ഈ മുത്തശ്ശിമന്ത്രങ്ങളെല്ലാം ആയുസ്സ് കൂട്ടും

വായുക്ഷോഭത്തിനും പരിഹാരം

പലരും ബുദ്ധിമുട്ടുന്ന ഒന്നാണ് വായു കോപം അഥവാ ഗ്യാസ്ട്രബിള്‍. ഇതിനും പരിഹാരമാണ് ഇഞ്ചി. അല്‍പം ഇഞ്ചി ചെറുതായി അരിഞ്ഞ് വെള്ളം തിളപ്പിച്ച് കുടിച്ചാല്‍ മതി. അല്ലെങ്കില്‍ കാല്‍ ടീസ്പൂണ്‍ ബേക്കിംഗ് സോഡ വെള്ളത്തില്‍ ചേര്‍ത്തു കഴിച്ചാല്‍ വായുകോപത്തിന് ആശ്വാസമുണ്ടാകും.

ആര്‍ത്തവ വേദന

ആര്‍ത്തവ വേദനയ്ക്ക് പരിഹാരവും നമ്മുടെ അടുക്കളയിലുണ്ട്. രണ്ടോ മൂന്നോ നാരങ്ങ പിഴിഞ്ഞ് തണുത്ത വെള്ളത്തില്‍ ദിവസവും രാവിലെ കുടിയ്ക്കുക. ആര്‍ത്തവത്തിന്റെ ഭാഗമായുണ്ടാവുന്ന വേദനയ്ക്ക് അതോടെ പരിഹാരമാകും.

വായപ്പുണ്ണ്

വാഴപ്പഴവും തേനും വായപ്പുണ്ണിന് അത്യുത്തമമാണ്. പുണ്ണ് ബാധിച്ച ഭാഗത്ത് ഇവ രണ്ടും പേസ്റ്റാക്കി തേയ്ക്കുക. വായപ്പുണ്ണിന് ഉടനെ തന്നെ ശമനമുണ്ടാകും.

ഉയര്‍ന്ന രക്തസമ്മര്‍ദ്ദം

പ്രായമായവരെയായിരുന്നു രക്തസമ്മര്‍ദ്ദം മുന്‍പ് പിടിമുറുക്കിയിരുന്നത്. എന്നാല്‍ ഇപ്പോള്‍ പ്രായഭേദമന്യേ എല്ലാവരിലും രക്ത സമ്മര്‍ദ്ദത്തിന്റെ ലെവല്‍ കൂടുതലാണ്. നെല്ലിക്കയും പാലും ചേര്‍ത്ത് ദിവസേന കഴിച്ചാല്‍ രക്ത സമ്മര്‍ദ്ദം നോര്‍മലാകും. ഇത് രാവിലെ കഴിക്കുന്നതായിരിക്കും ഏറ്റവും ഉത്തമം.

തൊണ്ടയിലെ പുണ്ണ്

രണ്ടോ മൂന്നോ തുളസിയില വെള്ളത്തിലിട്ട് കുറഞ്ഞ ചൂടില്‍ തിളപ്പിച്ചതിനു ശേഷം ഇവ പിഴിഞ്ഞ് അതില്‍ നിന്നും ചാറെടുത്ത് അതുകൊണ്ട് വായ കഴുകുക. ഇത് തൊണ്ടയിലെ പുണ്ണിന് പരിഹാരം നല്‍കുന്നു.

പനിക്ക് പരിഹാരം

പനി വന്നാല്‍ പാരസെറ്റമോള്‍ കഴിക്കും

മുന്‍പ്‌ ഒന്ന് ചിന്തിക്കുക. പനി വന്നാല്‍ അല്‍പം പനികൂര്‍ക്ക ചതച്ച് ഇതിന്റെ നീര് കുടിക്കാം. ഇത് പനിയെ പെട്ടെന്ന് തന്നെ ഇല്ലാതാക്കുന്നു.

ആസ്ത്മ

തണുപ്പുകാലമായാല്‍ പിന്നെ ആസ്തമക്കാര്‍ക്ക് പ്രതിസന്ധി തുടങ്ങുകയായി. ഒരു ടേബിള്‍ സ്പൂണ്‍ തേനില്‍ അര ടേബിള്‍ സ്പൂണ്‍ കറുവപ്പട്ട ചേര്‍ത്തു കഴിച്ചാല്‍ ആസ്ത്മ ഇല്ലാതാക്കാം. രാത്രി കഴിക്കുന്നതാണ് ഏറ്റവും നല്ലത്.

മൂക്കടപ്പ്

അല്‍പം കര്‍പ്പൂര തുളസിയിട്ട് തിളപ്പിച്ച വെള്ളം ആവി പിടിച്ചാല്‍ മതി. ഇത് എത്ര വലിയ മൂക്കടപ്പിനേയും നിമിഷ നേരം കൊണ്ട് ഇല്ലാതാക്കുന്നു.

അകാലനര

നെല്ലിക്ക കഷ്ണങ്ങളാക്കി വേവിച്ച് വെളിച്ചെണ്ണയില്‍ കുറുക്കിയെടുത്ത് ദിവസവും തേക്കുക. ഇത് അകാല നരയെന്ന പ്രശ്‌നത്തെ വെറും ദിവസങ്ങള്‍ കൊണ്ട് തന്നെ ഇല്ലാതാക്കുന്നു.

താരനും പരിഹാരം

ഏറ്റവും കൂടുതല്‍ പേര്‍ക്ക് പരിഹാരം ലഭിക്കാത്ത പ്രശ്‌നമാണ് താരന്‍. എന്നാല്‍ ഇപ്പോള്‍ താരനും പരിഹാരം നമ്മുടെ അടുക്കളയില്‍. വെളിച്ചെണ്ണയില്‍ പച്ചക്കര്‍പ്പൂരം ചേര്‍ത്ത് കിടക്കാന്‍ പോകുന്നതിനു മുന്‍പ് തലയില്‍ തേച്ചാല്‍ താരനും എന്നെന്നേക്കും വിട നല്‍കാം.