Just In
- 41 min ago മദ്യപിച്ച് വാഹനമോടിച്ച വ്യക്തിയെ വെറുതെവിട്ട് കോടതി, കാരണം ഓട്ടോ ബ്ര്യൂവറി സിന്ഡ്രം അഥവാ മദ്യപാന രോഗം
- 1 hr ago ഇന്ന് ചിക്കനാണോ, കുരുമുളകിട്ട് കിടിലന് ടേസ്റ്റില് വറുത്തെടുക്കാം
- 5 hrs ago ക്ഷിപ്രവേഗത്തില് കോപം: ഹനുമാനെ ആരാധിക്കുമ്പോള് ഈ തെറ്റുകള് അരുത്
- 6 hrs ago ചാണക്യനീതി: അഗ്നിയേക്കാള് നിങ്ങളെ പൊള്ളിക്കും ഈ മൂന്ന് കാര്യങ്ങള്, ചങ്ക് തകരും
Don't Miss
- News 48 മണിക്കൂര് ഒരു തുള്ളി മദ്യം കിട്ടില്ല, ബിവറേജും ബാറും അടച്ചിടും; കേരളത്തില് നാളെ മുതല് ഡ്രൈ ഡേ
- Movies ഞങ്ങളെല്ലാം നല്ല സുഹൃത്തുക്കളായിരുന്നു, പിന്നീട് പ്രശ്നങ്ങൾ; പരസ്പരം സെറ്റിൽ സംഭവിച്ചത്; ഗായത്രി
- Technology ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ്
- Automobiles ഇനി വെറും 10 നാൾ കൂടി; പൾസർ നിരയിലെ വല്യേട്ടൻ എൻഫീൽഡിന്റെ കച്ചോടം പൂട്ടിക്കുമോ?
- Finance അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ
- Sports IPL 2024: ചാഹലിനെ ആര്സിബിയ്ക്ക് നഷ്ടപ്പെട്ടത് ആ മണ്ടത്തരം കാരണം; ലേലത്തില് നടന്നത് എന്ത്? വെളിപ്പെടുത്തല്
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ആരും കൊതിക്കുന്ന ചുണ്ടിന് ഈ വഴികള്
മൃദുവായതും മിനുസമാര്ന്നതും പിങ്ക് കലര്ന്നതുമായ ചുണ്ടുകള്ക്കായി നാമെല്ലാവരും കൊതിക്കുന്നതാണ്. എന്നാല് അതിനു വിപരീതമായി മിക്കവരും അഭിമുഖീകരിക്കുന്നൊരു സൗന്ദര്യ പ്രശ്നമാണ് അവരുടെ കറുത്ത ചുണ്ടുകള്. എന്തുകൊണ്ടാണ് ഇത്തരത്തില് ചുണ്ടുകള് ഇരുളുന്നത്? ശരിയായ പരിചരണം ലഭിക്കാത്തതിനാലും അനാരോഗ്യകരമായ ജീവിതശൈലിയും ചില കാരണങ്ങളാകുന്നു. സ്വാഭാവിക ചുണ്ടിന്റെ നിറം നഷ്ടപ്പെടുന്നതിന് ചില കാരണമാകുന്ന ചുണ്ടുകളുടെ നിറം വീണ്ടെടുക്കാനുമുള്ള വഴികള് വായിച്ചറിയാം.
Most read: ചര്മം വരളില്ല; ഈ പഴങ്ങള് സഹായിക്കും
പുകവലിയോട് നോ പറയുക
ചുണ്ടുകളുടെ കറുപ്പിനും ചുണ്ട് നിറം മാറുന്നതിനും നിക്കോട്ടിന് ഒരു കാരണമാകുന്നു. ചുണ്ടുകളുടെ സംരക്ഷണത്തിനുള്ള വഴികളില് ആദ്യം ചെയ്യേണ്ട ഒന്നാണ് പുകവലി ഒഴിവാക്കുക എന്നത്. പുകവലി കാന്സറിനും മറ്റ് രോഗങ്ങള്ക്കും കാരണമാകുമെന്നും നിങ്ങള്ക്ക് അറിവുള്ളതായിരിക്കും.
