പുഴുങ്ങിയ മുട്ട എത്ര ദിവസം സൂക്ഷിക്കാം

മുട്ട പാകം ചെയ്യുമ്പോള്‍

മുട്ട പാകം ചെയ്യുമ്പോള്‍ ഇതിന്റെ പുറത്തെ പാളി നീക്കപ്പെടുന്നു. ഇത് അന്തരീക്ഷവുമായി സമ്പര്‍ക്കത്തില്‍ വരുമ്പോള്‍ ബാക്ടീരിയയും മറ്റ് ഘടകങ്ങളും ചേര്‍ന്ന് ആരോഗ്യത്തിന് ഹാനീകരമായി മാറുകയാണ് ചെയ്യുന്നത്.

നല്ലതു പോലെ വേവിച്ചാല്‍

നല്ലതു പോലെ വേവിച്ച മുട്ടയാണ് സൂക്ഷിച്ച് വെയ്ക്കുന്നതെങ്കില്‍ അത് അഞ്ച് ദിവസം വരെ കേടുകൂടാതെ ഇരിയ്ക്കും. എങ്കിലും പഴകിയ ഭക്ഷണ സാധനമായതിനാല്‍ സൂക്ഷിച്ചുപയോഗിക്കുന്നതാണ് നല്ലത്.

വേവ് കുറഞ്ഞാല്‍

ചിലര്‍ മുട്ട വേണ്ടത്ര സമയം വേവിയ്ക്കില്ല. എന്നാല്‍ അത് ഉടനെ കഴിച്ച് തീര്‍ക്കുന്നതാണ് നല്ലത്. അല്ലാത്ത പക്ഷം നല്ലതു പോലെ വേവിക്കാത്ത മുട്ട മാക്‌സിമം മൂന്ന് ദിവസം വരേയെ വെയ്ക്കാന്‍ പാടുകയുള്ളൂ.

മുട്ട കഴിയ്ക്കുന്നത്

വേവിച്ച മുട്ടയാവുമ്പോള്‍ വേഗം കഴിയ്ക്കുന്നതാണ് നല്ലത്. കാരണം അല്ലാത്ത പക്ഷം അതുണ്ടാക്കുന്ന ആരോഗ്യ പ്രശ്‌നങ്ങള്‍ ചില്ലറയല്ല.

ബാക്കി വന്നു കഴിഞ്ഞാല്‍

എന്നാല്‍ ഉപയോഗിച്ച ശേഷം ബാക്കി വരുമെന്ന് തോന്നിയാല്‍ പാചകം ചെയ്ത ഉടനേ തന്നെ അവ നല്ലതു പോലെ വെള്ളത്തിലിട്ട് തണുപ്പിക്കാം. പിന്നീട് ഫ്രിഡ്ജില്‍ സൂക്ഷിക്കാം.

വേവിച്ച മുട്ട ചീത്തയാണെങ്കില്‍

വേവിച്ച മുട്ട ചീത്തയാണെങ്കില്‍ പെട്ടെന്ന് തന്നെ മനസ്സിലാക്കാം. വേവിച്ച മുട്ടയ്ക്ക് സള്‍ഫറിന്റെ അസുഖകരമായ ഗന്ധം ഉണ്ടായിരിക്കും. ഉടനെ തന്നെ ഇത് കളയുക.

എങ്ങനെ മനസ്സിലാക്കാം

വേവിച്ച മുട്ടയില്‍ നിന്നും ചീത്തയാണെങ്കില്‍ പോലും ദുര്‍ഗന്ധം ഉണ്ടാവാനുള്ള സാധ്യത കുറവായിരിക്കും.അതുകൊണ്ട് തന്നെ മുട്ടത്തോടിനുള്ളിലാണ് വേവിച്ച മുട്ടയെങ്കില്‍ ഉടന്‍ തന്നെ തോട് പൊട്ടിച്ച് പരിശോധിയ്ക്കണം.