ഡോക്ടര്‍ കണ്ടെത്താനിടയില്ലാത്ത രോഗങ്ങള്‍

വാസോമോട്ടര്‍ റൈനിറ്റിസ്‌

മൂക്കില്‍ നിന്ന് വെള്ളമൊഴുകുന്ന പ്രശ്നം നിസാരമായ അലര്‍ജികൊണ്ടാണെന്ന് പലപ്പോഴും കരുതപ്പെട്ടേക്കാം. വാസോമോട്ടര്‍ റൈനിറ്റിസ്‌ എന്നാണ് ഇത് അറിയപ്പെടുന്നത്.

സെലിയാക് രോഗം

ദഹനസംബന്ധമായ തകരാറുകള്‍ കൊണ്ടുണ്ടാവുന്ന പ്രശ്നമാണ് സെലിയാക് ഡിസീസ് എന്ന രോഗം. ഈ രോഗമുള്ളവര്‍ക്ക് ആഹാരത്തില്‍ നിന്ന് ശരിയായ രീതിയില്‍ പോഷകങ്ങള്‍ ആഗിരണം ചെയ്യാനുള്ള കഴിവ് കുറവായിരിക്കും.അവരുടെ ചെറുകുടലിലെ തകരാറാണ് ഇതിന് കാരണമാകുന്നത്. അതിസാരം, ഏമ്പക്കം, വയറ് ചീര്‍ക്കല്‍, കൃത്യതയില്ലാത്ത മലവിസര്‍ജ്ജനം എന്നിവയൊക്കെ ഇതിന്‍റെ ലക്ഷണങ്ങളാണ്.

തൈറോയ്ഡ് തകരാറുകള്‍

തൈറോയ്ഡ് തകരാറുള്ളവരില്‍ കാണുന്ന പ്രധാന ലക്ഷണങ്ങള്‍ ഹൃദയമിടിപ്പിലെ വേഗക്കൂടുതലും, അമിത ഉത്കണ്ഠയുമാണ്. ശാരീരികപ്രവര്‍ത്തനങ്ങളിലെ പാകപ്പിഴകളും, സന്ധികളിലും പേശികളിലുമുള്ള വേദനയും, വളര്‍ച്ചാ പ്രശ്നങ്ങളും ഉണ്ടാകാം. പലപ്പോഴും ഡോക്ടര്‍മാരും രോഗികളും തൈറോയ്ഡ് തകരാറിന്‍റെ ലക്ഷണങ്ങളെ വിഷാദവുമായി കൂട്ടിയിണ്ക്കാറുണ്ട്.

ക്യാന്‍സര്‍

പലപ്പോഴും ക്യാന്‍സറിന്‍റെ ലക്ഷണങ്ങളെ പനിയോ, ജലദോഷമോ ആയി തെറ്റിദ്ധരിക്കാറുണ്ട്. ശരീരത്തിന്‍റെ സെല്ലുകളിലുണ്ടാകുന്ന മാരകമായ വളര്‍ച്ച പല രോഗികളിലും പല ലക്ഷണങ്ങളാണ് കാണിക്കുക. എന്നിരുന്നാലും വിശപ്പ് കുറവ്, അസാധാരണമായ വിയര്‍ക്കല്‍, കടുത്ത പനി എന്നിവ പ്രധാന ലക്ഷണങ്ങളാണ്. ക്യാന്‍സര്‍ ബാധിച്ചയാള്‍ക്ക് പ്രത്യേക കാരണമൊന്നും കൂടാതെ തന്നെ ശരീരഭാരം കുറയും.

ഹൃദയാഘാതം

ഹൃദയാഘാതം ഉണ്ടാക്കുന്ന മരണ സാധ്യത തള്ളിക്കളയാനാവില്ല. ഞരമ്പുകളിലെ രക്തയോട്ടം തടസ്സപ്പെടുന്നത് വഴി ക്ഷീണം, ശ്വാസതടസം, നെഞ്ച് വേദന എന്നിവ വരാം. ഇവ മാനസിക പിരിമുറുക്കമോ, അമിത ഉത്കണ്ഠമൂലമോ ആണെന്ന് തെറ്റിദ്ധരിക്കപ്പെടാം.

ബാക്ടീരിയ മൂലമുള്ള മസ്തിഷ്ക വീക്കം

ബാക്ടീരിയ മൂലമുണ്ടാകുന്ന മസ്തിഷ്ക വീക്കം ഉണ്ടായാല്‍ നട്ടെല്ലില്‍ ചെറിയ മുഴ ഉണ്ടാവുകയും, തലച്ചോറിലേക്കുള്ള ധമനികളില്‍ പ്രശ്നമാവുകയും ചെയ്യും. ഇതിന്‍റെ ലക്ഷണം പനിയായി തെറ്റിദ്ധരിക്കപ്പെട്ടേക്കാം. ശരീരത്തില്‍ തിണര്‍പ്പ്, പനി, കഴുത്ത് തിരിക്കാന്‍ സാധിക്കാതെ വരിക എന്നിവ ഇതിന്‍റെ ലക്ഷണങ്ങളാണ്. ഡോക്ടറുടെ രോഗനിര്‍ണ്ണയം തെറ്റാതിരിക്കാന്‍ എല്ലാ ലക്ഷണങ്ങളും ഡോക്ടറോട് പറയണം. ഡോക്ടര്‍ വേണ്ടത്ര ശ്രദ്ധ കാണിച്ചില്ല എന്ന് തോന്നുന്നുവെങ്കില്‍ വീണ്ടും പരിശോധനക്കായി സമീപിക്കാം.