നിറം കൃത്യമാക്കി ചര്‍മ്മത്തിന്റെ തിളക്കം കൂട്ടാന്‍ പ്രകൃതിദത്ത വഴി

പാലും ഗോതമ്പ് തവിടും

ചര്‍മ്മത്തെ വെളുപ്പിക്കുന്നതും പോഷിപ്പിക്കുന്നതുമായ നിരവധി ധാതുക്കളും വിറ്റാമിനുകളും പാലിലുണ്ട്. ഇവ ചര്‍മ്മത്തിന് മികച്ച നിറം നല്‍കും. ഗോതമ്പ് തവിട് നിങ്ങളുടെ ചര്‍മ്മത്തെ മൃദുവായ രീതിയില്‍ എക്‌സ്‌ഫോളിയേറ്റ് ചെയ്യുന്നു. ഇത് ചര്‍മ്മത്തിന്റെ നിറം മെച്ചപ്പെടുത്തുന്നതിന് സഹായിക്കുന്നു. ഒരു ടീസ്പൂണ്‍ ഗോതമ്പ് തവിട് എടുത്ത് അതില്‍ അര ടീസ്പൂണ്‍ കടലമാവ് ചേര്‍ക്കുക. ഇത് കുറച്ച് പാല്‍ ചേര്‍ത്ത് പേസ്റ്റ് രൂപത്തിലാക്കി, പകുതി ഉണങ്ങിയാല്‍ മുഖത്ത് പുരട്ടുക. ഇത് ചെറുതായി ഉരച്ച് കഴുകുക. ചര്‍മ്മത്തെ സ്വാഭാവികമായി മനോഹരമാക്കാന്‍ എല്ലാ ദിവസവും ഇത് പരീക്ഷിക്കുക.

മഞ്ഞള്‍ ചേര്‍ത്ത നാരങ്ങ നീര്

ചര്‍മ്മത്തിന്റെ നിറം മെച്ചപ്പെടുത്തുന്നതിന് നാരങ്ങ നീര് മികച്ച പ്രതിവിധിയാണ്. നാരങ്ങ നീരില്‍ ചര്‍മ്മത്തെ വെളുപ്പിക്കാന്‍ സഹായിക്കുന്ന ഗുണങ്ങളുണ്ട്. അര ടീസ്പൂണ്‍ നാരങ്ങ നീര് എടുത്ത് അതില്‍ 2 നുള്ള് മഞ്ഞള്‍പ്പൊടി ചേര്‍ക്കുക. ഇത് മുഖത്ത് പുരട്ടി ഉണങ്ങാന്‍ വിടുക. 20 മിനിറ്റിനു ശേഷം കഴുകി കളയുക. സ്വാഭാവിക രീതിയില്‍ ഇളം ചര്‍മ്മം ലഭിക്കാന്‍ ദിവസവും ഇത് പരീക്ഷിക്കുക.

ചര്‍മ്മത്തിന് തിളക്കം നല്‍കുന്നതിന് തക്കാളി

നല്ല ചര്‍മ്മം ലഭിക്കുന്നതിനും ചര്‍മ്മത്തിന്റെ നിറം മെച്ചപ്പെടുത്തുന്നതിനുമുള്ള മികച്ച പ്രകൃതിദത്ത പ്രതിവിധയാണ് തക്കാളി. ഒരു തക്കാളി കഷ്ണം എടുത്ത് മുഖത്ത് 5 മിനിറ്റ് തടവുക. ഇത് ഉണങ്ങാന്‍ വിടുക. 10 മിനിറ്റിനു ശേഷം മുഖം കഴുകുക. ചര്‍മ്മത്തിലെ കറുപ്പും ഹൈപ്പര്‍ പിഗ്മെന്റേഷനും ഒഴിവാക്കാന്‍ ദിവസവും ഇത് പരീക്ഷിക്കുക.

നല്ല ചര്‍മ്മത്തിന് അരിപ്പൊടിയും പാലും

അരിപ്പൊടിയില്‍ ചെറിയ തരികള്‍ ഉള്ളതിനാല്‍ ഈ ഫേസ് പാക്ക് ചര്‍മ്മത്തെ മിനുസമാര്‍ന്നതും വെളുപ്പുള്ളതുമാക്കും. അരി ചര്‍മ്മത്തെ ടോണ്‍ ചെയ്യുകയും അടയാളങ്ങള്‍ കുറയ്ക്കുകയും ചര്‍മ്മത്തെയും സുഷിരങ്ങളെയും ശക്തമാക്കുകയും ചെയ്യുന്നു. ഒരു ടീസ്പൂണ്‍ അരിപ്പൊടി എടുത്ത് പാലില്‍ ചേര്‍ത്ത് പേസ്റ്റ് ഉണ്ടാക്കുക. വരണ്ട ചര്‍മ്മത്തിന് പാല്‍ ക്രീം ഉപയോഗിക്കുക. ഇത് മുഖത്ത് പുരട്ടി 10 മിനിറ്റിനു ശേഷം സ്‌ക്രബ് ചെയ്യുക. തിളക്കമുള്ള, കളങ്കരഹിതമായ ഇളം ചര്‍മ്മം ലഭിക്കാന്‍ എല്ലാ ദിവസവും ഇത് ചെയ്യുക.