കാപ്പി പരിമിതപ്പെടുത്തുക
ചായയുടെയും കാപ്പിയുടെയും അമിത ഉപഭോഗം നിങ്ങളുടെ പല്ലുകള് കറക്കുന്നതിനൊപ്പം ചുണ്ടുകളെയും കറുത്തതാക്കുന്നു. അതിനാല്, നിങ്ങളുടെ ചുണ്ടുകള്ക്ക് കറുപ്പ് നിറം വരുന്നത് ഒഴിവാക്കാന് കഫീന് കഴിക്കുന്നത് പരിമിതപ്പെടുത്തുക.
സൂര്യപ്രകാശം
ചുണ്ടുകളില് മെലാനിന് പിഗ്മെന്റ് വര്ദ്ധിക്കുന്നതിനാല് സൂര്യനുമായുള്ള സമ്പര്ക്കം ചുണ്ട് ഇരുണ്ടതാക്കുന്നു. നിങ്ങള് പുറത്ത് സമയം ചെലവഴിക്കാന് ഇറങ്ങുമ്പോള് നിങ്ങള് അള്ട്രാവയലറ്റ് പ്രൊട്ടക്റ്റര്മാരാകുന്ന ലിപ് ഉല്പ്പന്നങ്ങള് ഉപയോഗിക്കുന്നുവെന്ന് ഉറപ്പാക്കുക.
ലിപ്സ്റ്റിക്കുകള് പരിശോധിക്കുക
ലിപ്സ്റ്റിക്കുകളുടെയും ലിപ് സൗന്ദര്യവര്ദ്ധക വസ്തുക്കളുടെയും ദീര്ഘവും അമിതവുമായ ഉപയോഗം, പ്രത്യേകിച്ച് താഴ്ന്ന നിലവാരമുള്ളവ ലിപ് പിഗ്മെന്റേഷന് കാരണമാകും. ലിപ്സ്റ്റിക്കുകള് മിതമായി മാത്രം ഉപയോഗിക്കുക. ഒപ്പം എല്ലായ്പ്പോഴും പ്രശസ്ത ബ്രാന്ഡുകളുടെ ലിപ് ഉല്പ്പന്നങ്ങള് മാത്രം വാങ്ങുക. കാലഹരണപ്പെട്ടവ ഉപയോഗിക്കാതിരിക്കുക. ഷിയ ബട്ടര്, വെണ്ണ, വിറ്റാമിന് ഇ, ജോജോബ ഓയില് എന്നിവയടങ്ങിയ ലിപ്സ്റ്റിക്കുകള് ഉപയോഗിക്കുക. ഇവ നിങ്ങളുടെ ചുണ്ടുകളെ മോയ്സ്ചറൈസ് ചെയ്യുകയും വരണ്ടതാക്കുന്നത് തടയുകയും ചെയ്യുന്നു.
പ്രകൃതിദത്ത ലിപ് സ്ക്രബ് ഉപയോഗം
നിങ്ങളുടെ ചുണ്ടുകളില് നിന്ന് മൃതകോശങ്ങളും വരണ്ട ചര്മ്മവും നീക്കം ചെയ്യാനും രക്തചംക്രമണം മെച്ചപ്പെടുത്താനും ആഴ്ചയില് ഒരിക്കലെങ്കിലും ലിപ് സ്ക്രബ് ഉപയോഗിക്കുക. നിങ്ങള്ക്ക് 5-6 തുള്ളി ഒലിവ് ഓയിലും ഒരു ടീസ്പൂണ് പഞ്ചസാരയും ചേര്ത്ത് ചുണ്ടുകളില് സ്ക്രബ് ആയി ഉപയോഗിക്കാം. ഇത് കഴുകിക്കളഞ്ഞ് ലിപ് മോയ്സ്ചുറൈസര് പ്രയോഗിക്കുക.
പുറംതള്ളല്
നിങ്ങളുടെ ചുണ്ടുകള് സൗമ്യമായി പുറംതള്ളാന് ഒരു ബേബി ടൂത്ത് ബ്രഷില് കുറച്ച് വാസ്ലിന് ഉപയോഗിക്കുക. ഇത്തരത്തില് ദിവസവും ചെയ്യാവുന്നതാണ്. കറുത്ത ചുണ്ടുകളില് നിന്ന് പരിഹാരം കാണാന് ഇത് പ്രയോഗിക്കുക.
