വിവാഹ ദിനത്തില്‍ ശ്രീലക്ഷ്മി തിളങ്ങിയത് ഇങ്ങനെ

ശ്രീലക്ഷ്മിയുടെ ഡിസൈനർ

പ്രശസ്ത ഡിസൈനറും സ്റ്റൈലിസ്റ്റുമായ ശബരിനാഥാണ് ശ്രീലക്ഷ്മിക്ക് വേണ്ടി വസ്ത്രങ്ങൾ അതിമനോഹരമായി ഡിസൈൻ ചെയ്തത്. ഓഫ് വൈറ്റ് നിറത്തിലുള്ള ലെഹങ്കയിൽ ഗോള്‍ഡൻ നിറമുള്ള വർക്കായിരുന്നു വിവാഹ വസ്ത്രത്തിന്‍റെ മാറ്റ് കൂട്ടിയത്. ബോളിവുഡ് താരങ്ങളെപ്പോലെ നോർത്ത് ഇന്ത്യന്‍ രീതിയിൽ വിവാഹ വസ്ത്രമണിഞ്ഞാണ് ശ്രീലക്ഷ്മി മണ്ഡപത്തിൽ എത്തിയത്.

ആഭരണങ്ങള്‍

ആഭരണങ്ങളും വളരെയധികം വ്യത്യസ്തമായിരുന്നു. ഹെവി കുന്ദൻ വർക്കുള്ള മാലയാണ് ഇവർ ധരിച്ചിരുന്നത്. പച്ച നിറത്തിൽ കല്ല് പതിപ്പിച്ച ആ മാലയുടെ വില ഏകദേശം രണ്ടര ലക്ഷത്തോളം വരും. ഇതോടൊപ്പം ഹെവി വർക്കുള്ള കമ്മലുകളും നെറ്റിച്ചുട്ടിയും വധുവിന്റെ മാറ്റ് കൂട്ടി എന്ന കാര്യത്തിൽ സംശയം വേണ്ട. കൈനിറയെ ചുവന്ന വളകളും ശ്രീലക്ഷ്മി ധരിച്ചിരുന്നു.

മേക്കപ്പ്

സ്മോക്കി ഐ മേക്കപ്പാണ് ശ്രീലക്ഷ്മിക്ക് വേണ്ടി ചെയ്തിരുന്നത്. മണിക്കൂറുകളോളം ആണ് ഇത് ചെയ്യാൻ എടുത്തത് എന്നാണ് മേക്കപ് ആര്‍ട്ടിസ്റ്റ് രഞ്ജു രജിമാർ പറയുന്നത്. വിവാഹ ദിനത്തിൽ ശ്രീലക്ഷ്മിയെ സുന്ദരിയാക്കിയതിന് പിന്നിൽ ഒരു തികഞ്ഞ മേക്കപ്പ് ആര്‍ട്ടിസ്റ്റിന്റെ തന്നെ കൈകളാണ് എന്ന് നമുക്ക് നിസംശയം പറയാവുന്നതാണ്.

വരന്‍റെ വേഷം

ചുവന്ന നിറത്തിലുള്ള കോട്ടും സ്യൂട്ടും ആയിരുന്നു ജഹാംഗീറിന്‍റെ വേഷം. ദുബൈയിൽ സ്ഥിരതാമസമാക്കിയ ജിജിൻ ജഹാംഗീർ ആണ് വരന്‍. കൊമേഴ്സ്യൽ പൈലറ്റാണ് ഇദ്ദേഹം.