Just In
- 6 hrs ago ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം
- 7 hrs ago ലോക മലേറിയ ദിനം 2024: മലേറിയ വരാതിരിക്കാന് എന്തുചെയ്യണം, തുടക്കം വീട്ടില് നിന്ന്
- 8 hrs ago മാസങ്ങളില് അതിശ്രേഷ്ഠം വൈശാഖ മാസം; മഹാവിഷ്ണുവും ലക്ഷ്മീദേവിയും ഭൂമിയില് അവതരിച്ച മാസം
- 8 hrs ago ആയുര്വ്വേദം ഉറപ്പ് നല്കുന്ന പരിഹാരം വായ്നാറ്റത്തിന്
Don't Miss
- News ലോക്സഭ തിരഞ്ഞെടുപ്പ്; കേരളം നാളെ ബൂത്തിലേക്ക്.. ഇന്ന് നിശബ്ദ പ്രചരണം, 4 ജില്ലകളിൽ നിരോധനാജ്ഞ
- Sports IPL 2024: എന്റെ പിഴവല്ല, തോല്വിയില് ബൗളര്മാരെ പഴിച്ച് ഗില്! വിമര്ശിച്ച് ആരാധകര്
- Movies നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്'
- Automobiles തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച
- Technology DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ
- Finance ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി
- Travel ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
ജിമ്മിൽ പോകുന്ന സ്ത്രീകൾ അറിയാൻ
സ്ത്രീകൾ ശ്രദ്ധിക്കുക! നിങ്ങൾ ജിമ്മിൽ എപ്പോഴും ചെയ്യാറുള്ള പൊതുവായ ചില പിശകുകളെയാണ് ഇവിടെ വെളിവാക്കാൻ ശ്രമിക്കുന്നത്. വളരെ പരിചിതമായി തോന്നുന്ന ചില പിശകുകളും അവയെ ശരിയാക്കുവാനുള്ള ആശയങ്ങളും വായിക്കാം.
ജിമ്മിൽ പോകുന്ന പെൺകുട്ടികൾ ചില കാര്യങ്ങൾ അറിയേണ്ടതായിട്ടുണ്ട്. ഏകദേശം നാല് വർഷമായി ഞാൻ തുടർച്ചയായി ജിമ്മിൽ പോകാറുണ്ട്. ധാരാളം പിശകുകൾ ആവർത്തിച്ചാവർത്തിച്ച് പലരും ചെയ്യുന്നത് ഞാൻ കാണാറുണ്ട്. അത് കൂടുതലാകുമ്പോൾ എനിക്ക് അരിശംവരാറുമുണ്ട്.
വെയ്റ്റ് ട്രെയിനിംഗ്
കുറച്ച് കാര്യങ്ങൾ ഉള്ളിൽനിന്നും വെളിവാക്കി നിങ്ങളിൽ കുറച്ചുപേരെയെങ്കിലും സഹായിക്കുവാനുള്ള സമയമാണ് ഇതെന്ന് എനിക്ക് തോന്നുന്നു. സ്ത്രീകൾ ഏറ്റവും പൊതുവായി ജിമ്മിൽ ആവർത്തിച്ചാവർത്തിച്ച് അനുവർത്തിച്ചുപോരുന്ന പിശകുകളെയാണ് ഇവിടെ വെളിവാക്കാൻ പോകുന്നത്. ഇതിലേതെങ്കിലും പിശക് നിങ്ങൾക്ക് പരിചിതമാണോ എന്ന് നോക്കുക.