നല്ല ചര്‍മ്മം ലഭിക്കാന്‍ ജാതിക്ക

ജാതിക്ക സ്വാഭാവിക രീതിയില്‍ ചര്‍മ്മത്തിന്റെ ടോണ്‍ മനോഹരമാക്കുന്നു. ചര്‍മ്മ സുഷിരങ്ങള്‍ ഡീക്ലോഗ് ചെയ്യുന്നതിലൂടെ ഇത് വൈറ്റ്‌ഹെഡ്‌സ് നീക്കം ചെയ്യുന്നു. കുറച്ച് ജാതിക്ക പൊടി എടുത്ത് കുറച്ച് തേന്‍ ഉപയോഗിച്ച് പേസ്റ്റ് ഉണ്ടാക്കുക. ഇത് ചര്‍മ്മത്തില്‍ പുരട്ടി 20 മിനിറ്റിനു ശേഷം കഴുകുക. സ്വാഭാവികമായും ചര്‍മ്മത്തിന്റെ നിറം മെച്ചപ്പെടുത്താന്‍ ഇത് ദിവസവും ചെയ്യാവുന്നതാണ്. സെന്‍സിറ്റീവ് ചര്‍മ്മത്തിനും വരണ്ട ചര്‍മ്മത്തിനും പോലും ഇത് അനുയോജ്യമാണ്. എണ്ണമയമുള്ള ചര്‍മ്മത്തിന് കുറച്ച് തുള്ളി നാരങ്ങ നീര് കൂടി ചേര്‍ക്കുക.

ചര്‍മം വെളുപ്പിക്കാന്‍ ഓറഞ്ച് ജ്യൂസ്

ചര്‍മ്മത്തിന്റെ നിറം മെച്ചപ്പെടുത്തുന്നതിനുള്ള ഏറ്റവും മികച്ച പ്രകൃതിദത്ത മാര്‍ഗ്ഗമായി സിട്രസ് പഴങ്ങള്‍ കണക്കാക്കപ്പെടുന്നു. മികച്ച ചര്‍മ്മം ലഭിക്കാന്‍ ഓറഞ്ച് ജ്യൂസ് നല്ലൊരു പ്രതിവിധിയാണ്. മുഖം വൃത്തിയാക്കി ദിവസവും ഓറഞ്ച് ജ്യൂസ് ഉപയോഗിക്കുക, 30 മിനിറ്റിനു ശേഷം കഴുകുക. ഇത് സൂര്യാഘാതം, കറുത്ത പാടുകള്‍, മുഖത്തെ പാടുകള്‍, ചര്‍മ്മത്തിലെ കറുപ്പ് എന്നിവ ഇല്ലാതാക്കും. ചെലവുകുറഞ്ഞ രീതിയില്‍ നിങ്ങളുടെ ചര്‍മ്മത്തിന്റെ നിറം മെച്ചപ്പെടുത്താന്‍ ഇത് ശരീരത്തിലും ഉപയോഗിക്കാം.

കറ്റാര്‍ വാഴ

കറ്റാര്‍ വാഴയില്‍ മെലാനിന്‍ സമന്വയത്തെ തടയുന്ന ഒരു ബയോ ആക്റ്റീവ് സംയുക്തമായ അലോയിന്‍ അടങ്ങിയിട്ടുണ്ട്. ഇത് നിങ്ങളുടെ ചര്‍മ്മത്തിന്റെ നിറം ലഘൂകരിക്കാനും അതിന് സ്വാഭാവിക തിളക്കം നല്‍കാനും സഹായിക്കും. 1 ടേബിള്‍സ്പൂണ്‍ പുതിയ കറ്റാര്‍ വാഴ ജെല്‍, 1 ടീസ്പൂണ്‍ തവിട്ട് പഞ്ചസാര എന്നിവയാണ് നിങ്ങള്‍ക്ക് വേണ്ടത്. കറ്റാര്‍ വാഴ ഇലയില്‍ നിന്ന് ജെല്‍ വേര്‍തിരിച്ചെടുക്കുക. ഈ ജെല്ലില്‍ പഞ്ചസാര ചേര്‍ത്ത് നന്നായി ഇളക്കുക. ഇത് മുഖത്തും കഴുത്തിലും പുരട്ടാം. ശേഷം നിങ്ങളുടെ മുഖം വെള്ളം ഉപയോഗിച്ച് നന്നായി കഴുകുക. ആഴ്ചയില്‍ രണ്ട് തവണ ഇങ്ങനെ ആവര്‍ത്തിക്കുക.

തൈര്

അമിതമായ പിഗ്മെന്റേഷന്‍ ഇല്ലാതാക്കുന്നതിനുള്ള പ്രതിവിധിയായി തൈര് സാധാരണയായി ഉപയോഗിക്കുന്നു. കറുത്ത പാടുകളും പിഗ്മെന്റേഷന്റെ മറ്റ് ലക്ഷണങ്ങളും ഫലപ്രദമായി കുറയ്ക്കാന്‍ കഴിയുന്ന ഒരു ബയോ ആക്റ്റീവ് സംയുക്തം ഇതിലുണ്ട്. 1/2 കപ്പ് പുതിയ തൈര്, 1-2 ടീസ്പൂണ്‍ തേന്‍ എന്നിവയാണ് നിങ്ങള്‍ക്ക് വേണ്ടത്. അര കപ്പ് തൈരില്‍ തേന്‍ ചേര്‍ക്കുക. ഈ ഫേസ് പാക്ക് കഴുത്തിലും മുഖത്തും പുരട്ടുക. ഏകദേശം 20 മിനിറ്റ് നേരത്തേക്ക് ഉണങ്ങാന്‍ വിട്ടശേഷം വെള്ളത്തില്‍ നന്നായി കഴുകുക. നല്ല മാറ്റം കാണാന്‍ ആഴ്ചയില്‍ രണ്ട് തവണയെങ്കിലും ഇത് ചെയ്യുക.