കോവയ്ക്ക പ്രകൃതി നല്‍കുന്ന ഇന്‍സുലിന്‍..

By Sruthi K M

Published: Monday, May 4, 2015, 16:13 [IST]

കോവയ്ക്ക നിങ്ങള്‍ കഴിക്കാറുണ്ടോ..? വള്ളിച്ചെടി പോലെ പടര്‍ന്നുപിടിക്കുന്ന ഈ സസ്യം ആരോഗ്യത്തിന് മികച്ച ഗുണം നല്‍കും. പ്രമേഹരോഗികള്‍ക്ക് നിര്‍ദ്ദേശിക്കുന്ന ഏറ്റവും മികച്ച ഭക്ഷണമാണിത്. ആര്‍ക്കും വീട്ടുവളപ്പില്‍ ഇത് നിഷ്പ്രയാസം വളര്‍ത്താന്‍ കഴിയും. കീടങ്ങളൊന്നും തന്നെ ഈ ചെടിയെ ആക്രമിക്കില്ല എന്നൊരു പ്രത്യേകതയുമുണ്ട്.

കോളിഫ്ളവര്‍ കഴിക്കുന്നവരാണോ നിങ്ങള്‍

അതുകൊണ്ടുതന്നെ കോവല്‍ ചെടിക്ക് കീടനാശിനി പ്രയോഗം ഒന്നും തന്നെ വേണ്ട. കോവയ്ക്ക പ്രകൃതി അനുഗ്രഹിച്ചു നല്‍കിയ ഒരു ഇന്‍സുലിനാണെന്ന് പറയാം. കോവയ്ക്കയുടെ ഇലയ്ക്കും ഔഷധ ഗുണമുണ്ട്. വയറിളക്കം,സോറിയാസിസ്, പ്രമേഹം, മലക്കെട്ട് തുടങ്ങി പല രോഗങ്ങള്‍ക്കും മരുന്നായി ഉപയോഗിക്കാം.

രോഗപ്രതിരോധശേഷി

കോവയ്ക്ക നിത്യവും കഴിക്കുന്നത് ശരീരത്തിന്റെ രോഗപ്രതിരോധശേഷി വര്‍ദ്ധിപ്പിക്കും.

ഹൃദയം

ഹൃദയത്തെ രോഗത്തില്‍ നിന്നും സംരക്ഷിക്കാനും ഹൃദയാരോഗ്യത്തിനും കോവയ്ക്ക കഴിക്കുക.

തലച്ചോറ്

കോവയ്ക്ക കഴിച്ച് തലച്ചോറിന്റെ ആരോഗ്യം കാക്കാം.

വൃക്ക

വൃക്കയുടെ ശരിയായ പ്രവര്‍ത്തനത്തിനും കോവയ്ക്ക സഹായിക്കും.

വിഷമുക്തമാക്കും

ശരീരത്തിലെ മാലിന്യങ്ങളെ നീക്കം ചെയ്യാനും കഴിവുണ്ട് കോവയ്ക്കയ്ക്ക്.

പോഷകങ്ങളുടെ കലവറ

പോഷകങ്ങളുടെ ഒരു കലവറതന്നെയാണ് കോവയ്ക്ക. ഇത് ശരീരത്തിന് കുളിര്‍മ നല്‍കുകയും ചെയ്യും. കോവയ്ക്ക പച്ചയ്ക്കും കഴിക്കാം.

പ്രമേഹം

പ്രമേഹം കുറയ്ക്കാന്‍ കഴിവുള്ളതാണ്. പ്രമേഹ രോഗികള്‍ക്ക് നിര്‍ദ്ദേശിക്കാവുന്ന മികച്ച ഭക്ഷണമാണ് കോവയ്ക്ക.

ഒരു ഇന്‍സുലിന്‍

ഒരു പ്രമേഹരോഗി ദിവസവും 100 ഗ്രാം കോവയ്ക്ക കഴിക്കുകയാണെങ്കില്‍ പാന്‍ക്രിയാസിലെ ബീറ്റാ കോശങ്ങളെ ഉത്തേജിപ്പിച്ച് കൂടുതല്‍ ഇന്‍സുലിന്‍ ഉത്പാദിപ്പിക്കാനും നശിച്ചുക്കൊണ്ടിരിക്കുന്ന കോശങ്ങളെ പുനര്‍നിര്‍മ്മിക്കാനും കഴിയും.