ചര്‍മ്മസംരക്ഷണം ആര്യവേപ്പിലയില്‍

പാടുകള്‍ അകറ്റാന്‍

മുഖക്കുരു മൂലമുള്ള പാടുകളും, പൊള്ളല്‍ എന്നിവ അകറ്റാന്‍ വേപ്പിലയും മഞ്ഞളും ചേര്‍ത്തരച്ച മിശ്രിതം പുരട്ടിയാല്‍ മതി.

മുഖക്കുരു മാറ്റാന്‍

മുഖക്കുരു ഉള്ളവര്‍ വേപ്പിലയും തുളസിയിലയും പനിനീരും ചേര്‍ത്തരച്ച് മുഖത്ത് പുരട്ടുക.

നിറം ലഭിക്കാന്‍

അല്‍പം കടലപ്പൊടിയും വേപ്പില പേസ്റ്റും ചെറുനാരങ്ങാനീലും ചേര്‍ത്ത് പുരട്ടുന്നത് നല്ല നിറം ലഭിക്കും.

എണ്ണമയം ഇല്ലാതാക്കാന്‍

എണ്ണമയമുള്ള ചര്‍മ്മത്തിനും ആര്യവേപ്പില നല്ലതാണ്. തൈരും ചെറുനാരങ്ങയും വേപ്പിലയും ചേര്‍ത്തരച്ച മിശ്രിതം മുഖത്ത് പുരട്ടാം.

വരള്‍ച്ച മാറ്റും

വരണ്ട ചര്‍മ്മമുള്ളവര്‍ക്കും ഉപകാരിയാണ് വേപ്പില. തേനില്‍ വേപ്പില ചേര്‍ത്തരച്ച് മുഖത്ത് പുരട്ടിയാല്‍ മതി.

മൃതകോശങ്ങളില്ലാതാക്കും

ശരീരത്തിലെ മൃതകോശങ്ങള്‍ ഇല്ലാതാക്കാന്‍ ഓറഞ്ച് പൊടിയും വേപ്പില അരച്ചതും അല്‍പം ഒലീവ് ഓയിലില്‍ ചേര്‍ത്ത് പുരട്ടാം. ബഌക് ഹെഡ്‌സും, വൈറ്റ് ഹെഡ്‌സും കളയാന്‍ സഹായിക്കും.

തിളങ്ങും ചര്‍മ്മം

വേപ്പിലയും റോസ് ഇതളും പനിനീരില്‍ അരച്ച് പുരട്ടുന്നത് നല്ല തിളക്കം ലഭിക്കും.

യുവത്വം തുളുമ്പുന്ന ചര്‍മ്മം

പ്രായക്കൂടുതല്‍ തോന്നിക്കുന്നുവെന്ന പരാതിക്കും വേപ്പില പരിഹാരം നല്‍കും. ആര്യവേപ്പിലയും ചന്ദനവും ചേര്‍ത്തരച്ച് പുരട്ടാം.