മൊബൈല്‍ പുരുഷവന്ധ്യതയ്ക്ക് കാരണമാകും

മൊബെലുകളിലെ ഇലക്ട്രോമാഗ്നൈറ്റിക് റേഡിയേഷന്‍ ബീജങ്ങളുടെ എണ്ണത്തില്‍ കുറവു വരുത്തുന്നുണ്ട്. ദിവസം നാലു മണിക്കൂറില്‍ കൂടുതല്‍ മൊബെല്‍ ഫോണ്‍ ഉപയോഗിച്ചാല്‍ ബീജങ്ങളുടെ എണ്ണത്തില്‍ 25 ശതമാനത്തോളം കുറവുണ്ടാകുമത്രെ. ആറേഴു മണിക്കൂര്‍ മൊബൈല്‍ ഉപയോഗിച്ചാല്‍ ബീജങ്ങള്‍ 50 ശതമാനത്തോളം കുറയും.

പുകവലി, അമിതവണ്ണം, മദ്യപാനം, ലഹരിമരുന്നുകളുടെ ഉപയോഗം എന്നിവയ്ക്ക് സമാനമായ ഒരു അവസ്ഥയാണ് മൊബൈല്‍ ഫോണ്‍ ഉപയോഗത്തിലൂടെയും ഉണ്ടാകുന്നത്.

ചിലര്‍ മൊബൈല്‍ പാന്റ്‌സിന്റെ പോക്കറ്റിലാണ് സൂക്ഷിക്കുക. നമ്പര്‍ അമര്‍ത്തുവാനും മെസേജ് അയയ്ക്കുവാനും മടിത്തട്ടിനോട് ചേര്‍ന്ന് മൊബൈല്‍ പിടിക്കുന്നവരുണ്ട്. ഇതില്‍ നിന്നുള്ള റേഡിയേഷന്‍ വൃഷണങ്ങളില്‍ എത്തുകയും ബീജങ്ങളുടെ എണ്ണത്തെയും ഗുണത്തെയും ബാധിക്കുകയും ചെയ്യുന്നു.

മറ്റ് ആരോഗ്യപ്രശ്‌നങ്ങളും മൊബൈല്‍ ഉപയോഗം വരുത്തുവയ്ക്കുന്നുണ്ട്. ഗര്‍ഭിണികളിലെ മൊബൈല്‍ ഉപയോഗം ദുര്‍ബലമായ ഡിഎന്‍എ ഉള്ള കുഞ്ഞുങ്ങളുടെ ജനനത്തിന് കാരണമാകുന്നു. ഹൃദയത്തിന്റെ ആരോഗ്യത്തെയും മൊബൈല്‍ ബാധിക്കുന്നുണ്ട്. ഇവയിലെ റേഡിയേഷനാണ് എല്ലായിടത്തും വില്ലനാകുന്നത്. കഴിവതും മൊബൈല്‍ ഉപയോഗം കുറയ്ക്കുകയും ഉപയോഗിക്കുമ്പോള്‍ തന്നെ ശ്രദ്ധയോടെ ഉപയോഗിക്കുകയും ചെയ്യുന്നതാണ് ആരോഗ്യത്തിന് നല്ലത്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.