ടോളിവുഡ് കാത്തിരുന്ന വിവാഹം, നാഗചൈതന്യ സ്‌റ്റൈല്‍

തെന്നിന്ത്യന്‍ സിനാമാ ലോകത്തിന് ഇന്ന് ഏറ്റവും വിശേഷപ്പെട്ട ഒരു ദിവസമാണ്. ഇന്ന് നടക്കുന്ന വിവാഹത്തിന് സിനിമയെപ്പോലും വെല്ലുന്ന തരത്തിലാണ് എല്ലാം ഒരുക്കിയിട്ടുള്ളത്. ആര്‍ഭാടത്തിനും ആഘോഷത്തിനും ഒട്ടും കുറവില്ലാതെയാണ് വിവാഹം ഒരുക്കിയിരിക്കുന്നത്. സാമന്തയും നാഗചൈതന്യയും തന്നെയാണ് വിവാഹത്തില്‍ ഏവരുടേയും ശ്രദ്ധയാകര്‍ഷിക്കുന്നവര്‍ എന്ന കാര്യത്തില്‍ സംശയമില്ല.

ഇപ്പോള്‍ പുറത്ത് വന്നിരിക്കുന്നത് നാഗചൈതന്യയുടെ വിവാഹ ലുക്കാണ്. ഗോവയില്‍ വെച്ച് നടക്കുന്ന വിവാഹാഘോഷത്തിന് മണവാളന്‍ ലുക്കിലെത്തിയ നാഗചൈതന്യയാണ് ഇപ്പോഴത്തെ ടോളിവുഡ് സംസാരം. പ്ലെയിന്‍ കുര്‍ത്തയും അതേ നിറത്തിലുള്ള പൈജാമയും ആണ് നാഗചൈതന്യ ധരിച്ചിരിക്കുന്നത്. ഈ വേഷത്തിലും ഹാന്‍ഡ്‌സം എന്ന വാക്കിന് വേറെ അര്‍ത്ഥം വേണ്ടെന്ന് നാഗചൈതന്യയുടെ ലുക്ക് കാണിച്ച് തരുന്നു.

കഴുത്തിലെ മാലയും ഈ വേഷത്തിന് മാറ്റ് കൂട്ടുന്നു. പാരമ്പര്യത്തനിമ വിളിച്ചോതുന്ന ഈ വേഷം തന്നെയാണ് നാഗചൈതന്യയുടെ വിവാഹ വേഷത്തില്‍ മുന്നില്‍ നില്‍ക്കുന്നതും. മാതാപിതാക്കളായ നാഗാര്‍ജുനയും അമല അക്കിനേനിയും നാഗചൈതന്യക്കൊപ്പം.