ഗര്‍ഭിണികളേ വാക്വം ക്ലീനര്‍ വേണ്ട

Studies

oi-Staff

By Lakshmi

Updated: Monday, January 4, 2021, 10:50 [IST]

ഗര്‍ഭിണികള്‍ മൈക്രോവേവ് ഒവനുകളും ഹെയര്‍ ഡ്രയറുകളും വാക്വം ക്ലീനറുകളും ഉപയോഗിക്കുന്നത് കുഞ്ഞിന് ആസ്തമ വരാനുള്ള സാധ്യത കൂട്ടുമെന്ന് പഠനറിപ്പോര്‍ട്ട്. അമേരിക്കയില്‍ നടന്ന ഒരു പഠനത്തിലാണ് ഈ കണ്ടെത്തല്‍.

ദിവസവും കാന്തികവലയവുമായി സമ്പര്‍ക്കം പുലര്‍ത്തുന്ന 801 ഗര്‍ഭിണികളെ നിരീക്ഷിക്കുകയും പതിമൂന്നുവര്‍ഷക്കാലം അവരുടെ കുട്ടികളുടെ ആരോഗ്യകാര്യങ്ങള്‍ നിരീക്ഷിക്കുകയും ചെയ്താണ് ഇക്കാര്യത്തില്‍ പഠനം നടത്തിയത്.

ഗര്‍ഭകാലത്ത് കാന്തിക വലയവുമായി കൂടുതല്‍ സമ്പര്‍ക്കം പുലര്‍ത്തിയ സ്ത്രീകളുടെയെല്ലാം കുട്ടികള്‍ക്ക് മറ്റുള്ളവരെ അപേക്ഷിച്ച് ആസ്തമയ്ക്കുള്ള സാധ്യത കൂടുതലാണെന്നാണ് കണ്ടെത്തിയത്. സാധാരണ കാന്തിക വലയുമായി സമ്പര്‍ക്കമില്ലാത്ത അമ്മമാരുടെ കുട്ടികളേക്കാള്‍ ഇവര്‍ക്ക് ആസ്തമ വരാനുള്ള സാധ്യത മൂന്നു മടങ്ങ് അധികമാണത്രേ.

കുട്ടികളിലെ ആസ്തമ വലിയൊരു ആരോഗ്യപ്രശ്‌നമാണ്, ഈ നിലയ്ക്ക് അമ്മമാര്‍ ശക്തികൂടിയ കാന്തം ഉപയോഗിച്ചിരിക്കുന്ന ഉപകരങ്ങളുമായുള്ള സമ്പര്‍ക്കം കുറയ്ക്കണമെന്ന് ഗവേഷകര്‍ പറയുന്നു.
മൈക്രോവേവ്, ഹെയര്‍ ഡ്രയര്‍ തുടങ്ങിയ ഉപകരണങ്ങളില്‍ കാന്തികവലയമുള്ളതുകൊണ്ടാണ് ഇത്തരം ഉപകരണങ്ങളുമായുള്ള സമ്പര്‍ക്കം ഒഴിവാക്കണമെന്ന് ഗവേഷകര്‍ നിര്‍ദ്ദേശിക്കുന്നത്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.