എലിപ്പനിഃ രോഗബാധയും നിവാരണമാർഗ്ഗങ്ങളും

രോഗബാധ

രോഗംബാധിച്ച വ്യക്തിയുടെ ശരീരത്തിൽനിന്നും ബാക്ടീരിയങ്ങളെ വേർപെടുത്തിക്കൊണ്ടുള്ള രോഗനിർണ്ണയമാണ് സാധാരണയായി നടത്തുന്നത്. ചില പ്രത്യേക തരത്തിലുള്ള രക്തപരിശോധനകളും അവലംബിക്കാറുണ്ട്. ഫലപ്രദമായ രോഗാണുനാശിനികൾ (antibiotics) എലിപ്പനിയെ ചികിത്സിക്കുന്നതിന് ലഭ്യമാണ്.

മനുഷ്യരിലും മൃഗങ്ങളിലും രോഗബാധ ഉണ്ടാകുന്നത് തടയുന്നതിനുള്ള രോഗപ്രതിരോധൗഷധങ്ങൾ (vaccines) ചില രാജ്യങ്ങളിൽ നിലകൊള്ളുന്നു. അത്തരം ഔഷധങ്ങൾക്ക് ചില പരിമിതികളുണ്ട്. കാരണം പ്രത്യേകതരം അണുക്കൾക്കെതിരായി മാത്രമേ അവയുടെ രോഗപ്രതിരോധം ഫലപ്രദമാകുന്നുള്ളൂ. ഡോക്‌സിസൈക്ലൈൻ (Doxycycline) വിഭാഗത്തിൽപ്പെട്ട ഔഷധങ്ങൾ (വൈബ്രാമൈസിൻ, ഒറാഷ്യ, അഡോക്‌സാ, ആട്രിഡോക്‌സ്) എലിപ്പനിയിൽനിന്നും സംരക്ഷണം നൽകാൻ ഉപയോഗിക്കുന്നതും ഹ്രസ്വകാലഫലം പ്രദാനംചെയ്യുന്നതുമായ രോഗാണുനാശിനികളാണ്.

എന്താണ് എലിപ്പനി?

ഇംഗ്ലീഷിൽ ലെപ്‌റ്റോസ്‌പൈറോസിസ് (Leptospirosis), വെയ്ൽസ് രോഗം (Weil's disease), ഗ്രിപ്പോടൈഫോസ (grippotyphosa), കാനിക്കോള (canicola) എന്നിങ്ങനെ വിവിധ പേരുകളിൽ അറിയപ്പെടുന്ന എലിപ്പനി എന്ന രോഗം, ബാക്ടീരിയങ്ങൾ (ലെപ്‌റ്റോസ്‌പൈറ ഇന്ററോഗൻസ്) മുഖാന്തിരം ഉടലെടുക്കുന്ന ഒരു രോഗമാണ്. രണ്ട് ഘട്ടങ്ങളിലായി വിവിധ ലക്ഷണങ്ങൾ ഈ രോഗം പ്രകടമാക്കുന്നു. വൃക്കകളുടെയും കരളിന്റെയും പ്രവർത്തനം തകരാറിലാകുക, ശ്വാസം നിന്നുപോകുക, മസ്തിഷ്‌കജ്വരം, മരണം എന്നിവ ചില രോഗികൾക്ക് ഉണ്ടാകാം.

വളർത്തുമൃഗങ്ങൾ (നായ, കുതിര മുതലായ) തുടങ്ങി വന്യജീവികൾ (എലികൾ, കാട്ടുപന്നികൾ മുതലായ) ഉൾപ്പെടെയുള്ള ജന്തുക്കളുടെ രോഗാണുസാന്നിദ്ധ്യമുള്ള വിസർജ്ജ്യങ്ങളിലൂടെ; പ്രത്യേകിച്ചും മൂത്രത്തിലൂടെയാണ് ഈ രോഗാണുക്കൾ പകരുന്നത്. മൃഗങ്ങളിൽനിന്ന് പകരുന്നതുകൊണ്ട് ഒരു ജന്തുജന്യരോഗമായി ഇതിനെ കണക്കാക്കുന്നു.

