തടിവെക്കും, പ്രമേഹം കൂട്ടും; മാമ്പഴവും ചില മിഥ്യാധാരണകളും

മിഥ്യാധാരണ: മാമ്പഴം കഴിച്ചാല്‍ തടിവെക്കും

വസ്തുത - മാമ്പഴത്തില്‍ കലോറിയും ഫ്രൂട്ട് ഷുഗറും കൂടുതലാണ്. എന്നാല്‍ നിങ്ങള്‍ മാമ്പഴം കഴിച്ചാല്‍ ശരീരഭാരം വര്‍ദ്ധിക്കുമെന്ന് അര്‍ത്ഥമാക്കുന്നില്ല. മാമ്പഴത്തില്‍ വിറ്റാമിന്‍ എ, വിറ്റാമിന്‍ സി, ഇരുമ്പ്, പൊട്ടാസ്യം, കോപ്പര്‍, മാംഗിഫെറിന്‍, കാറ്റെച്ചിന്‍സ്, ക്വെര്‍സെറ്റിന്‍ തുടങ്ങിയ ബയോആക്ടീവ് സംയുക്തങ്ങള്‍ അടങ്ങിയിട്ടുണ്ട്. ഇവയെല്ലാം നിങ്ങളുടെ ശരീരത്തിന് ആവശ്യമാണ്. അതിനാല്‍, നിങ്ങള്‍ അമിതമായി കഴിക്കാത്തിടത്തോളം കാലം മാമ്പഴം നിങ്ങളുടെ തടി കൂട്ടുമെന്ന് ഭയക്കേണ്ടതില്ല.

മിഥ്യ: മാമ്പഴം കഴിച്ചാല്‍ മുഖക്കുരു വരും

വസ്തുത - മാമ്പഴം കഴിക്കുന്നത് ശരീരത്തിലെ ചൂട് വര്‍ദ്ധിപ്പിക്കുകയും ചര്‍മ്മം പൊട്ടാന്‍ ഇടയാക്കുകയും ചെയ്യുമെന്ന് വിശ്വസിക്കപ്പെടുന്നു. എന്നാല്‍ മാമ്പഴത്തില്‍ അടങ്ങിയിരിക്കുന്ന വിറ്റാമിനുകളും ധാതുക്കളും ആന്റിഓക്സിഡന്റുകളും ചര്‍മ്മത്തിന്റെ ആരോഗ്യത്തിന് നല്ലതാണ്. നിങ്ങള്‍ മിതമായ അളവില്‍ മാമ്പഴം കഴിച്ചാല്‍ ഈ പ്രശ്‌നങ്ങളെ ഒന്നുംതന്നെ ഭയക്കേണ്ടതില്ല.

മിഥ്യ : പ്രമേഹരോഗികള്‍ മാമ്പഴം കഴിക്കരുത്

വസ്തുത - പ്രമേഹ രോഗികള്‍ക്ക് 55ല്‍ താഴെ ഗ്ലൈസെമിക് സൂചികയുള്ള പഴങ്ങള്‍ കഴിക്കാന്‍ വിദഗ്ധര്‍ പറയുന്നുണ്ട്. മാമ്പഴത്തിന് 51 ജിഐ ഉണ്ട്, അതിനാല്‍ രക്തത്തിലെ പഞ്ചസാരയെ ഇത് അമിതമായി ബാധിക്കില്ല. അതിനാല്‍ പ്രമേഹരോഗികള്‍ രാവിലെ അല്‍പം മാമ്പഴം കഴിക്കുന്നത് സുരക്ഷിതമാണ്. എന്നിരുന്നാലും, മാമ്പഴത്തിന്റെ അമിതമായ ഉപഭോഗം പ്രമേഹ രോഗികള്‍ക്ക് ഹാനികരമാണ്.

