അമിതമായാല്‍ ഉപ്പും വിഷം..

By Sruthi K M

| Published: Saturday, March 28, 2015, 16:09 [IST]

മധുരം അമിതമായാല്‍ വിഷമാണ് എന്നു പറയുന്നത് പോലെ ഉപ്പ് തിന്നുന്നവന്‍ വെള്ളം കുടിക്കും എന്ന പഴഞ്ചൊല്ലും കേട്ടിട്ടില്ലേ. അമിതമായാല്‍ ഉപ്പും നിങ്ങളുടെ വില്ലനാകും എന്നാണ് പറയുന്നത്. ഒരു ദിവസം അഞ്ചു ഗ്രാം ഉപ്പ് മാത്രമേ നമ്മുടെ ശരീരത്തില്‍ എത്താന്‍ പാടുള്ളൂ. അതില്‍ നിന്നും കൂടുംതോറും പല അസുഖങ്ങളും നമ്മളെ പിടികൂടും. എന്നാല്‍ മനുഷ്യന്‍ ഒരു ദിവസം ഒന്‍പത് ഗ്രാം വരെ ഉപ്പ് കഴിക്കുന്നുണ്ടെന്നാണ് പറയുന്നത്.

വിന്റര്‍ വിഷാദം അകറ്റാന്‍..

കഴിക്കാവുന്നതിന്റെ ഇരട്ടിയാണ് അകത്ത് എത്തുന്നത്. ഇങ്ങനെയാകുമ്പോള്‍ എന്താണ് സംഭവിക്കുന്നത്. പ്രമേഹം, രക്തസമ്മര്‍ദ്ദം, ക്യാന്‍സര്‍, ഹൃദ്രോഗം തുടങ്ങി നിരവധി രോഗങ്ങളാകും ഫലം. എല്ലാത്തരം വിഭവങ്ങളിലും ഉപ്പ് അടങ്ങിയിട്ടുണ്ട്. നിങ്ങള്‍ ഉണ്ടാക്കുന്ന ഭക്ഷണത്തിലും ഉപ്പ് ഇടാതിരിക്കാന്‍ പറ്റില്ല.

എന്നാല്‍ മാരകരോഗങ്ങള്‍ ഉണ്ടാക്കാന്‍ കഴിവുള്ളതാണ് ഉപ്പ് എന്ന് നിങ്ങള്‍ അറിഞ്ഞിരിക്കുക. ഉപ്പ് ശരീരത്തിനുണ്ടാക്കുന്ന രോഗങ്ങള്‍ എന്തൊക്കെയാണെന്ന് നോക്കാം..

പൊണ്ണത്തടി

ഇന്നത്തെ കുട്ടികള്‍ അമിതമായി തടിക്കുന്നതിന്റെ പ്രധാന കാരണമാണ് കൂടുതല്‍ ഉപ്പ് ശരീരത്തില്‍ എത്തുന്നത്. ഉപ്പ് കൂടുതലുള്ള ഭക്ഷണങ്ങളാണ് കുട്ടികള്‍ കൂടുതല്‍ കഴിക്കുന്നത്. ബേക്കറി പലഹാരങ്ങളിലും ഫാസ്റ്റ് ഫുഡിലും ധാരാളം ഉപ്പ് അടങ്ങിയിട്ടുണ്ട്. ഇത് പൊണ്ണത്തടിയുണ്ടാക്കുന്നു.