ബിപി കൂടുതലോ, ഒരേയൊരു ലക്ഷണം

തലവേദന

തലവേദനയെല്ലാം രക്തസമ്മര്‍ദ്ദത്തിന്റെ ലക്ഷണങ്ങളാകണമെന്നില്ല. എന്നാല്‍ പലപ്പോഴും നമ്മള്‍ അവഗണിക്കുന്ന തലവേദന രക്തസമ്മര്‍ദ്ദത്തിന്റെ ലക്ഷണമാകും. തലച്ചോറിലേക്കുള്ള ഓക്‌സിജന്റെ അളവില്‍ കുറവ് സംഭവിക്കുമ്പോഴാണ് ഇത്തരത്തില്‍ തലവേദനയുണ്ടാകുന്നതും. വളരെയധികം ശ്രദ്ധിക്കേണ്ട ലക്ഷണങ്ങളില്‍ ഒന്നാണ് ഇത്.

മൂക്കില്‍ നിന്നും രക്തസ്രാവം

മൂക്കില്‍ നിന്നും രക്തം വരുന്നതും രക്തസമ്മര്‍ദ്ദത്തിന്റെ പ്രകടമായ ലക്ഷണങ്ങളിലൊന്നാണ്. പലപ്പോഴും നമ്മള്‍ അത്ര പ്രാധാന്യം നല്‍കാതെ അവഗണിക്കുന്ന ലക്ഷണങ്ങളില്‍ വലുതാണ് ഇത്. അതുകൊണ്ട് തന്നെ ഇത്തരം ലക്ഷണം കണ്ടാല്‍ ഒരിക്കലും അവഗണിക്കരുത്.

കണ്ണിലെ വേദന

കാഴ്ച സംബന്ധമായ തകരാറുകള്‍ കൊണ്ട് പലപ്പോഴും കണ്ണിന് പ്രശ്‌നങ്ങള്‍ ഉണ്ടാവാം. എന്നാല്‍ ഇത് രക്തസമ്മര്‍ദ്ദത്തിന്റെ ലക്ഷണങ്ങളില്‍ പ്രധാനപ്പെട്ട ഒന്നാണ്. പലപ്പോഴും രക്തസമ്മര്‍ദ്ദം ഉയരുന്നതിന്റെ സൂചനയാവാം.

നിരന്തരമുള്ള ചുമ

നിര്‍ത്താതെയുള്ള ചുമയാണ് മറ്റൊന്ന്, നിരന്തരമുള്ള ചുമ ഇത്തരത്തില്‍ രക്തസമ്മര്‍ദ്ദത്തിന്റെ തോത് ഉയരുന്നതിന്റെ ലക്ഷണമാണ്. അതുകൊണ്ടു തന്നെ ഉടന്‍ ഡോക്ടറെ കണ്ട് പരിശോധിക്കേണ്ടതാണ്.

നെഞ്ചു വേദന

നെഞ്ച് വേദന പല രോഗത്തിന്റേയും ലക്ഷണമാകാം. പലപ്പോഴും ഇത്തരം ലക്ഷണങ്ങള്‍ ഹൃദ്രോഗത്തിന്റെ ഗണത്തിലാണ് നമ്മള്‍ പെടുത്താറ്. എന്നാല്‍ പല നെഞ്ചു വേദനകളും രക്തസമ്മര്‍ദ്ദത്തിന്റെ കൂടി ലക്ഷണമാകാം.

മാനസിക ക്ഷീണം

ശാരീരികവും മാനസികവുമായ ക്ഷീണം എപ്പോഴും ഉണ്ടാവുന്നത് രക്തസമ്മര്‍ദ്ദം ഉയര്‍ന്ന തോതിലാണ് എന്നതിന്റെ ലക്ഷണമാണ്. ഇതിന്റെ പേരില്‍ ശരിയായ ചികിത്സ എടുക്കുകയാണ് ചെയ്യേണ്ടത്.