മിഥ്യ : മാമ്പഴം കഴിച്ചാല്‍ ശരീരം ചൂടാകും

വസ്തുത - നിങ്ങളുടെ ഉപാപചയ സംവിധാനം ഭക്ഷണം ദഹിപ്പിക്കുകയും ഊര്‍ജമാക്കി മാറ്റുകയും ചെയ്യുന്ന തിരക്കിലായതിനാല്‍ ഭക്ഷണം കഴിച്ചാല്‍ നിങ്ങളുടെ ശരീരത്തില്‍ ചൂട് ഉണ്ടാകുന്നു. മറുവശത്ത്, മറ്റ് പല ഭക്ഷണങ്ങളേക്കാളും മാമ്പഴത്തിന് നിങ്ങളുടെ ശരീരത്തില്‍ കൂടുതല്‍ ചൂട് സൃഷ്ടിക്കാന്‍ കഴിയും. എന്നാല്‍ പകല്‍സമയത്ത് ചെറിയ അളവില്‍ മാമ്പഴം കഴിക്കുന്നതുകൊണ്ട് കുഴപ്പമില്ല. മാമ്പഴം തണുത്ത വെള്ളത്തില്‍ കുതിര്‍ത്ത് കഴിക്കുന്നതും നല്ലതാണ്.

മിഥ്യ : ഗര്‍ഭിണികള്‍ മാമ്പഴം കഴിക്കരുത്

വസ്തുത - മാമ്പഴം ആരോഗ്യപരമായ പോഷകങ്ങള്‍ നിറഞ്ഞതാണ്. തീര്‍ച്ചയായും ഗര്‍ഭിണികള്‍ക്ക് മാമ്പഴം കഴിക്കുന്നത് നല്ലതാണ്. ഇഥിലെ പോഷകങ്ങള്‍ അവര്‍ക്ക് ആവശ്യമാണ്. ഗര്‍ഭിണികള്‍ മാമ്പഴം കഴിക്കരുതെന്ന മിഥ്യാധാരണ നിലനില്‍ക്കാന്‍ കാരണം എന്തെന്നാല്‍ ഗര്‍ഭകാലത്തെ പ്രധാന പ്രശ്നങ്ങളാണ് ശരീരഭാരവും ഗര്‍ഭകാല പ്രമേഹവും. മാമ്പഴം കഴിക്കുന്നതിലൂടെ ഇവ വരുമെന്ന് വിശ്വസിക്കപ്പെടുന്നു. എന്നാല്‍, ഇവയിലേതെങ്കിലും പ്രശ്‌നങ്ങള്‍ ഉണ്ടെങ്കില്‍ ഗര്‍ഭിണികള്‍ മാമ്പഴം കഴിക്കുന്നത് ഒഴിവാക്കുക. അല്ലെങ്കില്‍ പകല്‍ സമയത്ത് മാത്രം കുറച്ച് മാമ്പഴം കഴിക്കുക.

മാമ്പഴം കഴിക്കേണ്ട സമയം

മാമ്പഴം നിങ്ങളുടെ ശരീരത്തിന് വളരെ ഗുണം ചെയ്യുന്ന ഒരു പഴമാണ്. എന്നാല്‍ ഈ ആരോഗ്യ ഗുണങ്ങളെല്ലാം ഏറ്റവും മികച്ച രീതിയില്‍ ലഭിക്കുന്നതിന് അത് എപ്പോള്‍ കഴിക്കണമെന്ന് അറിയേണ്ടത് പ്രധാനമാണ്. പ്രഭാതഭക്ഷണത്തിനും ഉച്ചഭക്ഷണത്തിനും ഇടയിലോ ഉച്ചഭക്ഷണത്തിന് ശേഷമോ, പകല്‍സമയത്ത് ലഘുഭക്ഷണമായി മാമ്പഴം കഴിക്കുക. രാത്രിയിലോ ഉറങ്ങുന്നതിന് മുമ്പോ മാമ്പഴം കഴിക്കാതിരിക്കാന്‍ ശ്രമിക്കുക.