യാത്ര ചെയ്യുമ്പോള്‍ മലബന്ധമോ, പരിഹാരമുണ്ട്

യാത്ര ചെയ്യുമ്പോള്‍ മലബന്ധമോ, പരിഹാരമുണ്ട്

രാവിലെ എഴുന്നേറ്റാല്‍ അല്‍പനേരം നടക്കുകയോ ലഘുവായ വ്യായാമം ചെയ്യുകയോ ആവാം. ഇത് മലബന്ധമകറ്റാന്‍ സഹായിക്കും.

വെള്ളം

രാവിലെ വെറുംവയറ്റില്‍ ചൂടുവെള്ളം കുടിയ്ക്കുക. അല്ലെങ്കില്‍ സാധാരണ വെള്ളമെങ്കിലും കുടിയ്ക്കുക. ഇതും ശോധന സുഖകരമാക്കും. യാത്ര കാരണം വെള്ളംകുടി കുറയ്ക്കുന്ന ശീലവും വേണ്ട.

ഭക്ഷണത്തില്‍

യാത്രയിലാണെങ്കിലും ഭക്ഷണത്തില്‍ നാരുകള്‍ കലര്‍ന്ന ഭക്ഷണവും പഴങ്ങളുമെല്ലാം ഉള്‍പ്പെടുത്തുക. ഇത് ഗുണം ചെയ്യും.

ദിനചര്യ

എന്നും ഉണരുന്ന സമയത്തു തന്നെ ഉണരാന്‍ ശ്രമിയ്ക്കുക. ഇത് സാധാരണ രീതിയിലുള്ള ശോധന ലഭിയ്ക്കാന്‍ സഹായിക്കും. ബാക്കിയുള്ള ഉറക്കം ദിനചര്യകള്‍ക്കു ശേഷം മാറ്റി വയ്ക്കാം.

കൃത്യസമയത്ത് ആരോഗ്യകരമായ ഭക്ഷണം

ഭക്ഷണവും കൃത്യസമയത്താക്കാന്‍ ശ്രമിയ്ക്കുക. കൃത്യസമയത്ത് ആരോഗ്യകരമായ ഭക്ഷണം സാധാരണ അളവില്‍ കഴിയ്ക്കുക.

കാപ്പി, മദ്യം, സോഫ്റ്റ് ഡ്രിങ്കുകള്‍

യാത്ര ചെയ്യുമ്പോള്‍ കാപ്പി, മദ്യം,സോഫ്റ്റ് ഡ്രിങ്കുകള്‍

തുടങ്ങിയവയുടെ അമിതഉപയോഗം കുറയ്ക്കു. ഇവ മലബന്ധത്തിന് കാരണമാകുന്നവയാണ.

മസിലുകള്‍ക്ക് മര്‍ദം

വയറ്റിലെ മസിലുകള്‍ക്ക് മര്‍ദം നല്‍കുന്ന തരത്തിലുള്ള വ്യായാമങ്ങള്‍ ചെയ്യുന്നത് നല്ലതാണ്. പുഷ്അപ് പോലുള്ളവ. യോഗയിലെ ശ്വസനക്രിയകളും ഗുണം ചെയ്യും.

ടോയ്‌ലറ്റില്‍

ടോയ്‌ലറ്റില്‍ പോകാനുള്ള പ്രേരണയുണ്ടാകുമ്പോള്‍ തന്നെ പോകാന്‍ ശ്രമിയ്ക്കുക. ഇത് പിടിച്ചു നിര്‍ത്തുന്നത് പ്രശ്‌നമണ്ടാക്കും.

സപ്ലിമെന്റുകള്‍

കാല്‍സ്യം സപ്ലിമെന്റുകള്‍, അയേണ്‍ സപ്ലിമെന്റുകള്‍, അന്റാസിഡുകള്‍, ഡൈയൂറെറ്റിക്കുകള്‍ എന്നിവ മലബന്ധമുണ്ടാക്കുന്നവയാണ്. അത്യാവശ്യമല്ലെങ്കില്‍ യാത്ര ചെയ്യുന്ന സമയത്ത് ഇത് ഒഴിവാക്കുക.