കാമോദ്ദീപകമായ കരങ്ങളും, ഇറുകിയ നിതംബപേശികളും ആകൃതിയൊത്ത കാൽവണ്ണകളും, പരന്ന ഉദരവും, മൊത്തത്തിൽ ആകർഷകത്വമുള്ള ശരീരാകൃതിയും സ്ത്രീകൾക്ക് നൽകുന്നത് വെയ്റ്റ് ട്രെയിനിംഗ് ആണ്
എല്ലാ ദിവസവും ഒരേ വ്യായാമം തന്നെ ചെയ്യൽ
വളരെ കാലമൊന്നും നിങ്ങൾ വ്യായാമം ചെയ്തിട്ടില്ലെങ്കിൽ, അതുമല്ലെങ്കിൽ നല്ല അറിവുള്ള ഒരു പരിശീലകനുമായി നിങ്ങൾക്ക് സംസാരിക്കുവാനുള്ള അവസരം കിട്ടിയിട്ടില്ലെങ്കിൽ, ഏതെങ്കിലും പേശിയ്ക്ക് ക്ഷീണമുണ്ടാകുകയാണെങ്കിൽ വിശ്രമത്തിനും സ്വയം കേടുപാട് തീർക്കുന്നതിനും അതിന് സമയം ആവശ്യമാണെന്ന കാര്യം നിങ്ങൾക്ക് മനസ്സിലാകുകയില്ല.
എല്ലാ ദിവസവും നിങ്ങൾ പരിശീലിക്കുകയാണെങ്കിൽ, വീണ്ടെടുക്കപ്പെടുവാനുള്ള അവസരം അതിന് ഒരിക്കലും ഉണ്ടാകുകയില്ല. അങ്ങനെയാകുമ്പോൾ അവ കൂടുതൽ കരുത്താർജ്ജിക്കുകയോ അഴകാർന്ന രുപത്തിലാകുകയോ ഇല്ല. വർക്കൗട്ടുകൾക്കിടയിൽ ഒരോ പേശീ വിഭാഗത്തിനും 48 മണിക്കൂറിന്റെ വിശ്രമം നൽകേണ്ടതുണ്ട്. ആഴ്ചയിൽ ഒരിക്കൽ മാത്രമേ ഓരോ പേശീവിഭാഗത്തിനും വ്യായാമം നൽകേണ്ടതുള്ളൂ എന്നതാണ് ഉചിതമായ രീതി.
വളരെ വിചിത്രമായി നിങ്ങൾക്കിത് തോന്നാം. ഏതെങ്കിലും പേശീവിഭാഗത്തെ തീവ്രമായും പൂർണ്ണമായും പ്രവർത്തിപ്പിക്കുകയും, ഒരാഴ്ചത്തെ പൂർണ്ണ വിശ്രമം നൽകുകയും ചെയ്യുകയാണെങ്കിൽ, അത്ഭുതാവഹമായ ഫലം നിങ്ങൾക്ക് കാണുവാനാകും.
വർക്കൗട്ട്
ആ മാംസപേശികൾ ഒന്ന് തണുത്തുവരുന്നതിൽ ആശങ്കപ്പെടേണ്ടതില്ല. പ്രവർത്തിയെടുക്കുന്നതുപോലെതന്നെ പ്രധാനമാണ് വിശ്രമവും. 4 ദിവസമായി വിഭജിച്ച് ചെയ്യുന്ന നല്ലൊരു വർക്കൗട്ട് ചുവടെ പറയുന്നപോലെ ആയിരിക്കും.
തിങ്കൾഃ മാറിടം/ബൈസെപ്സ്
ചൊവ്വഃ കാലുകൾ
ബുധൻഃ വിശ്രമം
വ്യാഴംഃ ചുമലുകൾ/ട്രൈസെപ്സ്
വെള്ളിഃ മുതുക്
ശനിഃ വിശ്രമം
ഡംബെൽ ഭയം
മത്സരങ്ങളിൽ പങ്കെടുക്കുന്ന ഒരു ബോഡിബിൽഡറായതുകൊണ്ട്, തീർച്ചയായും ഇതെന്നെ ശുണ്ഠിപിടിപ്പിക്കുന്നു. പല സ്ത്രീകളും വിചാരിക്കുന്നത് ഭാരമുയർത്തിയുള്ള വ്യയാമം ചെയ്യുകയാണെങ്കിൽ ശരീരം വളരെയേറെ തടിക്കുമെന്നാണ്. ഡംബെൽ ഉയർത്തിയെന്നുവച്ച് നിങ്ങളാരും ഒരിക്കലും ഹൾക്കിനെപ്പോലെ ആകുകയില്ല. മാത്രമല്ല മണിക്കൂറുകൾ കാർഡിയോ വ്യായാമം ചെയ്യുകയാണെങ്കിലും എടുത്തുപറയത്തക്ക എന്തെങ്കിലും മാറ്റമുണ്ടാക്കാൻ നിങ്ങൾക്ക് കഴിയില്ല.