ജലാംശം
നിങ്ങളുടെ ചുണ്ടുകള് എല്ലായ്പ്പോഴും മോയ്സ്ചറൈസ് ചെയ്യുകയും ജലാംശം നിലനിര്ത്തുകയും ചെയ്യുക. ചുണ്ടുകളുടെ സ്വാഭാവിക നിറം നിലനിര്ത്താന് ദിവസം മുഴുവന് ധാരാളം വെള്ളം കുടിച്ച് ജലാംശം നിലനിര്ത്തേണ്ടത് അത്യാവശ്യമാണ്. ശൈത്യകാലത്ത് നമ്മള് പലപ്പോഴും കുറച്ച് വെള്ളം കുടിക്കുമ്പോഴാണ് നിര്ജ്ജലീകരണം ഉണ്ടാകുന്നത്. ഇത് ഒഴിവാക്കാന് ശ്രദ്ധിക്കുക. വെള്ളരി, തണ്ണിമത്തന്, ഓറഞ്ച്, മുന്തിരി, നാരങ്ങ എന്നിവ പോലുള്ള പഴങ്ങള് നിങ്ങളുടെ ഭക്ഷണത്തില് ചേര്ക്കുക.
ചുണ്ട് കടിക്കരുത്
ചുണ്ടുകള് ഇടയ്ക്കിടെ നാക്കു കൊണ്ട് നക്കുന്ന ശീലം പലരിലുമുണ്ടാകാം. എന്നാല് ഈ പ്രവൃത്തി പാടില്ലെന്ന് ഡെര്മറ്റോളജിസ്റ്റുകള് ഉപദേശിക്കുന്നു. ശ്രദ്ധിച്ചില്ലെങ്കില് ഇത് കൂടുതല് വരണ്ടതാക്കുകയും ചുണ്ടുകള് കറുത്തതാക്കുകയും ചെയ്യും. ചുണ്ടുകള് കടിക്കുന്ന ശീലം പോലും ഒഴിവാക്കണം. കാരണം അവയ്ക്ക് കേടുപാടുകള് സംഭവിക്കാനുള്ള സാധ്യതയുണ്ട്.
ആരോഗ്യകരമായ ഭക്ഷണക്രമം
ചുണ്ടിന് കറുത്ത നിറം വരുന്നതിന് വിറ്റാമിന് കുറവും കാരണമാകും. അതിനാല് ആരോഗ്യകരമായ ഭക്ഷണക്രമം പാലിക്കുകയും ധാരാളം പഴങ്ങളും പച്ച പച്ചക്കറികളും കഴിക്കുകയും ചെയ്യുക. ലിപ് പിഗ്മെന്റേഷന് ഒഴിവാക്കാന് വിറ്റാമിന് സി കഴിക്കേണ്ടതും ആവശ്യമാണ്. അതിനാല് ഈ വിറ്റാമിന് അടങ്ങിയ ഭക്ഷണങ്ങള് കഴിക്കുക. ക്ലോറിനേറ്റഡ് വെള്ളവും പിഗ്മെന്റ് ചുണ്ടുകള്ക്ക് കാരണമാകും. അതിനാല് നല്ല വെള്ളം മാത്രം ഉപയോഗിക്കുക.
ജനിതക പ്രശ്നം
ജനിതകമായും ലിപ് പിഗ്മെന്റേഷന് വരാം. നിങ്ങള്ക്ക് ജനനം മുതല് തന്നെ കറുപ്പ് അല്ലെങ്കില് ഇരുണ്ട ചുണ്ടുകള് ഉണ്ടെങ്കില് കോസ്മെറ്റിക് സര്ജറി ഒഴികെ മറ്റൊന്നും ചെയ്യാനില്ല.
കറുത്ത ചുണ്ടുകള് തടയാന് വഴികള്
* ഉറക്കത്തിനു മുമ്പ് ബദാം ഓയില് ചുണ്ടില് പുരട്ടുക. ഇത് ചുണ്ടുകള്ക്ക് ഭാരം കുറയ്ക്കാന് സഹായിക്കും, അങ്ങനെ കറുപ്പ് നിറം കുറയുന്നു.
* ബദാം ഓയിലില് നാരങ്ങ നീര് കലര്ത്തി പുരട്ടുക.
* കക്കിരി ജ്യൂസ് ദിവസവും പ്രയോഗിക്കുന്നത് കറുത്ത ചുണ്ടുകള് കുറയ്ക്കാന് സഹായിക്കും.
* മറ്റൊരു പ്രതിവിധി പതിവായി നാരങ്ങ നീര്, ഗ്ലിസറിന്, തേന് എന്നിവയുടെ മിശ്രിതം പ്രയോഗിച്ച് രാത്രി കിടക്കുക എന്നതാണ്.