മഴക്കാലത്ത് പനി പിടിച്ചാല്‍ എന്ത് കഴിക്കും

പൊടിയരി കഞ്ഞി

പനിയുള്ളപ്പോള്‍ കനം കുറഞ്ഞ ആഹാരം വേണം കഴിക്കാന്‍. അതിന് ഏറ്റവും ഉചിതം പൊടിയരി കഞ്ഞിയാണ്. ചൂടു പൊടിയൊരി കഞ്ഞി ഇടയ്ക്കിടെ കഴിക്കാം. പെട്ടെന്ന് ദഹിക്കുന്ന ഒന്നാണ്.

ഓറഞ്ചും നാരങ്ങയും

പനിയുള്ളപ്പോള്‍ വിറ്റാമിന്‍ സി അടങ്ങിയ ഭക്ഷണം കഴിക്കാം. ഓറഞ്ച്, നാരങ്ങ തുടങ്ങിയവ ജ്യൂസായി കഴിക്കുന്നത് നല്ലതാണ്. ഇതില്‍ ധാരാളം ആന്റിയോക്‌സിഡന്റുകള്‍ അടങ്ങിയിട്ടുള്ളതിനാല്‍ ഇന്‍ഫെക്ഷനെതിരെ ശക്തമായി പ്രവര്‍ത്തിക്കും

ചിക്കന്‍ സൂപ്പ്

പനിക്കൊപ്പം തൊണ്ടവേദനയുണ്ടെങ്കില്‍ ഒരു കപ്പ് ചിക്കന്‍ സൂപ്പ് കഴിക്കുന്നത് നല്ലതാണ്. സൂപ്പിന്റെ എരിവ് തൊണ്ടവേദനയ്ക്കും, തൊണ്ടയിലെ കിച്ച്കിച്ചിനും ഉത്തമമാണ്.

തൈര്

പനിയുള്ളപ്പോള്‍ തണുപ്പുള്ള തൈര് കഴിക്കാന്‍ എല്ലാവര്‍ക്കും പേടിയാണ്. എന്നാല്‍ ഭക്ഷണത്തില്‍ ഇത് ഉള്‍പ്പെടുത്തുന്നത് നല്ലതാണ്. ഇതില്‍ പ്രോബിയോട്ടിക്‌സ് എന്ന നല്ല ബാക്ടീരിയ അടങ്ങിയിട്ടുണ്ട്. ഇത് ദഹനത്തെ സഹായിക്കും.

മോര്

മോരിലും പ്രോബിയോട്ടിക്‌സ് എന്ന നല്ല ബാക്ടീരിയ അടങ്ങിയിട്ടുണ്ട്. ശരീരത്തിന്റെ താപനില കുറയ്ക്കാന്‍ തൈരും മോരും സഹായിക്കും.

ഇഞ്ചി

പനിയുള്ളപ്പോള്‍ ഇഞ്ചി ഭക്ഷണത്തില്‍ ഉള്‍പ്പെടുത്താം. അല്ലെങ്കില്‍ ഇഞ്ചി ചതച്ച് കഴിക്കുന്നതും നല്ലതാണ്. പനി പെട്ടെന്ന് മാറികിട്ടും.

മഞ്ഞള്‍പ്പൊടി ചേര്‍ത്ത പാല്‍

പാലിനൊപ്പം മഞ്ഞള്‍പ്പൊടി ചേര്‍ത്ത് കഴിക്കുന്നത് നല്ലതാണ്. പനിക്കുള്ള ഒരു ഒറ്റമൂലിയാണിത്. ചുമയ്ക്കും നല്ലതാണ്.