വെയ്റ്റ് ട്രെയിനിംഗാണ് സ്ത്രീകൾക്ക് കാമോദ്ദീപകമായ കരങ്ങളും, ഇടുങ്ങിയ നിതംബപേശികളും, ആകൃതിയൊത്ത കാൽവണ്ണകളും, പരന്ന വയറും, ആകർഷണീയമായ ആകൃതിയും നൽകുന്നത്. എത്രത്തോളം മാംസപേശികൾ നിങ്ങൾക്കുണ്ടോ, അത്രത്തോളം കലോറി വിശ്രമത്തിലാണെങ്കിൽപ്പോലും അവ ദഹിപ്പിച്ച് കളയുന്നു. പേശീകോശങ്ങൾ ബുഭുക്ഷുക്കളാണ്! വെയ്റ്റ് ഉപയോഗിച്ച് വ്യായാമം ചെയ്യുവാനുള്ള ഉത്സാഹമുണ്ടെങ്കിൽ കുറച്ച് കൂടുതൽ കലോറി നിങ്ങൾക്ക് ദഹിപ്പിക്കുവാനാകും.
അസ്ഥിസാന്ദ്രതയേയും നിങ്ങൾക്ക് മെച്ചപ്പെടുത്തുവാൻ കഴിയും, അങ്ങനെ അസ്ഥിക്ഷയത്തെ അകറ്റിനിറുത്താം. അതുകൊണ്ട് സ്ത്രീകൾ വെയ്റ്റുപയാഗിച്ചുള്ള വ്യായാമം ചെയ്യുക. അതിന്റെ ഫലത്തിൽ നിങ്ങൾക്ക് ആഹ്ലാദമുണ്ടാകും.
അമിതമായി ഉദരവ്യായാമം ചെയ്ത് (അബ്ഡമൻ വ്യായാമം) അരക്കെട്ടിനെ ചുരുക്കാമെന്ന് ധാരാളംപേർ വിചാരിക്കുന്നു. ഉദരവ്യായാമം ചെയ്യുന്നതിലൂടെ വയറിലെ കൊഴുപ്പുപാളിയെ കുറയ്ക്കുവാൻ സാദ്ധ്യമല്ല. മുകളിലുള്ള കൊഴുപ്പുപാളിയ്ക്ക് അകത്തെ പേശികൾ അതിനൊത്ത ആകൃതി നൽകുന്നതുകൊണ്ട് കൂടുതൽ ഇടുങ്ങിയ അരക്കെട്ട് എന്നുള്ള ഒരു വ്യാമോഹമാണ് നിങ്ങൾക്ക് ഉണ്ടാകുന്നത്. പക്ഷ അങ്ങനെ നിങ്ങൾക്ക് മുകളിലുള്ള കൊഴുപ്പിനെ കുറയ്ക്കുവാൻ കഴിയില്ല.
വയറിലെ ഏറ്റവും മുകളിലുള്ള കൊഴുപ്പുപാളിയെ കുറയ്ക്കുവാൻ ആരോഗ്യദായകമായ ഭക്ഷണക്രമവും കാർഡിയോ വ്യായാമവും പാലിക്കേണ്ടതുണ്ട്. ആഴ്ചയിൽ പരമാവധി 2 മുതൽ 3 പ്രാവശ്യംമാത്രം ഉദരവ്യായാമം ചെയ്യുന്നത് കൊഴുപ്പുകുറച്ച് കാമോദ്ദീപകമായ ഭാവം ഉറപ്പായും സൃഷ്ടിക്കും.
വിയർക്കാതിരിക്കാൻ ശ്രമിക്കുന്നത്
ഇക്കാര്യത്തിൽ കൂടുതൽ അഭിപ്രായമൊന്നും വേണ്ടിവരുകയില്ല. ഇതൊരു ജിമ്മാണ്. വിയർക്കുന്നത് ആരോഗ്യമാണ്. കണ്ണുകളിലെ ചമയത്തെപ്പറ്റി ആശങ്കപ്പെടരുത്. എന്തിനാണ് ചമയം ധരിക്കുന്നത്? വർക്കൗട്ട് ചെയ്യുവാനാണ് ജിമ്മിൽ നിൽക്കുന്നത്. അതിനാൽ അത്തരം ചമയങ്ങൾ ജിമ്മിൽ ആവശ്യമില്ല.