ശുദ്ധജലത്തിലും മണ്ണിലും മാസങ്ങളോളം അതിജീവിച്ച് നിലകൊള്ളുവാൻ ലെപ്‌റ്റോസ്‌പൈറ ഇന്ററോഗൻസ് ബാക്ടീരിയങ്ങൾക്ക് കഴിയും. സമശീതോഷ്ണ പ്രദേശങ്ങളിലും ഉഷ്ണമേഖലാ പ്രദേശങ്ങളിലുമാണ് കൂടുതലായി ഈ രോഗം കാണപ്പെടുന്നത്. ഈ ബാക്ടീരിയങ്ങളുടെ സാന്നിദ്ധ്യം ലോകത്ത് എല്ലായിടവും കാണുവാനാകും.

എലിപ്പനിയുടെ രോഗലക്ഷണങ്ങൾ

വിറയലോടുകൂടി കുളിര് അനുഭവപ്പെടും എന്നതാണ് എലിപ്പനിയുടെ പ്രധാന രോഗലക്ഷണം. പനി ഉണ്ടാകുകയോ ഉണ്ടാകാതിരിക്കുകയോ ചെയ്യാം. പനി ഇല്ലാതെതന്നെ തണുത്ത അന്തരീക്ഷത്തിൽ ബന്ധപ്പെടുമ്പോൾ കുളിര് തുടങ്ങും. പനി ഉണ്ടാകുന്നതിന് അനുകൂലമായ സാഹചര്യം ഉണ്ടാകുകയാണെങ്കിൽ, കുളിരും പനിയും ഉണ്ടാകും. ജ്വരപ്പനിയുടെ കാര്യത്തിലും ഇവ രണ്ടും പൊതുവായ ലക്ഷണങ്ങളാണ്.

എലിപ്പനിയുടെ കാരണങ്ങൾ

ഗ്രാം-നെഗറ്റീവ് (ബാക്ടീരിയയെ തിരിച്ചറിയുന്നതിനുള്ള ഒരു പ്രാഥമിക സാങ്കേതികത) ആയ സർപ്പിളാകാരത്തിലുള്ള ചില ബാക്ടീരിയങ്ങൾ കാരണമായാണ് എലിപ്പനി ഉണ്ടാകുന്നത്. പലതരത്തിലുള്ള ജീവികളെയും (കാട്ടുമൃഗങ്ങൾ, കരണ്ടുതിന്നുന്ന ജീവികൾ, നായ, പൂച്ച, പന്നി, കുതിര, കന്നുകാലികൾ) ലെപ്‌റ്റോസ്‌പൈറ ബാക്ടീരിയങ്ങൾ ബാധിക്കാം. അത്തരം ജീവികൾ മൂത്രവിസർജ്ജനം നടത്തുമ്പോൾ കുളങ്ങൾ, തോടുകൾ, നദികൾ, മണ്ണ്, വിളകൾ തുടങ്ങിയവ മലിനപ്പെടുന്നു. തുടർന്ന് പല മാർഗ്ഗങ്ങളിലൂടെയും ബാക്ടീരിയങ്ങൾ മനുഷ്യരിലേക്ക് എത്തിച്ചേരുന്നു.

കരൾ, വൃക്കകൾ, കേന്ദ്രനാഡീവ്യവസ്ഥ എന്നീ ശരീരഭാഗങ്ങളിൽ ബാക്ടീരിയങ്ങൾ പെരുകുന്നു. വ്യക്തികളിൽനിന്ന് വ്യക്തികളിലേക്ക് അവ പകരുന്നത് അത്യപൂർവ്വമാണ്.

ലെപ്‌റ്റോസ്‌പൈറോസിസ് ബാക്ടീരിയങ്ങൾ സമ്പർക്കത്തിലൂടെ പകരുന്നതാണോ?

