മുട്ട ഇങ്ങനെയെങ്കില്‍ ഏത് മുടിയും നേരെയാകും

മുട്ടയും ഒലിവ് ഓയിലും

2 മുഴുവന്‍ മുട്ടകള്‍, 3 ടീസ്പൂണ്‍ ഒലിവ് ഓയില്‍ എന്നിവയാണ് നിങ്ങള്‍ക്ക് ആവശ്യം. നന്നായി ചേരുന്നതുവരെ ഈ ചേരുവകള്‍ ഒരുമിച്ച് അടിക്കുക. ഈ മിശ്രിതം മുടിയില്‍ പുരട്ടി ഒരു മണിക്കൂറോളം വിടുക. ശേഷം തണുത്ത വെള്ളവും സള്‍ഫേറ്റ് രഹിത ഷാമ്പൂവും ഉപയോഗിച്ച് മുടി കഴുകുക. മുടി നേരെയാക്കുന്നതിനായി ആഴ്ചയില്‍ ഒരിക്കല്‍ നിങ്ങള്‍ക്ക് ഈ മാസ്‌ക് ഉപയോഗിക്കാവുന്നതാണ്.

എങ്ങനെ ഇത് പ്രവര്‍ത്തിക്കുന്നു

മുട്ടകളില്‍ പ്രോട്ടീന്‍ ധാരാളമായി അടങ്ങിയിട്ടുണ്ട്, ഇത് മുടിയെ പോഷിപ്പിക്കാനും മൃദുവാക്കാനും സഹായിക്കുന്നു. ഒലിവ് ഓയില്‍ ഒരു മികച്ച ഹെയര്‍ കണ്ടീഷണറാണ്. ഈ ചേരുവകള്‍ സംയോജിപ്പിക്കുന്നത് നിങ്ങള്‍ക്ക് മൃദുവായ, നേരെയായ മുടി നല്‍കുന്നു.

അരിമാവും മുട്ട മാസ്‌കും

1 മുട്ടയുടെ വെള്ള, 5 ടീസ്പൂണ്‍ അരിമാവ്, 1 കപ്പ് മുള്‍ട്ടാനി മിട്ടി, കാല്‍ കപ്പ് പാല്‍ എന്നിവയാണ് നിങ്ങള്‍ക്ക് വേണ്ട സാധനങ്ങള്‍. മിനുസമാര്‍ന്ന മിശ്രിതം ലഭിക്കുന്നതുവരെ ഈ ചേരുവകള്‍ സംയോജിപ്പിക്കുക. മിശ്രിതം വളരെ കട്ടിയുള്ളതാണെങ്കില്‍ നിങ്ങള്‍ക്ക് കൂടുതല്‍ പാല്‍ ചേര്‍ക്കാം, കൂടുതല്‍ നേര്‍ത്തതാണെങ്കില്‍ കൂടുതല്‍ മുള്‍ട്ടാനി മിട്ടിയും ചേര്‍ക്കാം. ഈ മാസ്‌ക് ഉപയോഗിച്ച് തല മുടി ഒരു മണിക്കൂറോളം ഉണങ്ങാന്‍ വിടുക. ശേഷം തണുത്ത വെള്ളവും സള്‍ഫേറ്റ് രഹിത ഷാമ്പൂവും ഉപയോഗിച്ച് തല കഴുകുക. ആഴ്ചയില്‍ ഒരിക്കല്‍ നിങ്ങള്‍ക്ക് ഈ രീതി തുടരാവുന്നതാണ്.

എങ്ങനെ ഇത് പ്രവര്‍ത്തിക്കുന്നു

ഈ കൂട്ടിലെ എല്ലാ ചേരുവകളും ഒരുമിച്ച് പ്രവര്‍ത്തിക്കുന്നത് മുടിക്ക് ബില്‍ഡപ്പ് ഇല്ലാതാക്കുന്നതിനും മുടി മിനുസമാര്‍ന്നതും വൃത്തി നിറഞ്ഞതുമാക്കി മാറ്റുന്നു. ഈ പായ്ക്ക് നിങ്ങളുടെ മുടിയെ പോഷിപ്പിക്കുന്നു, അഴുക്ക് നീക്കുന്നു. കേടുപാടുകള്‍ തീര്‍ത്ത് ആരോഗ്യകരവും നേരെയുള്ളതുമായ മുടി നല്‍കുന്നു.

മുടിക്ക് മുട്ടയുടെ ഗുണങ്ങള്‍

മുട്ടയിലെ ഫാറ്റി ആസിഡുകള്‍ മുടിക്ക് ആഴത്തിലുള്ള പോഷണം നല്‍കുന്നു. കൂടാതെ, ഈര്‍പ്പം നിലനിര്‍ത്തുന്നതിലൂടെ തലയോട്ടിയിലെ വരള്‍ച്ചയെ തടയുന്നു. എ, ബി, ഡി, ഇ, കെ എന്നിവയുള്‍പ്പെടെ നിരവധി അവശ്യ വിറ്റാമിനുകളില്‍ മുട്ടയില്‍ ധാരാളം അടങ്ങിയിട്ടുണ്ട്. വിറ്റാമിന്‍ എ മുടിയുടെ നീളം കൂട്ടുകയും മുടി കൊഴിച്ചില്‍ തടയുകയും ചെയ്യുന്നു.

മുടിക്ക് മുട്ടയുടെ ഗുണങ്ങള്‍

വിറ്റാമിന്‍ കെ മുടിയുടെ അകാല നരയെ ചെറുക്കുന്നു. പൊട്ടുന്ന വരണ്ട മുടിയില്‍ നിന്ന് വിറ്റാമിന്‍ ബി സംരക്ഷണം നല്‍കുന്നു. കൂടാതെ, വിറ്റാമിന്‍ ബി 3 മുടിയുടെ അളവ് നിലനിര്‍ത്തുന്നു.