വരണ്ട ചുണ്ടുകളോ, പരിഹാരമുണ്ട്....

ചെമ്പല്ലി മത്സ്യം

ചെമ്പല്ലി ഒമേഗ 3 ഫാറ്റി ആസിഡിന്‍റെ പ്രമുഖ സ്രോതസ്സാണ്. ഇതില്‍ വരള്‍ച്ചയെ തടയുന്ന ആന്‍റി ഇന്‍ഫ്ലമേറ്ററി ഘടകങ്ങള്‍ അടങ്ങിയിട്ടുണ്ട്. ചെമ്പല്ലിയിലടങ്ങിയ സെലെനിയം നിങ്ങളുടെ ചര്‍മ്മത്തിലെ വിഷാംശങ്ങള്‍ അകറ്റുകയും യുവത്വം നിലനിര്‍ത്തുകയും ചെയ്യും.

ചണവിത്ത്

ഒമേഗ 3 ഫാറ്റി ആസിഡ് അടങ്ങിയ ചണവിത്ത് ചര്‍മ്മത്തിലെ നനവ് നിലനിര്‍ത്താന്‍ സഹായിക്കുന്ന പ്രകൃതിദത്തമായ ഘടകമാണ്. കോശസ്തരങ്ങളുടെ കേട് പരിഹരിക്കാനും അങ്ങനെ ചുണ്ടിന്‍റെ വരള്‍ച്ച തടയാനും ഒമേഗ 3 ഫാറ്റി ആസിഡിന് സാധിക്കും.

കുക്കുമ്പര്‍

കുക്കുമ്പര്‍ കഴിക്കുന്നത് ചുണ്ടുകളിലെ നനവ് നിലനിര്‍ത്താന്‍ സഹായിക്കും. ചര്‍മ്മത്തിന്‍റെ ഇലാസ്തികത നിലനിര്‍ത്താന്‍ സഹായിക്കുന്ന സിലിക്ക ഇതില്‍ അടങ്ങിയിട്ടുണ്ട്.

വിറ്റാമിന്‍ സി

കൊലാജന്‍ ഉത്പാദനം വഴി ചര്‍മ്മത്തിന്‍റെ മിനുസം നിലനിര്‍ത്തുന്നത് വിറ്റാമിന് സിയാണ്. അതിനാല്‍ ചീര, ബ്രൊക്കോളി തുടങ്ങിയവ ആഹാരത്തില്‍ ഉള്‍പ്പെടുത്തുക.

വിറ്റാമിന്‍ ബി

ചുണ്ടുകളുടെ നനവും മിനുസവും നിലനിര്‍ത്തുന്നതിന് ശരീരം തുടര്‍ച്ചയായി പഴയ ചര്‍മ്മത്തെ മാറ്റിക്കൊണ്ടിരിക്കേണ്ടതുണ്ട്. വിറ്റാമിന്‍ ബി പുതിയ കോശങ്ങളുണ്ടാകാന്‍ സഹായിക്കും. ധാന്യങ്ങള്‍ വിറ്റാമിന്‍ ബി ധാരാളമായി അടങ്ങിയതാണ്.

വെള്ളം

ദിവസവും 8-10 ഗ്ലാസ്സ് വെള്ളം വീതം കുടിച്ച് ശരീരത്തിലെ ജലാംശം നിലനിര്‍ത്തുക. വെള്ളം ആരോഗ്യവും, മാംസളതയും, മൃദുലതയുമുള്ള ചുണ്ടുകള്‍ നിലനിര്‍ത്താന്‍ സഹായിക്കും.