മനുഷ്യരെ ബാധിക്കുന്ന ലെപ്‌റ്റോസ്‌പൈറോസിസ് ബാക്ടീരിയങ്ങൾ സമ്പർക്കത്തിലൂടെ പകരുവാൻവേണ്ടും ശക്തമല്ല. കാരണം രോഗബാധ ഉണ്ടായിരിക്കുമ്പോഴും, രോഗം കഴിയുമ്പോഴും ഈ ബാക്ടീരിയങ്ങൾ മറ്റ് ജീവികളിൽ എന്നതുപോലെ മനുഷ്യരിലും മൂത്രവിസർജ്ജനത്തിലൂടെ പുറത്ത് പോകും. അതിനാൽ രോഗംബാധിച്ച ആളുകളുടെ മൂത്രവുമായി സമ്പർക്കമുണ്ടാകുകയാണങ്കിൽ മാത്രമേ രോഗം പകരുന്നുള്ളൂ.

വായുവിലൂടെ ഈ ബാക്ടീരിയങ്ങൾ പകരുകയില്ല, മാത്രമല്ല ഉമിനീരിൽ ഉണ്ടായിരിക്കുന്നതിനുള്ള ഭയാശങ്ക വളരെ കുറവുമാണ്. രോഗംബാധിച്ച വ്യക്തിയുടെ രക്തംപുരണ്ടതോ മൂത്രത്താൽ കുതിർന്നതോ ആയ തുണികൾ കൈകാര്യം ചെയ്യുന്ന വ്യക്തിയ്ക്ക് രോഗബാധയുണ്ടാകാനുള്ള സാധ്യതയുണ്ട്. ലൈംഗികബന്ധ സമയത്ത് രോഗം പകർന്നതായുള്ള അത്യപൂർവ്വം ഉദാഹരണങ്ങളേ ഉള്ളൂ. അതിനാൽ അത്തരത്തിലുള്ള രോഗപ്പകർച്ചയുടെ സാധ്യത ഇല്ലെന്നുതന്നെ പറയാം. എന്നാൽ ഗർഭിണികൾക്ക് രോഗബാധയുണ്ടെങ്കിൽ, ഭ്രൂണത്തെയും അത് ബാധിക്കാം.

സമ്പർക്കത്തിലൂടെ പകരുന്നതിന്റെ കാലയളവ്;

എത്ര കാലത്തോളം മൂത്രവിസർജ്ജനത്തിലൂടെ ബാക്ടീരിയങ്ങൾ പുറത്തുപോകുന്നു എന്നതിനെ ആശ്രയിച്ച് നിലകൊള്ളുന്നു. രോഗബാധിതരായ മിക്ക ആളുകളും ഏതാനും ആഴ്ചകൾ മൂത്രവിസർജ്ജ്യത്തോടൊപ്പം ബാക്ടീരിയങ്ങളെ പുറന്തള്ളും.

എങ്കിലും മൂത്രത്തിലൂടെ മനുഷ്യരിൽനിന്ന് ഒരു വർഷംവരെ അവ പുറന്തള്ളപ്പെടുന്നു എന്ന് റിപ്പോർട്ടുകൾ സൂചിപ്പിക്കുന്നു. രോഗബാധ ഉണ്ടായിക്കഴിഞ്ഞാൽ, ഏകദേശം 12 മാസത്തെ ഭയാശങ്ക നിലകൊള്ളുന്നതായി വിദഗ്ദർ ചൂണ്ടിക്കാണിക്കുന്നു.

എലിപ്പനിയ്ക്ക് രോഗപ്രതിരോധൗഷധങ്ങൾ ലഭ്യമാണോ? നിവാരണമാർഗ്ഗങ്ങൾ സാധ്യമാണോ?

