ആര്‍ത്തവവിരാമം പെട്ടെന്നോ, ആ രഹസ്യം

പാരമ്പര്യം

ചിലപ്പോൾ ഇത് പാരമ്പര്യമായി ലഭിച്ചതാകാം. അതായത് അമ്മയിൽ നിന്നും മകളിലേക്ക്. അമ്മയ്ക്ക് നേരത്തെ ആർത്തവവിരാമം സംഭവിച്ചാൽ മകൾക്കും സംഭവിക്കാം. അതുകൊണ്ട് നിങ്ങളുടെ അമ്മയ്ക്ക് 30നോ 40 വയസ്സിനോ മുൻപ് ആർത്തവവിരാമം സംഭവിച്ചിട്ടുണ്ടെങ്കിൽ നേരത്തെ തന്നെ ഡോക്ടറെ സമീപിച്ചു ആവശ്യമായ മുൻകരുതലുകൾ എടുക്കേണ്ടതാണ്.

ആരോഗ്യ പ്രശ്നങ്ങൾ

ക്യാൻസറോ പല തവണ റേഡിയേഷനും കീമോതെറാപ്പിയുമെല്ലാം ചെയ്തിട്ടുള്ള സ്ത്രീകളിൽ അണ്ഡാശയം ചുരുങ്ങുന്നതുവഴി നേരത്തെ ആർത്തവവിരാമം സംഭവിക്കാം. അണ്ഡാശയം നീക്കം ചെയ്ത സ്ത്രീകളിലും നേരത്തെ ആർത്തവവിരാമം കാണുന്നു.

പ്രതിരോധശേഷി കുറയ്ക്കുന്ന/ഓട്ടോഇമ്മ്യൂൺ രോഗങ്ങൾ

പ്രതിരോധശേഷി കുറയ്ക്കുന്ന രോഗങ്ങളായ വാതം, തൈറോയിഡ് രോഗങ്ങൾ എന്നിവ പ്രതിരോധശേഷി കുറയ്ക്കുകയും ശരീരം മുഴുവൻ വീക്കം ഉണ്ടാക്കുകയും ചെയ്യും. ഇത് അണ്ഡാശയത്തെ ബാധിക്കുകയും അതിന്റെ പ്രവർത്തനത്തെ തടസ്സപ്പെടുത്തുകയും ചെയ്യും.

ക്രോമസോമിലെ അപാകതകൾ

ക്രോമസോമിലെ ചില അപാകതകൾ നേരത്തെയുള്ള ആർത്തവവിരാമത്തിന് കാരണമാകാറുണ്ട്. അണ്ഡാശയം ശരിയായി പ്രവർത്തിക്കാത്ത ട്യൂണർ സിൻഡ്രോം പോലുള്ളവയോ, സെക്സ് ക്രോമസോമിലെ തകരാറുകൾ,ഡൗൺ സിൻഡ്രം,ഗോന്നഡാൽ ഡിസ്‌ജെനിസിസ് തുടങ്ങിയവ അണ്ഡാശയം പൂർണ്ണമായും രൂപപ്പെടാൻ അനുവദിക്കില്ല. ആർത്തവവിരാമം, വന്ധ്യത എന്നിവ കൂടാതെ കുട്ടിക്കാലത്തെ വളർച്ചയെയും/ഡെവലപ്മെന്റിനെയും ഇവ ബാധിക്കുന്നു.

അപസ്മാരം

അപസ്മാരം ഉള്ള സ്ത്രീകളിൽ അണ്ഡാശയത്തിനു ചില പ്രശ്‍നങ്ങൾ ഉണ്ടായി നേരത്തെ ആർത്തവവിരാമം സംഭവിക്കുന്നതായി കാണുന്നു.അപസ്മാരം ഉള്ള സ്ത്രീകളിൽ ശരാശരി 39 വയസ്സിൽ തന്നെ അണ്ഡശയാപ്രശ്നങ്ങൾ കാണുന്നുവെന്ന് എപ്പിസെപ്ഷ്യ ജേണലിൽ പറയുന്നു.

ജീവിതശൈലി ഘടകങ്ങൾ:

പൊണ്ണത്തടി, പിസിഒഡി, പുകവലി, കുറഞ്ഞ ബി.എം.ഐ തുടങ്ങിയ ഘടകങ്ങൾ അണ്ഡാശയത്തിന്റെ പ്രവർത്തനത്തെ സ്വാധീനിക്കുകയും ഹോർമോൺ മാറ്റങ്ങൾ ഉണ്ടാക്കുകയും നേരത്തെയുള്ള ആർത്തവവിരാമത്തിനു കാരണമാക്കുകയും ചെയ്യുന്നു