കിടക്കാന്‍ നേരം രണ്ടു ബദാം കഴിയ്ക്കൂ

രാത്രി ബദാം

രാത്രി ബദാം കഴിയ്ക്കുന്നത് ആരോഗ്യപരമായ പല ഗുണങ്ങളും നല്‍കുന്ന ഒന്നാണ്. രാത്രി ഉറങ്ങുന്ന സമയത്ത് 6-8 മണിക്കൂറുകള്‍ വരെ ശരീരത്തിന് ഭക്ഷണം ലഭിയ്ക്കുന്നില്ല. എന്നാല്‍ ഈ സമയത്താണ് മസിലുകള്‍ കേടുപാടുകള്‍ തീര്‍ക്കുന്ന സമയം. അതായത് നാം ഉറങ്ങുന്ന സമയം. ബദാമില്‍ ഒമേഗ 3 ഫാറ്റി ആസിഡുകളും നല്ല കൊഴുപ്പുകളുമുണ്ട്. ഇത് ശരീരം പതുക്കെയാണ് ദഹിപ്പിയ്ക്കുക. അതായത് രാത്രി മുഴുവന്‍ ശരീരത്തിന് ആവശ്യമായ പോഷകങ്ങള്‍ ഇതില്‍ നിന്നും ലഭ്യമാകുന്നു എന്നര്‍ത്ഥം. ഇതു വഴി മസിലുകള്‍ക്കും ശരീരത്തിന്റെ മറ്റു പ്രവര്‍ത്തനങ്ങള്‍ക്കും ആവശ്യമായ ഊര്‍ജം ലഭിയ്ക്കുന്നു.

പ്രോട്ടീന്‍

രാത്രി കഴിയ്ക്കുന്ന ബദാമില്‍ നിന്നും പ്രോട്ടീന്‍ ഉള്‍പ്പെടെയുള്ള പ ഘടകങ്ങളും ശരീരത്തിന് ലഭിയ്ക്കുന്നുണ്ട്. ഇതുകൊണ്ടുതന്നെ രാവിലെ എഴുന്നേല്‍ക്കുമ്പോള്‍ ക്ഷീണം തോന്നില്ല. ഊര്‍ജത്തോടെ എഴുന്നേല്‍ക്കാനും ഇതു സഹായിക്കും. ഈ ഊര്‍ജം ദൈനംദിന കാര്യങ്ങള്‍ക്കു സഹായിക്കുകയും ചെയ്യും.

ശോധന

ധാരാളം നാരുകള്‍ അടങ്ങിയ ഒരു ഭക്ഷണ വസ്തു കൂടിയാണ് ബദാം. ഇതിലെ നാരുകള്‍ നല്ല ശോധനയ്ക്കു സഹായിക്കുന്ന ഒന്നാണ്. രാത്രി കഴിയ്ക്കുമ്പോള്‍ ഇതിലെ നാരുകള്‍ ശരീരത്തിന് ആഗിരണം ചെയ്യാനുള്ള സമയം കൂടുതല്‍ ലഭിയ്ക്കുന്നു. ഇത് ദഹനത്തിനും നല്ല ശോധനയ്ക്കുമെല്ലാം സഹായിക്കുകയും ചെയ്യുന്നു.

തടി

രാത്രി ബദാം കഴിയ്ക്കുന്നത് തടി വര്‍ദ്ധിപ്പിയ്ക്കുമെന്ന തെറ്റിദ്ധാരണ പലര്‍ക്കുമുണ്ട്. എന്നാല്‍ ഇതില്‍ വാസ്തവമില്ല. നല്ല കൊഴുപ്പാണ് ഇതിലുള്ളത്. ഇതുകൊണ്ടുതന്നെ തടി കൂട്ടുകയല്ല, കുറയ്ക്കുക തന്നെയാണ് ചെയ്യുക. ഇതിലെ പോഷകങ്ങള്‍ രാത്രിയുള്ള ശാരീരിക പ്രവര്‍ത്തനങ്ങള്‍ക്ക് ഉപയോഗിയ്ക്കപ്പെടും. കൊഴുപ്പായി ശരീരത്തില്‍ സൂക്ഷിച്ചു വയ്ക്കില്ല. കാരണം ഇത് ശരീരത്തിന് ആവശ്യമായ ഊര്‍ജമായി രൂപാന്തരപ്പെടുകയാണ്.

കൊളസ്‌ട്രോള്‍

കൊളസ്‌ട്രോള്‍ കുറയ്ക്കാനുള്ള നല്ലൊരു വഴിയാണ് ബദാം കഴിയ്ക്കുകയെന്നത്. ഇത് നല്ല കൊളസ്‌ട്രോള്‍ കൂട്ടാനും മോശം കൊളസ്‌ട്രോള്‍ കളയാനുമുള്ള നല്ലൊരു വഴിയാണ്. ഇതുകൊണ്ടുതന്നെ ഹൃദയാരോഗ്യത്തിനും ഏറെ ആരോഗ്യകരമാണ്.

