ഹൈപ്പോതൈറോയ്ഡ് തുടക്കലക്ഷണങ്ങള്‍ ഇവ

തൂക്കം വര്‍ദ്ധിയ്ക്കുന്നുവെങ്കില്‍

മറ്റു കാരണങ്ങളില്ലാതെ പെട്ടെന്നു തൂക്കം വര്‍ദ്ധിയ്ക്കുന്നുവെങ്കില്‍ ഇതിന് കാരണം ആവശ്യത്തിന് തൈറോയ്ഡ് ഹോര്‍മോണ്‍ ശരീരത്തില്‍ ഉല്‍പാദിപ്പിയ്ക്കപ്പെടുന്നില്ലെന്നതുകൊണ്ടായിരിയ്ക്കും. തൈറോയ്ഡ് ഹോര്‍മോണ്‍ കുറയുമ്പോള്‍ അപചയപ്രക്രിയ തടസപ്പെടും. ഇത് ശരീരം തടിയ്ക്കാന്‍ ഇടയാക്കുകയും ചെയ്യും. ആരോഗ്യകരമായ ഭക്ഷണ,വ്യായാമ ശീലങ്ങളെങ്കിലും പെട്ടെന്നു തടി കൂടുന്നത് ഇതിന്റെ ലക്ഷണമായി സംശയിക്കാം.

ക്ഷീണവും തളര്‍ച്ചയും

ശരീരത്തിലെ രക്തപ്രവാഹത്തെ തൈറോയ്ഡ് ഹോര്‍മോണ്‍ കുറവു ബാധിയ്ക്കും. ഇത് ഓക്‌സിജന്‍ കോശങ്ങളിലേയ്ക്കും മറ്റും എത്തുന്നതു തടയും. ഇതുവഴി ശരീരത്തിന് ക്ഷീണവും തളര്‍ച്ചയും സ്വാഭാവികമാണ്.

കൊളസ്‌ട്രോള്‍

കൊളസ്‌ട്രോള്‍ ശരീരത്തില്‍ വര്‍ദ്ധിയ്ക്കുന്നതിന് പല കാരണങ്ങളുണ്ടാകും. എന്നാല്‍ തൈറോയ്ഡിന്റെ കുറവ്, അതായത് ഹൈപ്പോതൈറോയ്ഡ് കൊളസ്‌ട്രോള്‍ കൂടാന്‍ കാരണമാകും.

സ്‌ട്രെസ്, ഡിപ്രഷന്‍

ഹൈപ്പോതൈറോയ്ഡിന്റെ മറ്റൊരു ലക്ഷണം പെട്ടെന്നുണ്ടാകുന്ന മൂഡുമാറ്റമാണ്. ഹോര്‍മോണ്‍ പ്രവര്‍ത്തനങ്ങള്‍ അവതാളത്തിലാകുന്നതുകൊണ്ടുതന്നെ സ്‌ട്രെസ്, ഡിപ്രഷന്‍ എന്നിവയും സാധാരണമാണ്. പ്രത്യേക കാരണങ്ങളില്ലാതെ നിങ്ങള്‍ക്ക് മൂഡുമാറ്റം അനുഭവപ്പെടുന്നുവെങ്കില്‍ ഹൈപ്പോതൈറോയ്ഡിന് അടിമപ്പെട്ടുകൊണ്ടിരിയ്ക്കുന്നുവെന്നര്‍ത്ഥം.

ഏകാഗ്രതക്കുറവും

തലച്ചോറിന്റെയും നാഡികളുടേയുമെല്ലാം പ്രവര്‍ത്തനത്തെ ഹൈപ്പോതൈറോയ്ഡ് ബാധിയ്ക്കും. ഇത് ഏകാഗ്രതക്കുറവും മറ്റുമുണ്ടാക്കാനും സാധ്യതയേറെയാണ്.

പൊട്ടിപ്പോകുന്ന നഖങ്ങള്‍, വരണ്ട ചര്‍മം, മുടി

ചര്‍മത്തേയും മുടിയേയും നഖത്തേയുമെല്ലാം ഹൈപ്പോതൈറോയ്ഡ് ബാധിയ്ക്കും. കനംകുറഞ്ഞു പൊട്ടിപ്പോകുന്ന നഖങ്ങള്‍, വരണ്ട ചര്‍മം, മുടി, മുടികൊഴിച്ചില്‍ ഇവയെല്ലാം ഹൈപ്പോതൈറോയ്ഡ് ലക്ഷണങ്ങളായും എടുക്കാം.

ദഹനം

ദഹനം പതുക്കെയാകുന്നതും ഇതുവഴിയുണ്ടാകുന്ന മലബന്ധവുമെല്ലാം ഹൈപ്പോതൈറോയ്ഡ് പ്രശ്‌നം കൊണ്ടുമുണ്ടാകാം. ആവശ്യത്തന് തൈറോയ്ഡ് ഉല്‍പാദിപ്പിയ്ക്കപ്പെടാത്തത് ശരീരത്തിലെ വേസറ്റ് പദാര്‍ത്ഥങ്ങള്‍ അവിടെത്തന്നെ കിടക്കാന്‍ ഇട വരുത്തും. മലബന്ധവും ഇതുമൂലം സാധാരണയാണ്.

മസിലുകള്‍ക്ക് വേദന

മസിലുകള്‍ക്ക് പ്രത്യേക കാരണമില്ലാതെ എന്നും അല്ലെങ്കില്‍ ഇടയ്ക്കിടെ വേദനയനുഭവപ്പെടുന്നതും ഹൈപ്പോതൈറോയ്ഡിന്റെ ലക്ഷണമാണ്. ഇതിനു കാരണവും രക്തപ്രവാഹം തടസപ്പെടുന്നതാണ്. മസിലുകള്‍ക്ക് ഓക്‌സിജനും രക്തവും ആവശ്യത്തിനു ലഭിയ്ക്കാതെ വരുമ്പോള്‍ വേദനയുണ്ടാകുന്നത് നല്ലതാണ്.

കൃത്യമല്ലാത്ത ആര്‍ത്തവം

ഹൈപ്പോതൈറോയ്ഡിന്റെ മറ്റൊരു ലക്ഷണമാണ് ആര്‍ത്തവത്തില്‍ വരുത്തുന്ന പ്രശ്‌നങ്ങള്‍. കൃത്യമല്ലാത്ത ആര്‍ത്തവം, നീണ്ടുനില്‍ക്കുന്ന ആര്‍ത്തവം ഇവയെല്ലാം ഹൈപ്പോതൈറോയ്ഡിന്റെ ലക്ഷണങ്ങള്‍ കൂടിയാണ്.

തണുപ്പനുഭവപ്പെടുന്നത്

ഹൈപ്പോതൈറോയ്ഡ് ലക്ഷണങ്ങളില്‍ പ്രധാനപ്പെട്ട ഒന്നാണ് തണുപ്പനുഭവപ്പെടുന്നത്. ശരീരത്തിലെ രക്തപ്രവാഹം തടസപ്പെടുന്നതാണ് ഇതിനു കാരണം. ഇത് ശരീരത്തിന് ചൂടുല്‍പാദിപ്പിയ്ക്കാനുള്ള കഴിവിനെ ബാധിയ്ക്കുന്നു. സാധാരണ കാലാവസ്ഥയില്‍ പോലും ഇത്തരം രോഗികള്‍ക്ക് തണുപ്പു തോന്നിയേക്കാം.