‍ സഹായിക്കും.

വെളുത്തുളളി പേസ്റ്റ്

1 ഗ്രാം വെളുത്തുളളി പേസ്റ്റ് 1 ഗ്ലാസ് മോരില്‍ കലക്കി ദിവസവും 2 തവണ കുടിയ്ക്കുക. ഇത് ദിവസവും 2 തവണ വീതം കുടിയ്ക്കാം ഇതും ബിപിയില്‍ നിന്നും രക്ഷ നല്‍കും.

ചെമ്പരത്തി മൊട്ട്

ചെമ്പരത്തി മൊട്ട് ബിപിയ്ക്കുള്ള നല്ലൊരു പരിഹാരമാണ്. ചുവന്ന അഞ്ചിതള്‍ ചെമ്പരത്തിയുടെ മൊട്ട് ഏഴെണ്ണം കഞ്ഞിവെള്ളത്തില്‍ അരച്ചു കലക്കി കുടിയ്ക്കുന്നത് ഗുണം ചെയ്യും. ഇത് അടുപ്പിച്ചു ചെയ്യുന്നത് ഗുണം നല്‍കും.

തണ്ണിമത്തന്‍ കുരു

10 ഗ്രാം തണ്ണിമത്തന്‍ കുരു വറുത്തു പൊടിയ്ക്കുക. ഇത് 2 കപ്പു വെള്ളത്തില്‍ തിളപ്പിച്ച് ഊറ്റിയെടുത്ത് രാവിലെ വെറുംവയറ്റിലും വൈകീട്ടും കുടിയ്ക്കുക.

പേരയുടെ ഇല

പേരയുടെ ഇല ഇതിനുള്ള നല്ലൊരു പരിഹാരമാണ്. പേരയുടെ ഇല വെള്ളത്തിലിട്ടു തിളപ്പിച്ച് കുടിയ്ക്കുക. ഗുണം ലഭിയ്ക്കും. ഇത് പ്രമേഹത്തിനുള്ള നല്ലൊരു പരിഹാരം കൂടിയാണ്.

ഇഞ്ചി

ഇഞ്ചി ബിപി കുറയ്ക്കാന്‍ സഹായിക്കുന്ന ഒന്നാണ്. ഇഞ്ചിയിട്ടു തിളപ്പിച്ച വെള്ളം കുടിയ്ക്കാം. ഇഞ്ചിനീരും നാരങ്ങാനീരും കലര്‍ത്തി കുടിയ്ക്കാം. ഇതെല്ലാം ഗുണം നല്‍കുന്നവയാണ്.