മസിലുകള്‍ക്കായി

മസിലുകള്‍ക്കായി രാത്രി കിടക്കുന്നതിന് അര മണിക്കൂര്‍ മുന്‍പുള്ള ബദാം ഏറെ ഗുണം ചെയ്യും. ഇത് മസിലുകളുടെ വേദനയും കേടുപാടുകളുമെല്ലാം തീര്‍ക്കാന്‍ നല്ലതാണ്. ഇതിലെ പ്രോട്ടീനുകളാണ് ഈ ഗുണം നല്‍കുന്നത്.ടെസ്‌റ്റോസ്റ്റിറോണ്‍ മസില്‍ വളര്‍ച്ചയ്ക്കും അത്യാവശ്യമാണ്.പ്രായമേറുന്തോറും പുരുഷന്മാരില്‍ പുരുഷഹോര്‍മോണ്‍ അതായത് ടെസ്‌റ്റോസ്റ്റിറോണ്‍ ഹോര്‍മോണ്‍ കുറയും. ഇതിനുള്ള നല്ലൊരു പരിഹാരമാണ് ബദാം. ഇത് ടെസ്റ്റോസ്റ്റിറോണ്‍ ഹോര്‍മോണ്‍ ഉല്‍പാദനത്തെ സഹായിക്കും.

സെക്‌സ് എനര്‍ജി

സെക്‌സ് എനര്‍ജിയ്ക്കു പറ്റിയ നല്ലൊരു വഴി കൂടിയാണ് രാത്രി കിടക്കാന്‍ നേരം ബദാം കഴിയ്ക്കുന്നത്. ഇതില്‍ പാലില്‍ അരച്ചു ചേര്‍ത്തു കഴിച്ചാലും തേന്‍ ചേര്‍ത്തു കഴിച്ചാലുമെല്ലാം ഗുണങ്ങള്‍ ഇരട്ടിയ്ക്കും. സെക്‌സ് ഊര്‍ജം നല്‍കാന്‍ ഇത് ഏറെ സഹായകമാണ്.പുരുഷഹോര്‍മോണ്‍ ഉല്‍പാദനത്തിനു സഹായിക്കുന്നതു മാത്രമല്ല, ഇതിലെ ആര്‍ജിനൈന്‍ എന്നത് പുരുഷലൈംഗികശേഷിയ്‌ക്കേറെ നല്ലതാണ്.

ക്യാന്‍സര്‍

ബദാം കഴിക്കുന്നത്‌ ക്യാന്‍സര്‍ തടയാന്‍ സഹായിക്കും. ഇതിലടങ്ങിയിട്ടുള്ള ഫ്‌ളവനോയിഡുകളും വിറ്റാമിനുകളുമാണ്‌ ഇതിന്‌ സഹായിക്കുന്നത്‌. കുതിര്‍ത്ത ബദാമില്‍ വിറ്റാമിന്‍ ബി17 അടങ്ങിയിട്ടുണ്ട്‌. ക്യാന്‍സര്‍ ചെറുക്കാന്‍ ഇവ വളരെ പ്രധാനമാണ്‌.

തലച്ചോറിന്റെ ആരോഗ്യത്തിനുള്ള നല്ലൊരു വഴി

തലച്ചോറിന്റെ ആരോഗ്യത്തിനുള്ള നല്ലൊരു വഴി കൂടിയാണ് ബദാം. തലച്ചോറിന്റെ ആരോഗ്യത്തിനുള്ള നല്ലൊരു വഴി കൂടിയാണ് ബദാം. ഓര്‍മശക്തി വര്‍ദ്ധിപ്പിയ്ക്കാനും പ്രായാധിക്യം കാരണമുള്ള അല്‍ഷീമേഴ്‌സ് രോഗങ്ങള്‍ തടയാനും ഇത് ഏറെ നല്ലതാണ്.

പ്രമേഹവും ബിപിയും

പ്രമേഹവും ബിപിയും തടയുന്നതിനുള്ള നല്ലൊരു വഴി കൂടിയാണിത്. രക്തത്തിലെ പഞ്ചസാര, ഇന്‍സുലീന്‍, സോഡിയം എന്നിവയുടെ അളവ്‌ കുറയ്‌ക്കുകയും പ്രമേഹവും രക്തസമ്മര്‍ദ്ദവും ഉണ്ടാകുന്നത്‌ നിയന്ത്രിക്കാന്‍ സഹായിക്കുന്ന മംഗ്നീഷ്യത്തിന്റെ അളവ്‌ ഉയര്‍ത്തുകയും ചെയ്യും.