എല്ലാ രാജ്യങ്ങളിലും എലിപ്പനിയ്ക്കുവേണ്ടിയുള്ള രോഗപ്രതിരോധൗഷധങ്ങൾ ലഭ്യമല്ല. ഈ രോഗത്തിന്റെ ഉയർന്ന ഭയാശങ്ക നിലകൊള്ളുന്ന ചില ഏഷ്യൻ രാജ്യങ്ങളിലും യൂറോപ്യൻ രാജ്യങ്ങളിലും ചില വാക്‌സിനുകൾ നിലകൊള്ളുന്നു. ദൗർഭാഗ്യവശാൽ, അത്തരം രോഗപ്രതിരോധൗഷധങ്ങൾ ബാക്ടീരിയങ്ങളുടെ പ്രത്യേക വിഭാഗങ്ങൾക്കുവേണ്ടി തയ്യാറാക്കപ്പെട്ടിട്ടുള്ളവയാണ്. 200 ലധികം തരത്തിലുള്ള എലിപ്പനി ബാക്ടീരിയങ്ങൾ നിലവിലുള്ളതിനാൽ എല്ലാറ്റിനും എതിരായ വ്യാപക സംരക്ഷണം അത്തരം വാക്‌സിനുകളിൽനിന്നും ലഭിക്കുക സാധ്യമല്ല.

മൃഗങ്ങൾക്കുവേണ്ടിയുള്ള ചില രോഗപ്രതിരോധൗഷധങ്ങളും നിലവിലുണ്ട്. എന്നാൽ മനുഷ്യർക്കുവേണ്ടിയുള്ള അത്തരം ഔഷധങ്ങളെപ്പോലെതന്നെ നിശ്ചിത വിഭാഗം ബാക്ടീരിയങ്ങൾക്കുവേണ്ടിയുള്ള പ്രതിരോധം മാത്രമേ അവയിൽനിന്നും ലഭ്യമാകുന്നുള്ളൂ. മാത്രമല്ല, വേദനയോടുകൂടിയ നീർവീക്കം ഈ ഔഷധങ്ങൾ സംജാതമാക്കും. ചില പ്രത്യേക സാഹചര്യങ്ങളിൽ, കീമോപ്രോഫിലാക്‌സിസ് (Chemoprophylaxis - രോഗം തടയാൻ പ്രത്യേകതരം മയക്കുമരുന്നുകൾ ഉപയോഗിക്കൽ) രോഗപ്രതിരോധത്തിന് പ്രയോജനകരമാണ്.

നിവാരണമാർഗ്ഗങ്ങൾ

ജന്തുക്കളുടെ വിസർജ്ജ്യങ്ങളുമായി സമ്പർക്കമുണ്ടാകാതെ സൂക്ഷിക്കുന്നതും, നല്ല ആരോഗ്യ പരിതഃസ്ഥിതി പാലിക്കുന്നതും, മലിനമാക്കപ്പെട്ട വെള്ളവും മണ്ണും ഒഴിവാക്കുന്നതും എലിപ്പനി ബാധിക്കാതിരിക്കുന്നതിനുള്ള മാർഗ്ഗങ്ങളാണ്.

നായകളെയും മറ്റ് വളർത്തുമൃഗങ്ങളെയും എലിപ്പനി ബാധിക്കാം. കുറഞ്ഞത് 12 മാസമെങ്കിലും എലിപ്പനി ബാധിക്കാതിരിക്കുവാൻ നായകൾക്കും മറ്റ് മൃഗങ്ങൾക്കും രോഗപ്രതിരോധൗഷധങ്ങൾ നൽകുവാൻ മൃഗഡോക്ടർമാർക്ക് കഴിയും. അത്തരം ജീവികളുടെ ഉടമസ്ഥരെ രോഗബാധയുടെ ഭയാശങ്കയില്ലാതെ ഒരു വർഷത്തോളം പരിപാലിക്കാൻ ഇങ്ങനെ നടത്തുന്ന പ്രരിരോധൗഷധ പ്രയോഗം സഹായിക്കും.