ശ്രദ്ധിക്കൂ, ഇതൊന്നും വെജിറ്റേറിയനല്ല!!

വിവിധ തരത്തിലുള്ള സൂപ്പ്

സൂപ്പ് ഉപയോഗിക്കുന്നവരാണ് നമ്മളെല്ലാവരും. എന്നാല്‍ പലപ്പോഴും റെസ്‌റ്റോറെന്റില്‍ അടുത്ത പ്രാവശ്യം സൂപ്പ് ഓര്‍ഡര്‍ ചെയ്യുന്നതിനു മുന്‍പ് ഒരു വട്ടമെങ്കിലും ആലോചിക്കുക. സൂപ്പുകളില്‍ ചേര്‍ക്കാനുള്ള പല സോസുകളും ഉണ്ടാക്കുന്ന മത്സ്യത്തിന്റെ ഉപോല്‍പ്പന്നങ്ങളില്‍ നിന്നാണ്.

നാണ്‍

ഉത്തരേന്ത്യന്‍ വിഭവമാണെങ്കിലും നാണ്‍ കഴിക്കുന്നവര്‍ നമ്മുടെ ഇടയിലും കുറവല്ല. എന്നാല്‍ നാണ്‍ പൊതുവേ അറിയപ്പെടുന്നത് ഒരു വെജിറ്റേറിയന്‍ ആയാണെങ്കിലും ഇതിന്റെ മൃദുലതയ്ക്കും മറ്റുമായി നാണില്‍ മുട്ട ചേര്‍ക്കുന്നു എന്നതാണ് സത്യം.

പാല്‍ക്കട്ടി

പാലും പാലുല്‍പ്പന്നങ്ങളും ഒഴിച്ചു നിര്‍ത്തിയൊരു ജീവിതം നമ്മള്‍ മലയാളികള്‍ക്കില്ല, അല്‍പം കൂടി മോഡേണായതോടെ പാല്‍ക്കട്ടി കൊണ്ട് ഉണ്ടാക്കുന്ന പല ഉല്‍പ്പന്നങ്ങളും നമ്മുടെ നിത്യ ജീവിതത്തിന്റെ ഭാഗമായി. ചീസ് പോഹ, ചീസ് ദോശ തുടങ്ങിയവ അതില്‍ ചിലത്. എന്നാല്‍ ഇതിലും മത്സ്യത്തിന്റെ അംശം ഉണ്ടെന്നതാണ് സത്യം.

വിവിധ തരത്തിലുള്ള എണ്ണകള്‍

വിവിധ തരത്തിലുള്ള എണ്ണകള്‍ നമ്മള്‍ നമ്മുടെ പാചകത്തിനുപയോഗിക്കുന്നുണ്ട്. എന്നാല്‍ പല എണ്ണകളിലും മത്സ്യത്തില്‍ അടങ്ങിയിട്ടുള്ള ഒമേഗ 3 ഫാറ്റി ആസിഡ് ഉപയോഗിക്കുന്നു.

സാലഡ് കഴിക്കുന്നത് സൂക്ഷിച്ച്

പുറത്ത് നിന്നും സാലഡ് കഴിക്കുന്നവര്‍ അല്‍പം സൂക്ഷിക്കുക. ഇത്തരത്തില്‍ സാലഡിന് ഓര്‍ഡര്‍ ചെയ്യുമ്പോള്‍ ഇത് വെജിറ്റേറിയന്‍ തന്നെയാണോ എന്ന് ഉറപ്പു വരുത്തുക. പല സാലഡിലും പുറമേ അലങ്കരിക്കുന്നതിനായി മുട്ട ചേര്‍ക്കാറുണ്ട് എന്നത് സത്യം.

പഞ്ചസാര

നല്ല മണല്‍ത്തരി പോലുള്ള പഞ്ചസാര പലപ്പോഴും നമുക്കെല്ലാം ഇഷ്ടമായിരിക്കും. എന്നാല്‍ ഇത്തരത്തില്‍ നല്ല വെളുത്ത പഞ്ചസാരയുടെ രഹസ്യം എന്തെന്നാല്‍ മൃഗങ്ങളുടെ എല്ലു പൊടിയാണ് എന്നതു തന്നെ.

ബിയര്‍ അല്ലെങ്കില്‍ വൈന്‍

ആണ്‍ പെണ്‍ ഭേദമില്ലാതെ ഉപയോഗിക്കുന്ന ഒന്നാണ് ബിയറും വൈനും. എന്നാല്‍ ഇത് വെജിറ്റേറിയന്‍ ആണെന്ന ധാരണയില്‍ ഇനി കഴിക്കേണ്ട. കാരണം ഇതില്‍ ചേര്‍ക്കുന്ന പല ചേരുവകളും മത്സ്യത്തിന്റെ ഉപോത്പ്പന്നമാണ്.

പൊട്ടറ്റോ ചിപ്‌സ്

ചിപ്‌സ് എന്നു പറയുമ്പോള്‍ നമ്മള്‍ ഏറ്റവും കൂടുതല്‍ കഴിക്കുന്നതും ഉപയോഗിക്കുന്നതും പൊട്ടറ്റോ ചിപ്‌സ് ആണ്. എന്നാല്‍ അധികം ചിപ്‌സിലും ചേര്‍ക്കുന്നത് ചിക്കന്റെ കൊഴുപ്പാണ്.