തടി കുറയ്ക്കാനും ചായ

Published: Friday, February 14, 2014, 15:49 [IST]

തടി കുറയ്ക്കാന്‍ പല ഭക്ഷണങ്ങളും പാനീയങ്ങളുമുണ്ട്. എന്തിന്, വെള്ളം കുടിയ്ക്കുന്നതു തന്നെ ശരീരത്തിലെ കൊഴുപ്പു പുറന്തള്ളുമെന്നു പറയുന്നു.

ചായ മിക്കവാറും പേരുടെ ഭക്ഷണശീലങ്ങളില്‍ പ്രധാനപ്പെട്ട ഒന്നാണെന്നു പറയാം. ചായ തന്നെ പലതരമുണ്ട്. കട്ടന്‍ ചായ, പാല്‍ ചേര്‍ത്ത ചായ, ഗ്രീന്‍ ടീ എന്നിങ്ങനെ പോകുന്നു ഇത്.

ചായയിലും തടി കുറയ്ക്കാന്‍ സഹായിക്കുന്ന ചില പ്രത്യേകതരം ചായകളുണ്ട്. ഇവയേതൊക്കെയെന്നു നോക്കൂ, ഇവ പലതും തികച്ചും പ്രകൃതിദത്ത വഴികളിലൂടെ നമുക്കു തന്നെ തയ്യാറാക്കാവുന്നതേയുള്ളൂ.

റോസ് ടീ

ചായ തിളപ്പിയ്ക്കുമ്പോള്‍ അല്‍പം റോസിതളുകള്‍ ചേര്‍ക്കുക. തടി കുറയ്ക്കാന്‍ ഇൗ റോസ് ടീ നല്ലതാണ്. തടി കുറയ്ക്കാന്‍ മാത്രമല്ല, തിളങ്ങുന്ന ചര്‍മം ലഭിയ്ക്കാനും മലബന്ധം പരിഹരിയ്ക്കാനുമുള്ള നല്ലൊരു പരിഹാരമാണിത്.

ഊലോംഗ് ടീ

ഊലോംഗ് ടീ തടി കുറയ്ക്കാന്‍ സഹായിക്കുന്ന മറ്റൊരു ചായയാണെന്നു പറയാം. ഇത് 20 മിനിറ്റോളം തിളപ്പിയ്ക്കണം. ഇത് ശരീരത്തിലെ കൊഴുപ്പു പുറന്തള്ളാന്‍ സഹായിക്കുന്ന നല്ലൊരു ചായയാണിത്.

കട്ടന്‍ ചായ

കട്ടന്‍ ചായ തടി കുറയ്ക്കാന്‍ നല്ലതാണ്. പാല്‍ ചേര്‍ക്കാത്തതു കൊണ്ടു മാത്രമല്ല, ഇത് ശരീരത്തിലെ കൊഴുപ്പു കത്തിച്ചു കളയാന്‍ സഹായിക്കും.

ലെമണ്‍ ടീ

ലെമണ്‍ ടീ തടി കുറയ്ക്കാന്‍ സഹായിക്കുന്ന മറ്റൊരു ചായയാണ്. ചെറുനാരങ്ങയില്‍ ആന്റിഓക്‌സിഡന്റുകളുണ്ട്. ഇത് ശരീരത്തില്‍ നിന്നും വിഷാംശം നീക്കം ചെയ്യാനും ചര്‍മം തിളക്കമുള്ളതാകാനും കൂടി സഹായിക്കും.

കൊഴുപ്പു കുറഞ്ഞ പാല്‍

ചായയില്‍ കൊഴുപ്പു കുറഞ്ഞ പാല്‍ ചേര്‍ത്തും പഞ്ചസാര കുറച്ചുമെല്ലാ്ം ഉണ്ടാക്കുന്നതും തടി കുറയ്ക്കാന്‍ നല്ലതാണ്. ഇത് വിശപ്പു കുറയ്ക്കുമെന്നതാണ് കാരണം.

ഗ്രീന്‍ ടി

തടി കുറയ്ക്കാന്‍ സഹായിക്കുന്ന മറ്റൊരു ചായയാണ് ഗ്രീന്‍ ടി. ഇത് ശരീരത്തിലെ കൊഴുപ്പു നീക്കം ചെയ്യും. ആരോഗ്യഗുണങ്ങള്‍ ഏറെയുള്ള ഈ ചായ ചര്‍മത്തിനും നല്ലതാണ്.