കൂടുതൽ സുഗന്ധദ്രവ്യം ഉപയോഗിക്കുന്നത്
വിയർക്കുവാൻ ആഗ്രഹിക്കാത്ത സ്ത്രീകൾ തന്നെയാണ് ഇവിടെയും കാണപ്പെടുക. ആളുകൾ അത്യധികമായി ശ്വാസമെടുത്ത് കിതച്ചുകൊണ്ട് നിലകൊള്ളുന്ന ഒരു സ്ഥലത്തേക്ക് സ്വയം സുഗന്ധവും പേറി നടക്കുന്നത് വേദനാജനകമാണ്. ചില ആളുകൾ സുഗന്ധദ്രവ്യങ്ങളോടും രാസപദാർത്ഥങ്ങളോടും വളരെ സംവേദനമുള്ളവരായിരിക്കും. അത്തരം സുഗന്ധങ്ങൾക്ക് മോശപ്പെട്ട പ്രതികരണം സൃഷ്ടിക്കുവാനും തികച്ചും അസുഖകരമാകുവാനും ഇടയാക്കും. മറ്റുള്ളവരെക്കൂടി പരിഗണിക്കുക. ആ റോസാപുഷ്പങ്ങൾ വീട്ടിൽത്തന്നെ ഇട്ടേക്കുക.
വർക്കൗട്ട് കഴിഞ്ഞ് പ്രോട്ടീൻ ഉപയോഗിക്കുന്നത്
ആണുങ്ങളും പെണ്ണുങ്ങളും ഒരുപോലെ ചെയ്യുന്ന ഒരു പിശകാണിത്. നല്ലൊരു വർക്കൗട്ട് കഴിഞ്ഞ് മാംസപേശികളെ തളർത്തിക്കഴിയുമ്പോൾ കേടുപാടുപോക്കുന്ന പ്രക്രിയ പേശികൾ എങ്ങനെ തുടങ്ങുമെന്നാണ് നിങ്ങൾ പ്രതീക്ഷിക്കുന്നത്? പല ജിമ്മുകളിലും പ്രോട്ടീൻ ഷെയ്ക്കുകൾ ലഭ്യമാണ്. എങ്കിലും നിങ്ങൾക്കുവേണ്ടത് സ്വന്തമായിത്തന്നെ ഉണ്ടാക്കാം.
വെയ് പ്രോട്ടീൻ ഐസൊലേറ്റിനെയും എൽ-ഗ്ലൂട്ടാമൈനും കൂട്ടിച്ചേർക്കുന്നത് നിർദ്ദേശിക്കുന്നു. വ്യക്തിപരമായിട്ടാണെങ്കിൽ, 40 ഗ്രാം വെയ് പ്രോട്ടീൻ ഐസൊലേറ്റും, 50 ഗ്രാം കാർബോഹൈഡ്രേറ്റും, 5 ഗ്രാം എൽ-ഗ്ലൂട്ടാമൈനും ഞാൻ ഉപയോഗിക്കുന്നു. മാത്രമല്ല ആരോഗ്യദായകമായ കൊഴുപ്പിനുവേണ്ടി 3 എസ്സൻഷ്യൽ ഫാറ്റി ആസിഡ് കാപ്സ്യൂളുകളും ഞാൻ ഉപയോഗിക്കുന്നു. ഓരോരുത്തരും വ്യത്യസ്തരാണ്. അതുകൊണ്ട് വർക്കൗട്ട് കഴിഞ്ഞിട്ട് ഉപയോഗിക്കുവാനായി നിങ്ങൾക്ക് വേണ്ടുന്ന ശരിയായ അളവിനുള്ള പ്രോട്ടീൻ, കാർബ്സ്, ഫാറ്റുകൾ, ഗ്ലൂട്ടാമൈൻ തുടങ്ങിയവയെപ്പറ്റി ഒരു ഗവേഷണം ആകാം.