വെടിക്കെട്ടപകടത്തേക്കാള്‍ ഭീകരം ഈ അവസ്ഥ

തൊലിപ്പുറത്ത് മാത്രമുള്ള പൊള്ളല്‍

തൊലിപ്പുറത്തുള്ള പൊള്ളല്‍ മുറിവിന്റെ ആഴമനുസരിച്ച് ചികിത്സിക്കപ്പെടേണ്ടതാണ്. ചൂടുവെള്ളം വീണോ, നീരാവി കൊണ്ടോ ആണ് ഇത്തരം പൊള്ളലുകള്‍ ഉണ്ടാവുന്നത്. രണ്ടാഴ്ച കൊണ്ട് സുഖപ്പെടുന്ന പൊള്ളലാണ്. എന്നാല്‍ സൂക്ഷിച്ചില്ലെങ്കില്‍ ഇ്ന്‍ഫെക്ഷന്‍ ഉണ്ടാവാനുള്ള സാധ്യതയും വളരെ കൂടുതലാണ്.

ചര്‍മ്മത്തെ മുഴുവനായി ഇല്ലാതാക്കുന്നു

ചര്‍മ്മത്തെ മുഴുവനായി പൊള്ളിക്കുന്ന ഇത്തരം പൊള്ളലുകള്‍ അല്‍പം സൂക്ഷിക്കേണ്ടതാണ്. നീറ്റലും വേദനയും സഹിക്കാവുന്നതിലും അപ്പുറമായിരിക്കും. മാത്രമല്ല തൊലി ചുവന്ന് തടിയ്ക്കുന്നതോടൊപ്പം കുമിളകളും ഉണ്ടാവുന്നു.

വേദന ഇല്ലാത്ത പൊള്ളല്‍

പൊള്ളലിന്റെ കാറ്റഗറിയില്‍ ഏറ്റവും ഗുരുതരമായ ഒന്നാണ് ഇത്. ചര്‍മ്മവും അതിന് താഴെയുള്ള കലകളും നശിക്കുകയും അതോടൊപ്പം തന്നെ നാഡീ കോശങ്ങളും രക്തധമനികള്‍ക്കും കേടുപാട് സംഭവിയ്ക്കുകയും ചെയ്യും. പ്ലാസ്റ്റിക് സര്‍ജറിയാണ് ഇതിനുള്ള ഏക പോംവഴി.

പൊള്ളലും മരണവും

പൊള്ളലിന്റെ തീവ്രത അനുസരിച്ചാണ് മരണനിരക്ക് കൂടുന്നതും കുറയുന്നതും. ഒരാളുടെ ശരീരത്തില്‍ 20 ശതമാനം പൊള്ളലേറ്റാല്‍ തന്നെ അത് വളരെ ഗൗരവമേറിയതാണ്. 50 ശതമാനമാണ് പൊള്ളലിന്റെ തോതെങ്കില്‍ മരണം സംഭവിയ്ക്കാം.

അവയവങ്ങളിലെ പൊള്ളല്‍

മൂക്ക്, വായ, കഴുത്ത്, മുഖം എന്നീ അവയവങ്ങളിലെ പൊള്ളല്‍ അതീവ ഗുരുതരമാണ്. മാത്രമല്ല ഇത് ശ്വാസ തടസ്സത്തിന് വരെ കാരണമാതകുകയും മരണം സംഭവിയ്ക്കുകയും ചെയ്യും.

കൈകാലുകളിലെ പൊള്ളല്‍

കൈകാലുകളില്‍ ഏല്‍ക്കുന്ന പൊള്ളല്‍ നിസ്സാരമാക്കരുത്. പ്രത്യേക പരിഗണനയും ചികിത്സയും ആവശ്യമാണ്. രക്തയോട്ടം വരെ നിലച്ചു പോകാന്‍ സാധ്യതയുണ്ട്.

പൊള്ളലേറ്റാല്‍ ഉടന്‍ തന്നെ മാറ്റികിടത്തുക

പൊള്ളലേറ്റാല്‍ ആദ്യം തന്നെ ചെയ്യേണ്ടത് സംഭവസ്ഥലത്ത് നിന്ന് ആളെ ഉടന്‍ തന്നെ മാറ്റിക്കിടത്തുക എന്നതാണ്.

വെള്ളം ഒഴിയ്ക്കുക

വെള്ളം ഒഴിച്ച് വൃത്തിയാക്കുകയോ തുണി നനച്ചിടുകയോ ചെയ്യാം. എന്നാല്‍ ഒരിക്കലും പൊള്ളലേറ്റ ഭാഗം സ്പര്‍ശിക്കരുത്.

വസ്ത്രങ്ങള്‍ നീക്കം ചെയ്യാന്‍ ശ്രമിക്കരുത്

ഒരിക്കലും പൊള്ളലേറ്റയാളുടെ ദേഹത്തുള്ള വസ്ത്രങ്ങള്‍ നീക്കം ചെയ്യാന്‍ ശ്രമിക്കരുത്. ഇത് പൊള്ളല്‍ ഗുരുതരമാകാന്‍ കാരണമാകും. കാരണം വസ്ത്രം ദേഹത്ത് ഒട്ടിപ്പിടിച്ചിട്ടുണ്ടെങ്കില്‍ ഇത് നീക്കം ചെയ്യാന്‍ ശ്രമിച്ചാല്‍ ആ ഭാഗത്തെ ചര്‍മ്മം കൂടി പ്രശ്‌നത്തിലാകും.

മഷി പുരട്ടരുത്

പൊള്ളലേറ്റ സ്ഥലത്ത് നമ്മുടെ വീട്ടു ചികിത്സ നടത്തരുത്. ഒരിക്കലും മഷിയോ ഉപ്പോ തേനോ പുരട്ടരുത്.

ആശുപത്രിയിലേക്ക്

പൊള്ളല്‍ ഗുരുതരമാണെങ്കില്‍ ഉടന്‍ തന്നെ ആശുപത്രിയിലേക്ക് മാറ്റുക. പ്രാഥമിക ശുശ്രൂഷ നല്‍കിയതിനു ശേഷം വേണം ആശുപത്രിയിലേക്ക് മാറ്റാന്‍.