നിങ്ങളുടെ ഹൃദയം സുരക്ഷിതമോ?

Updated: Monday, September 15, 2014, 10:50 [IST]

ഹൃദയമാണ് ഒരു മനുഷ്യന്റെ ആയുസു നിശ്ചയിക്കുന്നതെന്നു വേണമെങ്കില്‍ പറയാം. ശരീരത്തിന്റെ ആകെയുള്ള പ്രവര്‍ത്തനത്തിന്റെ കൂടുതല്‍ കാര്യങ്ങളും നിയന്ത്രിയ്ക്കുന്നത് ഹൃദയം തന്നെയാണ്.

ഹൃദയപ്രശ്‌നങ്ങള്‍ പലപ്പോഴും ആര്‍ക്കും തിരിച്ചറിയാന്‍ കഴിയാറില്ല. ഇതുകൊണ്ടാണ് ഹാര്‍ട്ട് അറ്റാക് വന്നു മരിച്ചുവെന്ന വാര്‍ത്തകള്‍ കൂടുതലായി കേള്‍ക്കുന്നതും.

ഹൃദയപ്രശ്‌നങ്ങള്‍ കണ്ടെത്തുവാനുള്ള ഒരു പ്രധാന വഴി ഇസിജി പോലുള്ള ടെസ്റ്റുകളാണ്. ഇത് കൃത്യമായ ചെയ്യുകയും വേണം.

ഇതല്ലാതെയും നിങ്ങളുടെ ഹൃദയം ആരോഗ്യകരമാണോയെന്നു കണ്ടെത്തുവാനുള്ള ചില വഴികളുണ്ട്. തികച്ചും സ്വാഭാവിക വഴികള്‍. ഇവയെന്തൊക്കെയെന്നു നോക്കൂ,

ഊര്‍ജം

നിങ്ങളില്‍ എപ്പോഴും ഊര്‍ജവും ഉന്മേഷവുമുണ്ടോ. ഹൃദയം ആരോഗ്യകരമാണെന്നതിന്റെ ഒരു ലക്ഷണമാണിത്. തളര്‍ച്ച പലപ്പോഴും ഹൃദയപ്രശ്‌നങ്ങളുമായി ബന്ധപ്പെട്ടിരിയ്ക്കുന്നു.

പള്‍സ് റേറ്റ്

നിങ്ങളുടെ പള്‍സ് റേറ്റ് കൃത്യമാണെങ്കില്‍ ഇത് ആരോഗ്യകരമായ ഹൃദയത്തിന്റെ ഒരു ലക്ഷണമാണ്. ഇത് മിനിറ്റില്‍ 72 ആയിരിക്കണം.

ശ്വസനം

ശ്വസിയ്ക്കുവാന്‍ ബുദ്ധിമുട്ടനുഭവപ്പെടുന്നെങ്കില്‍, പ്രത്യേകിച്ച് സ്റ്റെയര്‍കേസുകള്‍ കയറിയ ശേഷം ശ്വാസം തീരെ ലഭിയ്ക്കാതെ വരികയാണെങ്കില്‍ ഇത് ഹൃദയപ്രശ്‌നങ്ങള്‍ കാരണവുമാകാം.

സ്‌ട്രെസ്

സ്‌ട്രെസ് സമയത്തും ശാന്തമായിരിയ്ക്കാന്‍ സാധിയ്ക്കുകയാണെങ്കില്‍ ഇത് ആരോഗ്യകരമായ ഹൃദയത്തിന്റെ മറ്റൊരു ലക്ഷണമായി എടുക്കാം. അല്ലാത്തവര്‍ പെട്ടെന്ന് സ്‌ട്രെസിന് അടിമപ്പെടുന്നവരായിരിക്കും.

ബിപി

ബിപിയിലെ വ്യതിയാനങ്ങളും പലപ്പോഴും ഹൃദയപ്രശ്‌നങ്ങളാണ് കാണിയ്ക്കുന്നത്.

നെഞ്ചില്‍ കനം

ചിലര്‍ക്ക് നെഞ്ചില്‍ കനം പോലെ അനുഭവപ്പെടും. ഇതും ഹൃദയപ്രശ്‌നങ്ങളുടെ ലക്ഷണമാകാം. ഇതില്ലാത്തത് നിങ്ങളുടെ ഹൃദയം ആരോഗ്യകരമാണെന്നതിന്റെ ഒരു ലക്ഷണമാണ്.

സ്‌റ്റെതസ്‌കോപ്

സ്‌റ്റെതസ്‌കോപ് ഉപയോഗിച്ചു പരിശോധിയ്ക്കുമ്പോള്‍ കൃത്യമായ, തടസങ്ങളില്ലാത്ത ഹൃദയമിടിപ്പാണ് അനുഭവപ്പെടുന്നെങ്കില്‍ ഇത് ആരോഗ്യകരമായ ഹൃദയത്തിന്റെ ഒരു ലക്ഷണമാകാം.

ഇസിജി

പരിശോധനകള്‍ നടത്തി ഇസിജി എടുക്കുക. ഇതിലൂടെ ഹൃദത്തിനുണ്ടാകുന്ന വ്യതിയാനങ്ങള്‍ കണ്ടെത്താം. ഇതില്‍ വ്യതിയാനങ്ങള്‍ വരികയാണെങ്കില്‍ ഹൃദയപ്രശ്‌നങ്ങളുണ്ടെന്നു വേണം കരുതാന്‍.